టాలీవుడ్ మెగా పవర్ స్టార్ రామ్ చరణ్ కు మరో అరుదైన గౌరవం దక్కింది. RRR సినిమాతో గ్లోబల్ స్టార్ గా మారిన చెర్రీ ఇప్పుడు డా.రామ్ చరణ్. తమిళనాడులోని ప్రముఖ వేల్స్ యూనివర్సిటీ శనివారం (ఏప్రిల్ 13) రామ్ చరణ్‌కు గౌరవ డాక్టరేట్‌ను ప్రదానం చేసింది. విద్యార్థుల మధ్య కోలాహలంగా జరిగిన కార్యక్రమంలో రామ్ చరణ్ యూనివర్సిటీ ఆఫ్ వేల్స్ ప్రతినిధుల చేతుల మీదుగా డాక్టరేట్ అందుకున్నారు. దీంతో రామ్ చరణ్ డాక్టర్ రామ్ చరణ్ అయ్యాడు. దీనికి సంబంధించిన వీడియో ఇప్పుడు సోషల్ మీడియాలో వైరల్‌గా మారింది. చిరంజీవి, నాగబాబుతో పాటు పలువురు టాలీవుడ్ ప్రముఖులు, అభిమానులు, నెటిజన్లు చరణ్‌కు శుభాకాంక్షలు తెలియజేస్తున్నారు.