“ఆర్టిఫిషియల్ ఇంటెలిజెన్స్ (AI)” అనే పదం ప్రస్తుతం ప్రపంచవ్యాప్తంగా టెక్ ప్రపంచంలో వినిపిస్తోంది. రాబోయే రోజుల్లో ప్రపంచాన్ని శాసించే దిశగా AI అడుగులు వేస్తోంది. అయితే, ఇప్పుడు AI అభివృద్ధి ఉద్యోగులకు హాని కలిగించబోతోంది. 2025 లో ప్రపంచవ్యాప్తంగా టెక్, ఇతర పరిశ్రమలలో వేలాది ఉద్యోగాలు కోల్పోయే అవకాశం ఉంది. 2025 లో భారీ సంఖ్యలో టెక్ తొలగింపులు జరగబోతున్నాయి.
ఇప్పటికే మెటా, మైక్రోసాఫ్ట్, సేల్స్‌ఫోర్స్, బిపి వంటి అన్ని ప్రముఖ టెక్ కంపెనీలు తమ వర్క్‌ఫోర్స్ నుండి ఉద్యోగులను తొలగించడం ప్రారంభించాయి. ఇవి కాకుండా.. చాలా కంపెనీలు ఉద్యోగులను తొలగించబోతున్నాయి. ఎక్కువగా కంపెనీలు తమ సామర్థ్యాన్ని మెరుగుపరచడానికి, అభివృద్ధి చెందుతున్న టెక్నాలజీల వైపు వెళ్లడానికి, ఖర్చులను తగ్గించడానికి ఉద్యోగులను తగ్గించాలని నిర్ణయించుకున్నాయి.
వరల్డ్ ఎకనామిక్ ఫోరం నిర్వహించిన ‘ఫ్యూచర్ ఆఫ్ జాబ్స్ రిపోర్ట్ 2025’ సర్వే ప్రకారం.. పరిశ్రమలలో ప్రధాన మార్పులు సాంకేతిక మార్పులు, జనాభా మార్పులు, భౌగోళిక-ఆర్థిక అంతరాయం. AI టెక్నాలజీ పెరుగుదల కారణంగా ప్రపంచంలోని దాదాపు 41% కంపెనీలు రాబోయే ఐదు సంవత్సరాలలో తమ శ్రామిక శక్తిని తగ్గించడంపై దృష్టి పెడతాయని సర్వే సూచించింది.
Related News
BI నివేదిక ప్రకారం.. CNN, IBM, Dropbox ఇప్పటికే AI కారణంగా ఉద్యోగులను తొలగించడం ప్రారంభించాయి. ఈ కంపెనీలు మాత్రమే కాకుండా అనేక ఇతర కంపెనీలు ఖర్చులను ఆదా చేయడానికి, వారి లాభాలను మెరుగుపరచడానికి ఉద్యోగులను నియమించడం కంటే ఆటోమేషన్, AI వాడకానికి ప్రాధాన్యత ఇస్తున్నాయని ఆరోపణలు ఉన్నాయి.
* డిజిటల్ ఆఫర్లపై దృష్టి పెట్టడానికి CNN టెలివిజన్‌లో పనిచేస్తున్న 200 మందిని తొలగించింది.
* స్టార్‌బక్స్ మార్చిలో సిబ్బందిని తొలగిస్తున్నట్లు సమాచారం.
* స్ట్రైప్ ఇంజనీరింగ్, ఉత్పత్తి, ఆపరేషన్స్ వంటి విభాగాలలో 300 మందిని తొలగిస్తోంది.
* UK పెట్రోలియం కంపెనీ BP దాదాపు 7700 మంది ఉద్యోగులను, కాంట్రాక్టర్లను తొలగిస్తున్నట్లు ప్రకటించింది.
*మెటా తన శ్రామిక శక్తిలో 5 శాతం మందిని కూడా తొలగిస్తోంది.
*బ్లాక్‌రాక్ 200 మందిని తొలగిస్తోంది.
*100 మంది ఉద్యోగులను తొలగించినట్లు వాషింగ్టన్ పోస్ట్ నివేదించింది.
