ఇప్పుడు క్రెడిట్ కార్డు కూడా

2025 బడ్జెట్‌లో కేంద్ర ఆర్థిక మంత్రి నిర్మలా సీతారామన్ ఈ పథకాన్ని మరింత బలోపేతం చేస్తూ క్రెడిట్ కార్డు సౌకర్యాన్ని ప్రకటించారు. ఇప్పుడు PM-SVANidhi స్కీమ్‌లో చేరిన లబ్ధిదారులకు రూ.30,000 వరకు UPI లింక్ చేసిన క్రెడిట్ కార్డు అందుబాటులో ఉంటుంది. దీని వల్ల కొనుగోళ్లలో సౌలభ్యం, డిజిటల్ లావాదేవీలు మరింత వేగంగా జరుగుతాయి.

కేవలం ఆధార్, ఓటర్ కార్డ్ ఉంటే చాలు

ఈ పథకం కింద లోన్ పొందేందుకు ముఖ్యమైన డాక్యుమెంట్లు ఆధార్ కార్డు, ఓటర్ ఐడీ కార్డులు. మీరు పాన్ కార్డ్, డ్రైవింగ్ లైసెన్స్, లేదా MNREGA కార్డును కూడా ప్రత్యామ్నాయంగా చూపించవచ్చు. ఎక్కువ డాక్యుమెంట్ల కోసం పరుగులు పెట్టాల్సిన అవసరం లేదు. ప్రక్రియ చాలా సులభంగా ఉంటుంది.

Related News

మూడు విడతల్లో లోన్

ఈ పథకం కింద మూడు దశల్లో అప్పు పొందే అవకాశం ఉంటుంది. మొదటి దశలో రూ.10,000 వరకు 12 నెలలపాటు ఇచ్చే లోన్, రెండో దశలో రూ.15,000 నుంచి రూ.20,000 వరకు 18 నెలల పాటు. మూడో దశలో అయితే రూ.30,000 నుంచి రూ.50,000 వరకు 36 నెలలపాటు అప్పు లభిస్తుంది. అంటే ఒక్కసారి టైమ్‌కు రిపేమెంట్ చేస్తే, తర్వాత మరింత ఎక్కువ అప్పు పొందే అవకాశం ఉంటుంది.

వడ్డీపై 7% సబ్సిడీ – డైరెక్ట్‌గా అకౌంట్‌లో

ఈ పథకం ప్రత్యేకత ఏంటంటే, మీరు తక్షణంగా అప్పు తీసుకుని చెల్లిస్తున్న వడ్డీపై ఏటా 7 శాతం వడ్డీ మినహాయింపు లభిస్తుంది. ఈ సబ్సిడీ డైరెక్ట్‌గా మీరు ఇచ్చిన బ్యాంకు ఖాతాలో ప్రతి మూడు నెలలకు ఒకసారి జమ అవుతుంది. పైగా మీరు టైమ్‌కు లేదా ముందుగానే లోన్ చెల్లిస్తే, మొత్తం వడ్డీ మినహాయింపు మొత్తాన్ని ఒకేసారి జమ చేస్తారు.

డిజిటల్ లావాదేవీలకు క్యాష్‌బ్యాక్

ఇంకో అదిరిపోయే లాభం ఏంటంటే, మీరు డిజిటల్ మార్గంలో లావాదేవీలు చేస్తే ప్రభుత్వం క్యాష్‌బ్యాక్‌ కూడా ఇస్తుంది. ఏటా రూ.1,200 వరకు క్యాష్‌బ్యాక్ పొందవచ్చు. అంటే మీరు లావాదేవీలు చేస్తూ ఆదా కూడా చేసుకోగలుగుతారు.

భవిష్యత్‌లో పెద్ద అప్పు పొందే అవకాశం

ఈ పథకం కింద తీసుకున్న లోన్‌ను సమయానికి చెల్లిస్తే, మళ్ళీ ఎక్కువ మొత్తంలో లోన్ పొందే అర్హత కలుగుతుంది. అంటే మీరు నమ్మకమైన కస్టమర్‌గా గుర్తింపు పొందినట్లే. దీని వల్ల వ్యాపారాన్ని విస్తరించుకునేందుకు మరింత అవకాశం ఉంటుంది.

ఎలాంటి కొల్లాటరల్ అవసరం లేదు – సులభమైన EMIలు

ఈ పథకంలో అద్భుతమైన విషయం ఏంటంటే, మీరు అప్పు తీసుకోవాలంటే ఎలాంటి కొల్లాటరల్ అవసరం లేదు. అంటే మీ దుకాణం, బంగారం లేదా ఇతర ఆస్తులను తాకట్టు పెట్టాల్సిన పని ఉండదు. నెలవారీ EMIల ద్వారా సులభంగా చెల్లించవచ్చు.

వెండర్లకు ఇది జీవితాన్నే మార్చే అవకాశం

ఈ పథకం వల్ల లాభపడే వారు లక్షలాది మంది వీధి వ్యాపారులు. కూరగాయలు, పండ్లు, టీ, తినుబండారాలు, చిన్న వ్యాపారాలు చేసే వారందరూ ఈ పథకం ద్వారా ఆర్థికంగా నిలదొక్కుకునే అవకాశం పొందుతున్నారు. ఇది కేవలం ఒక అప్పు స్కీమ్ కాదు. ఒక పునర్జన్మగా కూడా చెప్పుకోవచ్చు.

మరి ఆలస్యం ఎందుకు? ఇప్పుడే అప్లై చేయండి

మీ దగ్గర ఆధార్, ఓటర్ కార్డ్ ఉంటే చాలు. మీకు సంభందించిన మునిసిపల్ గుర్తింపు ఉంటే ఇంకా బెటర్. దగ్గరలో ఉన్న బ్యాంక్, మున్సిపల్ ఆఫీస్ లేదా ప్రభుత్వ కామన్ సర్వీస్ సెంటర్‌కి వెళ్లి ఈ స్కీమ్‌కి అప్లై చేయండి. మీ ఫోన్‌లో OTP వస్తే చాలు, కొన్ని నిమిషాల్లోనే ప్రక్రియ పూర్తవుతుంది.

ఈ అవకాశాన్ని మిస్ అయితే మళ్లీ అవకాశం ఉండదు. అందుకే ఈ రోజు నుంచే మొదలు పెట్టండి. PM-SVANidhi పథకాన్ని ఉపయోగించుకుని మీ వ్యాపారానికి కొత్త శక్తిని ఇవ్వండి.