హైదరాబాద్‌లో జరిగే మిస్ వరల్డ్ పోటీలపై వివాదం చెలరేగింది. తెలంగాణ మిస్ వరల్డ్ పోటీలు మే 4 నుండి 31 వరకు జరుగుతాయి. గ్రాండ్ ఫినాలేతో పాటు ప్రారంభ, ముగింపు వేడుకలు కూడా హైదరాబాద్‌లో జరగనున్నాయి. అయితే, మిగిలిన కార్యక్రమాలకు వరంగల్‌లోని రామప్ప, యాదాద్రి, లక్నవరం, అనంతగిరిలను పరిశీలిస్తున్నారు. తెలంగాణలో అందాల పోటీల నిర్వహణను అడ్డుకుంటామని వీహెచ్‌పీ (విశ్వ హిందూ పరిషత్) నాయకులు హెచ్చరికలు జారీ చేశారు. పవిత్ర దేవాలయాలు ఉన్న చోట అందాల పోటీలు నిర్వహించడం సరికాదని.. ఎట్టి పరిస్థితుల్లోనూ వాటిని అనుమతించరాదని వారు స్పష్టం చేశారు. మరోవైపు.. గతంలో భారతదేశంలో మిస్ వరల్డ్ పోటీలు జరిగాయి. 1996 మరియు 2024లో ముంబైలో పోటీలు జరిగాయి. ఇటీవల మరోసారి, భారతదేశం పోటీని నిర్వహించడం, దానిని తెలంగాణ వేదికగా నిర్వహించడం చర్చనీయాంశంగా మారింది. 72వ మిస్ వరల్డ్ పోటీలు తెలంగాణ వేదికగా జరగడం చాలా సంతోషంగా ఉందని తెలంగాణ పర్యాటక కార్యదర్శి స్మితా సభర్వాల్ అన్నారు.