ముఖ్యంగా EPS పెన్షనర్లు చాలా ప్రయోజనం పొందుతారు.

EPFO నిర్వహిస్తున్న EPS 95 పెన్షన్ పథకం చాలా ముఖ్యమైనది. ఈ పెన్షన్ పథకంలో భాగంగా, ప్రస్తుతం నెలకు రూ.1000 పెన్షన్ అందుతోంది. ఈ పెన్షన్ త్వరలో రూ.7500కి పెరిగే అవకాశం ఉందని తెలుస్తోంది. ఈ మేరకు ప్రతిపాదనలు సిద్ధం చేసినట్లు సమాచారం. EPS 95 పెన్షన్ పథకంలో పొందుతున్న కనీస పెన్షన్‌ను రూ.1000 నుండి రూ.7500కి పెంచాలనే డిమాండ్ ఉంది. EPS 95 పెన్షనర్లు ఇప్పటికే అనేకసార్లు కేంద్ర మంత్రులను కలుసుకుని విజ్ఞప్తి చేశారు. కనీస పెన్షన్‌ను రూ.7500-9000 మధ్య పెంచాలని వారు కోరుతున్నారు. తద్వారా పదవీ విరమణ చేసిన ఉద్యోగులు ఆర్థిక ఇబ్బందులను ఎదుర్కోకూడదు. EPS 95 పథకం కింద అధిక పెన్షన్ విషయంలో సుప్రీంకోర్టు ఇప్పటికే పెన్షనర్లకు అనుకూలంగా తీర్పునిచ్చింది. కొన్ని రాష్ట్ర ప్రభుత్వాలు ఇచ్చే సామాజిక పెన్షన్ రూ.2,000 నుండి రూ.4,000 వరకు ఉండగా, కేవలం రూ.1000 మాత్రమే ఇపిఎస్ పెన్షన్ ఇవ్వడం ఎంతవరకు సమంజసమనే ప్రశ్నలు తలెత్తుతున్నాయి.

ఇపిఎస్ 95 పథకానికి సంబంధించి కేంద్ర ప్రభుత్వం త్వరలో కీలక నిర్ణయం తీసుకోవచ్చు. బసవరాజు బొమ్మై పార్లమెంటరీ కమిటీ ఇప్పటికే దీనిని అధ్యయనం చేసి అనేక సూచనలు చేసింది. దీనిపై కేంద్ర ప్రభుత్వం త్వరలో ప్రకటన చేయవచ్చు.