ఏ జాతి మనుగడకైనా..మాతృభాషే ప్రాణం. అందుకే కవులు..రచయితలు మాతృభాష తల్లి పాలు లాంటిది..విదేశీ భాష ఆవు పాలు లాంటిది అని అంటారు. ఆధునిక విద్య..ఉద్యోగ వేట నేపథ్యంలో భారతదేశంలో అనేక మాతృభాషలు క్రమంగా అంతరించిపోతున్న సందర్భంలో, ఒక కోయ యువకుడు తన మాతృభాషపై తనకున్న అభిమానాన్ని ప్రత్యేకంగా వ్యక్తం చేశాడు. ప్రతి వ్యక్తి జీవితంలో చాలా ప్రత్యేకమైనదిగా భావించే వివాహ వేడుకను తన మాతృభాషను ప్రోత్సహించడానికి ఒక వేదికగా ఉపయోగించుకుని, భాషపై తనకున్న ప్రేమను వ్యక్తం చేశాడు.
మాతృభాషపై తనకున్న ప్రేమతో, వివాహ కార్డును తన కోయ భాషలో ముద్రించారు.ఇప్పుడు వివాహ ఆహ్వానం సోషల్ మీడియాలో వైరల్ అయింది. భద్రాద్రి కొత్తగూడెం జిల్లా ఇల్లందు మండలం సంజయ్‌నగర్‌కు చెందిన ఉండం శ్రీనివాస్ అనే కోయ యువకుడికి అదే జిల్లాలోని లక్ష్మీ దేవిపల్లికి చెందిన చింత వినితతో నిశ్చితార్థం జరిగింది. వచ్చే నెల 2న వివాహ తేదీని నిర్ణయించారు. అతని వివాహ ఆహ్వాన పత్రిక
వరుడు ఉండం శ్రీనివాస్ తన బంధువులు, స్నేహితులను తన మాతృభాష అయిన కోయలో ప్రింట్ చేసి వివాహానికి ఆహ్వానిస్తున్నాడు. వివాహ ఆహ్వాన పత్రికలో, వధూవరులు, సమయం, అతిథులకు ఆహ్వానం, విందు, ఇతర వివరాలను కోయలో ముద్రించి అందరికీ వివాహ ఆహ్వాన పత్రికలను పంపాడు.
Related News
ఆ యువకుడు కోయ భాషలో రాసిన ఈ వివాహ శుభాకాంక్షలు ఇప్పుడు ఇంటర్నెట్‌లో వైరల్ అయ్యాయి. కోయ భాషలో వివాహ శుభాకాంక్షలు చూసిన నెటిజన్లు ఆ యువకుడికి తన మాతృభాషపై ఉన్న ప్రేమను వ్యాఖ్యానిస్తూ, ప్రశంసిస్తున్నారు. అంతరించిపోతున్న జాబితాలో ఉన్న గిరిజనులు, ఆదివాసీల మాతృభాషలను కాపాడుకోవడంలో మంచి ప్రయత్నంగా వరుడు శ్రీనివాస్ వినూత్నమైన కోయ భాష వివాహ శుభాకాంక్షలు ప్రశంసిస్తున్నారు.
