ముఖ్యమంత్రి చంద్రబాబు నాయుడు ప్రభుత్వ ఉద్యోగుల బకాయిలను చెల్లించాలని నిర్ణయించారు. శుక్రవారం ఉద్యోగులకు రూ.6,200 కోట్లు చెల్లించాలని సీఎం ఆదేశించారు. సీఎం ఆదేశాల మేరకు ఆర్థిక శాఖ సీపీఎస్, ఏపీజీఏఐ కింద రూ.6,200 కోట్లు విడుదల చేయనుంది. ఈ ఏడాది జనవరి 11న ఉద్యోగులకు వివిధ బకాయిల కింద రూ.1,033 కోట్లు ప్రభుత్వం విడుదల చేసింది. ఆర్థిక ఇబ్బందులు ఉన్నప్పటికీ సంకీర్ణ ప్రభుత్వం ఉద్యోగులకు అండగా ఉంటుందని సీఎం స్పష్టం చేశారు.