Bank of Baroda తమ ఖాతాదారులకు శుభవార్త చెప్పింది. ఈ బ్యాంక్ ఒక పెద్ద నిర్ణయం తీసుకుంది. ఇప్పటివరకు సేవింగ్స్ అకౌంట్లో కనీస బ్యాలెన్స్ ఉంచకపోతే వసూలు చేస్తున్న చార్జీలను పూర్తిగా రద్దు చేసింది. ఈ కొత్త నిబంధన 2025 జులై 1 నుండి అమల్లోకి వచ్చింది. అంటే ఇక మీదట Bank of Baroda లో సాదా సేవింగ్స్ అకౌంట్ కలిగిన ఖాతాదారులు కనీస బ్యాలెన్స్ ఉంచకపోయినా ఒక్క రూపాయి కూడా చార్జీ వసూలు చేయదు.
Bank of Baroda లో ఒకప్పుడు ఖాతాలో కనీసం ₹500 నుంచి ₹2000 వరకు బ్యాలెన్స్ లేకపోతే నెలకి ₹50 వరకు జరిమానా వసూలు అయ్యేది. కానీ ఇప్పుడు ఈ విధానం మార్చబడింది. ఖాతాదారులపై భారాన్ని తగ్గించాలనే ఉద్దేశంతో బ్యాంక్ ఈ నిర్ణయం తీసుకుంది. దీనివల్ల గ్రామీణ, మధ్యతరగతి ఖాతాదారులకు పెద్ద ఊరట లభించింది. Bank of Baroda కొన్ని ప్రీమియం సేవింగ్స్ అకౌంట్లను కూడా అందిస్తోంది. వీటికి మాత్రం ఈ కొత్త నిబంధన వర్తించదు. అంటే ఈ ఖాతాల్లో కనీస బ్యాలెన్స్ ఉంచకపోతే జరిమానా వర్తిస్తుంది. బ్యాంక్ మొత్తం 19 రకాల ప్రీమియం సేవింగ్స్ అకౌంట్లు అందిస్తోంది.
ఉదాహరణకి, BOB Sapphire Women’s Account అనే ఖాతాలో కనీసంగా ₹1 లక్ష బ్యాలెన్స్ ఉండాలి. లేదంటే ₹50 (GST వేరు) చార్జీ వసూలు అవుతుంది. అదే విధంగా, BOB Master Stroke SB Account లో కనీస బ్యాలెన్స్ ₹5 లక్షలు. ఉంచకపోతే ₹200 చార్జీ వేస్తారు. BOB Super Savings Account లో కనీసం ₹20,000 ఉండాలి. లేదంటే ₹50 జరిమానా వేస్తారు. ఇది మాత్రమే కాదు. Bank of Baroda మరో శుభవార్త కూడా అందించింది. హోం లోన్ తీసుకునే వారికి మంచి అవకాశం. బ్యాంక్ తన హోం లోన్ వడ్డీ రేటును 8% నుంచి 7.50%కి తగ్గించింది. ఇది కొత్త కస్టమర్లకు మాత్రమే వర్తిస్తుంది. RBI ఇటీవల రెపో రేటును తగ్గించడంతో Bank of Baroda ఈ నిర్ణయం తీసుకుంది.
[news_related_post]ఇప్పుడు హోం లోన్ కోసం బ్యాంక్ బ్రాంచ్ వెళ్లాల్సిన అవసరం లేదు. Bank of Baroda వెబ్‌సైట్ ద్వారా ఆన్లైన్‌లో అప్లై చేయవచ్చు. మొత్తం లోన్ ప్రాసెస్ డిజిటల్ విధానంలో జరుగుతుంది. టైం కూడా ఆదా అవుతుంది. కొత్త ఇంటి కలను సాకారం చేసుకోవాలనుకునే వారికి ఇది అద్భుతమైన అవకాశమే. Bank of Baroda దేశంలోనే కాదు, విదేశాల్లోనూ సేవలందిస్తోంది. ఈ బ్యాంక్‌కు 17 దేశాల్లో సుమారు 165 మిలియన్ల కస్టమర్లు ఉన్నారు. ఇది ప్రభుత్వ రంగంలో అగ్రగామి బ్యాంక్. గ్రామీణ ప్రాంతాల్లోనూ, నగరాల్లోనూ దీని సేవలు అందుబాటులో ఉన్నాయి. డిజిటల్ ప్లాట్‌ఫాంలో కూడా ఈ బ్యాంక్ ముందున్నది.
ఇప్పుడు Bank of Baroda ఖాతాదారులు ఇక ఖాతాలో బాలన్స్ గురించి టెన్షన్ పడాల్సిన పని లేదు. కనీస బ్యాలెన్స్ ఉంచకపోయినా మీ ఖాతాలో నుంచి ఎలాంటి చార్జీలు వసూలు చేయరు. ఇది ఒక గొప్ప మార్పు. మూడో తరగతి కుటుంబాలపై ఆర్థిక భారం తగ్గించేందుకు ఇది మంచి అడుగు. ఇంకా కొత్త ఇంటి కోసం హోం లోన్ తీసుకోవాలనుకుంటున్నవారు ఈ అవకాశాన్ని మిస్ అవద్దు. ఇప్పుడే అప్లై చేస్తే తక్కువ వడ్డీ రేటుతో మీ కలల ఇల్లు సాకారం చేసుకోవచ్చు. ఈ కొత్త మార్పులు Bank of Baroda ను మరింత వినియోగదారులకు అనుకూలంగా మార్చాయి. కనుక మీరు ఇప్పటికీ ఈ బ్యాంకులో ఖాతా తెరవలేదు అంటే ఇదే సరైన సమయం…
