ప్రముఖ ఈ-కామర్స్ దిగ్గజం Amazon మరో కొత్త వ్యాపారాన్ని ప్రారంభించింది. అన్‌బ్రాండెడ్, తక్కువ ధరకు ఫ్యాషన్ మరియు లైఫ్‌స్టైల్ ఉత్పత్తులను విక్రయించనున్నట్లు తెలిపింది. ఇందుకోసం Amazon Bazar అనే కొత్త వెబ్‌సైట్‌ను ప్రారంభించింది. ప్రస్తుతం, ఈ బజార్ Amazon Android యాప్‌లో లైవ్ లోకి వచ్చింది. రూ. 600 లోపు ధర కలిగిన దుస్తులు, గడియారాలు మరియు పాదరక్షలను అందించే లక్ష్యంతో కొత్త వ్యాపార విభాగాన్ని ప్రారంభించినట్లు అమెజాన్ తెలిపింది. కొనుగోలు చేసిన 4-5 రోజుల్లో డెలివరీ చేయబడుతుంది.
ఈ అమెజాన్ బజార్ యొక్క ముఖ్య ఉద్దేశ్యం తక్కువ ధరలకు ఫ్యాషన్ మరియు గృహోపకరణాలను అందించడం. ఈ అమెజాన్ బజార్ స్టోర్‌లో చీరలు, షర్టులు, కిడ్స్ వేర్, బెడ్ షీట్లు, డోర్ కర్టెన్లు, హ్యాండ్‌బ్యాగ్‌లు వంటి అనేక రకాల ఉత్పత్తులు అందుబాటులో ఉన్నాయి. ఈ బజార్‌లో అమ్మకందారులు తమ ఉత్పత్తులను దేశవ్యాప్తంగా ఉన్న తయారీ కేంద్రాల ద్వారా విక్రయించవచ్చని అమెజాన్ తెలిపింది. ఇందుకోసం అమ్మకందారుల నుంచి ఎలాంటి రుసుము వసూలు చేయడం లేదని పేర్కొంది. అయితే, వీటి డెలివరీకి 4-5 రోజులు పడుతుంది. సాధారణంగా Amazon Prime సబ్‌స్క్రైబర్‌లకు అదే రోజు డెలివరీ. అయితే అన్ బ్రాండెడ్ ఉత్పత్తులకు ఎక్కువ సమయం పడుతుందని అర్థమవుతోంది.
