ఈ రెండు ఫోన్లు చూసేటప్పుడు ఒకేలా అనిపిస్తాయి. కానీ అసలు తేడాలు, ప్రత్యేకతలు తెలుసుకుంటేనే మీరు మీకు సరిపడే ఫోన్ ఎంచుకోవచ్చు. మరి వీటిద్దరికీ మధ్య తేడేంటి? ఏ ఫోన్ లో ఏం స్పెషల్? ఇప్పుడు తెలుసుకుందాం.

డిజైన్, లుక్‌ అండ్ ఫీల్ ఎలా ఉంది?

HMD 105 4G చాలా స్లిమ్‌గా, లైట్‌గా ఉంటుంది. దీని బరువు కేవలం 92.99 గ్రాములు మాత్రమే. ఫోన్ డైమెన్షన్స్ చూస్తే 126.07 x 50.5 x 13.9 mm. బ్లాక్, సియాన్, పింక్ రంగుల్లో వస్తోంది. చేతిలో పట్టుకోవడానికి సులభంగా ఉంటుంది.

ఇక HMD 110 4G చూస్తే ఇది మరింత ట్రెండీగా ఉంటుంది. బరువు 93.5 గ్రాములు, కాస్త మందంగా ఉంటుంది – 14.4 mm. టయిటానియం మరియు బ్లూ రంగుల్లో ఈ ఫోన్ లభ్యం. రెండు ఫోన్లూ స్ట్రాంగ్ బాడీతో వస్తున్నాయి. రోజూ వాడుకోవడానికి బలంగా తయారుచేసారు.

డిస్‌ప్లే ఒకటే అయినా వాడకంలో తేడా ఉంది

రెండు ఫోన్లలో 2.4 ఇంచ్ QVGA కలర్ LCD స్క్రీన్ ఉంటుంది. రెసల్యూషన్ 240 x 320 పిక్సెల్స్. అయితే స్క్రీన్ టూ బాడీ రేషియో HMD 105 4Gలో 28%. HMD 110 4Gలో ఇది 21.7%. అంటే HMD 105లో స్క్రీన్ కాస్త పెద్దగా కనిపిస్తుంది. రెండూ S30+ ఆపరేటింగ్ సిస్టమ్‌తో వస్తున్నాయి. యూజ్ చేయడానికి చాలా సింపుల్‌గా ఉంటుంది.

పర్ఫార్మెన్స్, స్టోరేజ్ విషయాల్లో ఇద్దరూ ఒకేలా

రెండు ఫోన్లలోనూ Unisoc T127 ప్రాసెసర్ వాడారు. RAM 128MB, ఇంటర్నల్ స్టోరేజ్ 64MB. మైక్రో SD కార్డ్ ద్వారా మీరు దీన్ని 32GB వరకూ పెంచుకోవచ్చు. సింపుల్ ఫోన్ కోసం ఇవి సరిపోతాయి. చిన్న అప్స్, ఫొటోలు, మ్యూజిక్ వంటివి సేఫ్‌గా వాడుకోవచ్చు.

కనెక్టివిటీ, బ్యాటరీ పర్ఫార్మెన్స్ ఎలా ఉంది?

ఈ ఫోన్లు 4G VoLTE సపోర్ట్ చేస్తాయి. అంటే HD వాయిస్ కాల్స్, వేగంగా కనెక్ట్ అయ్యే నెట్‌వర్క్. ఇంకా USB Type-C పోర్ట్ కూడా ఉంది. ఇదే కొత్తగా ఫీచర్ ఫోన్‌లో రావడం విశేషం. ఫాస్ట్ ఛార్జింగ్, డేటా ట్రాన్స్‌ఫర్ రెండూ సులభంగా అవుతాయి.

ఇంకా బ్యాటరీ విషయానికి వస్తే, రెండు ఫోన్లలోనూ 1450mAh బ్యాటరీ ఉంది. ఇది 15 రోజుల స్టాండ్బై టైమ్ ఇస్తుంది. రోజూ ఎక్కువగా కాల్స్ మాట్లాడే వాళ్లకు ఇది అదృష్టం లాంటిదే.

కెమెరా ఉందా? ప్రత్యేకతలు ఏవైనా ఉన్నాయా?

HMD 105 4Gలో కెమెరా లేదు. ఇది కేవలం కాల్స్, మెసేజ్, మ్యూజిక్ వంటివే చూసే వాళ్ల కోసం. అలాగే HMD 110 4Gలో మాత్రం కెమెరా ఉంది. రియర్ కెమెరా తో పాటు LED ఫ్లాష్ కూడా ఉంది. ఫోటోలు తీయడమే కాదు, ఫ్లాష్‌ను టార్చ్ లైట్‌లా కూడా వాడవచ్చు.

రెండు ఫోన్లలోనూ FM రేడియో ఉంది. MP3 ప్లేయర్ కూడా ఉంది. 2000 కాంటాక్ట్స్‌ని సేవ్ చేసుకునే అవకాశం ఉంది. అంటే మీకు నెట్ అవసరం లేకుండా వినోదం కూడా ఉంటుందన్న మాట.

ధర ఎంత? ఎక్కడ దొరుకుతాయి?

HMD 105 4G ధర రూ.2,199 మాత్రమే. ఇక HMD 110 4G ధర కాస్త ఎక్కువగా రూ.2,399. రెండు ఫోన్లూ ఆఫ్లైన్ రిటైల్ షాప్స్‌, ఆన్‌లైన్ స్టోర్స్‌, HMD అధికారిక వెబ్‌సైట్‌లో అందుబాటులో ఉన్నాయి. ఇక ముఖ్యంగా చెప్పుకోవలసిన విషయం – ఒక సంవత్సరం రీప్లేస్‌మెంట్ వారంటీ కూడా ఉంది. అంటే ఏదైనా లోపం వస్తే, కంపెనీ కొత్త ఫోన్ ఇస్తుంది.

ఏది తీసుకోవాలి? మీకు తగినది ఏదో తెలుసుకోండి…

HMD 105 4G – తక్కువ ధరలో మంచి బేసిక్ ఫోన్ కావాలి, కెమెరా అవసరం లేదు అనుకునే వారికి సరిపోతుంది. సింపుల్ యూజర్లకు ఇది బెస్ట్. ఇక HMD 110 4G – కెమెరా కావాలి, కాస్త ట్రెండీగా ఉండాలి అనుకునే వాళ్లకు ఇది బెస్ట్ చాయిస్.

ఇద్దరూ ఫోన్లూ మంచి బ్యాటరీ లైఫ్, స్ట్రాంగ్ బిల్డ్, 4G కనెక్టివిటీ ఇస్తున్నాయి. ధర కూడా అందుబాటులో ఉంది. మీ అవసరాన్ని బట్టి సరైన ఫోన్ ఎంచుకోండి. మిస్ అయితే మళ్లీ ఇలాంటి ఫీచర్ ఫోన్ ఈ ప్రైస్‌లో రావడం కష్టమే..