ఉదయాన్నే వేడివేడిగా, పైన చిటపటలాడే దోసె చూసినప్పుడు నోరూరడం సహజం. అలాంటి రుచిని ఇంట్లోనే సాధించాలంటే, అసలు మిస్టరీ పిండిలోనే దాగి ఉంటుంది. దోసెలో మీరు ఉల్లి, ఎగ్, కారం వేసుకుంటే రుచి బాగుంటుంది కానీ, బేస్ పిండి బాగుండాలి. ఎందుకంటే దోసె ఎలా వస్తుందనేది మొత్తం దాని మీదే ఆధారపడి ఉంటుంది.
చాలా మంది హోటల్స్‌లో వంట సోడా వేసి దోసెలు పొంగేలా చేస్తారని అనుకుంటారు. కానీ ఇది తప్పు. హోటళ్లలో వారు వంట సోడా అస్సలు వేయరు. అసలు మ్యాజిక్ అంతా సరైన మినప్పప్పు, బియ్యం కొలతల్లోనే ఉంది. మీరు కూడా అదే విధంగా చేస్తే హోటల్‌లో తినే దోసె ఇంట్లో రిపీట్ అవుతుంది.
ముందుగా మినప్పప్పు, బియ్యం, శనగపప్పు, మెంతులు అన్నీ ఒకే గిన్నెలో రెండు మూడు సార్లు కడిగి, రెండు గంటల పాటు నానబెట్టాలి. ఆ తర్వాత బాగా మెత్తగా గ్రైండ్ చేసుకోవాలి. పిండిలో రుచిని, మృదుత్వాన్ని పెంచేందుకు అటుకులు కూడా మధ్యలో వేసుకోవాలి. ఈ అటుకులు ముందే నానబెట్టకండి, అది అవసరం లేదు. గ్రైండ్ చేస్తున్న టైంలోనే కలపడం బెటర్. అలా చేస్తే తేలికగా అరిష్టపోకుండా ఉండి, దోసెకు సాఫ్ట్ టెక్స్చర్ వస్తుంది.
[news_related_post]పిండిని గ్రైండ్ చేసిన తర్వాత కనీసం 6 గంటల పాటు పులియబెట్టాలి. ఆ తర్వాత రుచికి సరిపడా ఉప్పు వేసుకుని అవసరమైనన్ని నీళ్లు పోసి కలపాలి. హోటల్‌ల్లో దోసె పెనం బాగా గట్టిగా ఉంటుంది. కానీ మన ఇళ్లలో పెనాలు తక్కువ మందంతో ఉండటం వల్ల కొంచెం నీళ్లు కలిపి పిండి కొద్దిగా మసకగా ఉంచాలి. అప్పుడు మనకు బాగా బ్రౌన్ కలర్‌తో క్రిస్పీగా దోసె వస్తుంది.
ఇప్పుడు పెనాన్ని వేడి చేసి, దోసె పిండిని వేసి చుట్టూ నెయ్యి లేదా నూనె వేసి క్రిస్పీగా కాల్చుకుంటే చాలు. దోసెకు బంగారు రంగు వచ్చినపుడు తీసేయాలి. దానికి పక్కన కొబ్బరి పచ్చడి లేదా టొమాటో పచ్చడి పెడితే చాలు, హోటల్‌కి వెళ్లే అవసరం ఉండదు.
ఇలా కొంచెం జాగ్రత్తగా ఈ దశలు పాటిస్తే, ఇంట్లోనే మిగిలినవారిని సర్‌ప్రైజ్ చేసే రుచితో దోసెలు రెడీ అవుతాయి. ఇప్పుడు మీరు కూడా ఒక్కసారి ఈ రెసిపీ ట్రై చేయండి. హోటల్‌కు పోయే ఆలోచనే రాదు. రోజూ ఇంట్లోనే హోటల్ దోసె ఫీలింగ్ వస్తుంది!
