ఆరోగ్య బీమా ఎందుకు అవసరం?

ఆరోగ్య బీమా ఉంటే హాస్పిటల్ ఖర్చులకు భయపడాల్సిన పని ఉండదు. ఒక్కసారిగా పెద్ద ఖర్చులు వచ్చినా బీమా కవర్ చేస్తుంది. మన జేబు నుంచి డబ్బు వెళ్ళే అవసరం పడదు. ముఖ్యంగా తల్లిదండ్రుల కోసం బీమా తీసుకోవాలనుకుంటున్న వాళ్లకి ఇది మంచి అవకాశమే. అయితే ఇప్పుడు ప్రీమియం అమౌంట్ ఎక్కువగా ఉండటం వల్ల చాలామందికి అది భారం అవుతోంది.

ఎలా తగ్గించుకోవచ్చో తెలుసా?

ఇప్పుడు మీరు కొన్ని స్మార్ట్ టిప్స్ ఫాలో అయితే, ఆరోగ్య బీమా ప్రీమియాన్ని బాగా తగ్గించుకోవచ్చు. ముఖ్యంగా చిన్న వయస్సులో బీమా తీసుకుంటే చాలా తక్కువ ఖర్చుతో బీమా కవర్ పొందవచ్చు. ఉదాహరణకి, మీరు 30 ఏళ్ల వయస్సులో బీమా తీసుకుంటే అది చాలా చౌకగా లభిస్తుంది.

Related News

అదే మీరు 60 ఏళ్ల వయస్సులో తీసుకుంటే అది చాలా ఎక్కువ ఖర్చవుతుంది. అందుకే ఆలస్యం చేయకుండా త్వరగా బీమా కవర్ తీసుకోండి.

క్లెయిమ్ బోనస్ & డిస్కౌంట్ బెనిఫిట్స్

మీరు ఏటా ఆరోగ్య బీమా క్లెయిమ్ చేయకపోతే 5% నుంచి 10% వరకు నో క్లెయిమ్ బోనస్ లభిస్తుంది. దీని వల్ల కవరేజ్ అమౌంట్ పెరుగుతుంది. అంతేకాకుండా, మీరు ఒకేసారి 3 ఏళ్ల బీమా ప్లాన్ తీసుకుంటే 15% వరకు డిస్కౌంట్ కూడా లభిస్తుంది. ఇది మీరు తీసుకునే బీమా ప్రీమియాన్ని గణనీయంగా తగ్గిస్తుంది.

డిడక్టబుల్ మరియు కో-పే ప్రయోజనాలు

బీమాలో డిడక్టబుల్ అన్నది మీరే ముందుగా చెల్లించే అమౌంట్. ఉదాహరణకి మీ మొత్తం వైద్య ఖర్చు రూ.6 లక్షలైతే, మీరు రూ.2 లక్షలు డిడక్టబుల్ గా చెల్లిస్తే మిగిలిన రూ.4 లక్షల్ని బీమా కవర్ చేస్తుంది.

అదే విధంగా కో-పే అంటే, ఖర్చు యొక్క ఒక భాగాన్ని మీరే భరించాలి. మీ ఖర్చు రూ.10 లక్షలు అయితే, 20% కో-పే అంటే మీరు రూ.2 లక్షలు చెల్లిస్తారు. మిగిలిన రూ.8 లక్షలు బీమా సంస్థ చెల్లిస్తుంది. ఇలా చేయడం వల్ల బీమా ప్రీమియం మరింత తగ్గుతుంది.

బీమా కంపెనీలు కంపేర్ చేయండి

ఇంకో ముఖ్యమైన విషయం ఏమిటంటే, మీరు బీమా తీసుకునే ముందు మార్కెట్‌లో ఉన్న అన్ని కంపెనీల ప్లాన్లు బాగానే పరిశీలించాలి. ఒక్కో కంపెనీ వేర్వేరు కవర్‌లు, ప్రయోజనాలు ఇస్తుంటాయి. అందుకే కాస్త సమయం తీసుకుని అనలైజ్ చేయడం చాలా అవసరం. దీనివల్ల మీరు తక్కువ ప్రీమియంతో ఎక్కువ కవరేజ్ ఉన్న బీమా ప్లాన్ ఎంచుకోవచ్చు.

ఎమర్జెన్సీ ఫండ్ కూడా ఉపయోగపడుతుంది

బీమాతో పాటు, నెలవారీ జీతంలో కొంత మొత్తం ఎమర్జెన్సీ ఫండ్‌కి విడిగా పెట్టడం కూడా మంచిది. ఎందుకంటే కొన్ని సందర్భాల్లో బీమా కవర్ కాకపోయే ఖర్చులు ఉండొచ్చు. అప్పుడు మీ దగ్గర ఉన్న ఫండ్ వాడుకోవచ్చు. ఇది మంచి ఆర్థిక ప్లానింగ్‌కు ఒక భాగం అవుతుంది.

ఇక ఆలస్యం వద్దు – వెంటనే ఆరోగ్య బీమా తీసుకోండి

ఒక్కసారి ఆరోగ్యం పాడయితే డబ్బు ఎంత ఉన్నా సరిపోదు. ఇప్పుడు బీమా లేకపోతే అది భవిష్యత్తులో పెద్ద నష్టంగా మారవచ్చు. అందుకే తగిన బీమా ప్లాన్ ఎంచుకుని, తక్కువ ప్రీమియంతో అధిక కవర్ పొందండి. మరి మీరు ఇంకా ఆరోగ్య బీమా తీసుకోలేదా? అయితే ఇదే సరైన సమయం…

ఆరోగ్యానికి బీమా – భవిష్యత్తుకు భరోసా….