ఆంధ్రప్రదేశ్‌లోని ఒక విద్యార్థిని పదవ తరగతి ఫలితాల్లో అరుదైన ఘనత సాధించింది. ఆమె 600కి 600 మార్కులు సాధించింది, ఇది గతంలో ఎప్పుడూ చూడలేదు.

దీనికి సంబంధించి పూర్తి వివరాల్లోకి వెళితే..

కాకినాడకు చెందిన నేహంజాని అనే అమ్మాయి స్థానిక భాష్యం పాఠశాలలో చదువుతోంది. ఆమె 600/600 మార్కులు సాధించింది. దీంతో ఆ విద్యార్థినికి సర్వత్రా ప్రశంసలు అందుతున్నాయి.

మరోవైపు, ఎలమంచిలిలోని చైతన్య పాఠశాలలో చదువుతున్న ఎండ అనిత అనే విద్యార్థిని 599 మార్కులు సాధించింది. అదేవిధంగా, పల్నాడు జిల్లాలోని ఒప్పిచర్ల జెడ్‌పి హైస్కూల్‌లో చదువుతున్న పావని చంద్రిక 598 మార్కులు సాధించింది. దీనితో, హెచ్‌ఎం విజయ లలిత, తోటి ఉపాధ్యాయులు మరియు గ్రామస్తులు కూడా ఆమెను అభినందించారు.

ఈ ఫలితాల్లో 81.14 ఉత్తీర్ణత శాతం నమోదైంది. వీటిలో బాలురు 78.31 శాతం, బాలికలు 84.09 శాతం ఉత్తీర్ణులయ్యారు. అలాగే, 1,680 పాఠశాలలు వంద శాతం ఉత్తీర్ణత రేటును నమోదు చేశాయి. 19 పాఠశాలలు సున్నా శాతం ఉత్తీర్ణత రేటును నమోదు చేయగా… పార్వతీపురం మన్యం జిల్లా అత్యధికంగా 93.90 శాతం ఉత్తీర్ణత రేటును నమోదు చేసింది. మే 19 నుండి 28 వరకు సప్లిమెంటరీ పరీక్షలు జరుగుతాయి. అదేవిధంగా, ఏపీలో 1,680 పాఠశాలలు వంద శాతం ఉత్తీర్ణత రేటును నమోదు చేయగా… 19 పాఠశాలల్లో సున్నా శాతం ఉత్తీర్ణత రేటు నమోదైంది.