Gold ETF అంటే ఏమిటి?

Gold ETF అంటే Gold Exchange Traded Fund. ఇది స్టాక్ మార్కెట్‌ లో ట్రేడయ్యే ఒక ఫండ్. ఇది 99.5% శుద్ధమైన బంగారంలోనే పెట్టుబడి చేస్తుంది. ఒక్కో యూనిట్ అంటే 1 గ్రాము బంగారం. మీరు డెమాట్ అకౌంట్ కలిగి ఉన్నట్లయితే ఈ Gold ETF లను ఈజీగా కొనుగోలు చేయవచ్చు. ఇది పూర్తిగా డిజిటల్ గానే ఉంటుంది. అంటే ఇంట్లో బంగారం నిల్వ చేయాల్సిన అవసరం ఉండదు.

ఈ ETF లు స్టాక్ లాగా మార్కెట్‌లోనే కొనుగోలు చేయవచ్చు. లిక్విడిటీ ఎక్కువగా ఉంటుంది. మీరు ఎప్పుడైనా అమ్మి డబ్బు విత్‌డ్రా చేసుకోవచ్చు.

Related News

పైగా మెయింటెనెన్స్ ఛార్జీలు, స్టోరేజ్ ఫీజు, ఇన్సూరెన్స్ ఖర్చులు ఉండవు. అంటే ఇది ఫిజికల్ గోల్డ్ కంటే చవకైన ఆప్షన్. ఈ ట్రాన్సాక్షన్స్ అన్నీ మార్కెట్ ధరలకే జరుగుతాయి కాబట్టి పూర్తి పారదర్శకత ఉంటుంది.

Gold ETF ఎవరికి బాగుంటుంది?

మీకు స్టాక్ మార్కెట్ మీద కొంచెం అవగాహన ఉంటే, డీమాట్ అకౌంట్ కూడా ఉంటే – Gold ETF మీకు బెస్ట్ ఆప్షన్. చిన్న ఖర్చుతో, ఎక్కువ కంట్రోల్ తో, సురక్షితంగా బంగారంలో పెట్టుబడి చేయవచ్చు.

Gold Mutual Fund అంటే ఏమిటి?

మీ వద్ద డెమాట్ అకౌంట్ లేకపోతే, స్టాక్ మార్కెట్ పై భయం లేదా అసౌకర్యం ఉంటే, మీకు Gold Mutual Fund సరిగ్గా సరిపోతుంది. ఇది ప్రత్యక్షంగా Gold ETFs లోనే పెట్టుబడి చేస్తుంది. కానీ ఇది డెమాట్ అకౌంట్ అవసరం లేకుండా, మ్యూచువల్ ఫండ్ లాగానే పని చేస్తుంది.

ఇందులో మీరు నెలనెలా SIP ద్వారా చిన్న మొత్తాలతో పెట్టుబడి చేయవచ్చు. మార్కెట్ టైమింగ్ గురించి పెద్దగా ఆలోచించాల్సిన పనిలేదు. అలాగే ఇది కొత్త ఇన్వెస్టర్లకు బాగా సులభంగా ఉండే ఆప్షన్.

Gold Mutual Fund ఎవరికి బాగుంటుంది?

మీరు స్టార్ట్ చేస్తున్న కొత్త ఇన్వెస్టరైతే, SIP లాగా నెలకు చిన్న మొత్తాలతో పెట్టుబడి చేయాలని అనుకుంటే – Gold Mutual Fund మీకు సూపర్ ఆప్షన్. ఇది అసలు టైంలైన్, డీమాట్ అకౌంట్, మార్కెట్ ఫ్లక్చుయేషన్స్ గురించి టెన్షన్ లేకుండా సాఫీగా వెళుతుంది. కానీ దీంట్లో మేనేజ్‌మెంట్ ఫీజులు ఉండటం వల్ల కొంచెం ఖర్చు ఎక్కువవుతుందని గుర్తుంచుకోండి.

Returns ఎలా ఉన్నాయంటే?

2025లో కొన్ని టాప్ Gold ETFs మంచి రిటర్న్స్ ఇచ్చాయి. ఉదాహరణకి:

Axis Gold ETF – 1yr: 26.08%, 3yrs: 18.37%, 5yrs: 13.45%
HDFC Gold ETF – 1yr: 25.62%, 3yrs: 18.26%, 5yrs: 13.37%
ICICI Prudential Gold ETF – 1yr: 25.39%, 3yrs: 18.35%, 5yrs: 13.37%

ఇంకా Gold Mutual Funds కూడా ఎక్కువ వృద్ధిని చూపించాయి:

Quantum Gold Fund – 1yr: 25.52%, 3yrs: 18.11%, 5yrs: 13.20%
Aditya Birla Gold Fund – 1yr: 25.18%, 3yrs: 18.42%, 5yrs: 13.21%
Nippon India Gold Fund – 1yr: 24.73%, 3yrs: 18.09%, 5yrs: 13.10%

ఈ డేటా చూస్తే, రెండు ఆప్షన్స్ లో కూడా returns చాలా సమానంగా ఉన్నాయి. మీరు ఎంచుకునేది పూర్తిగా మీ అవసరాల మీద ఆధారపడి ఉంటుంది.

మరి మీకు ఏది బెస్ట్?

మీ వద్ద డీమాట్ అకౌంట్ ఉంటే, మార్కెట్ లో ట్రేడింగ్ చేయడంలో ఈజీగా ఉంటే – Gold ETF ముద్దుగా సరిపోతుంది. చిన్న ఖర్చు, తక్కువ ఫీజులు, రియల్ టైమ్ ట్రేడింగ్ వంటి ప్రయోజనాలున్నాయి.

కానీ మీరు కొత్తగా పెట్టుబడి చేయడం మొదలుపెడుతున్నారా? SIP ద్వారా మెల్లగా బంగారంలో సంపద నిర్మించాలనుకుంటున్నారా? అయితే Gold Mutual Fund మీరు ఎంచుకోవచ్చు.

ముగింపు మాట

బంగారంలో పెట్టుబడి అంటే భద్రత, భవిష్యత్ కోసం పొదుపు. కానీ ఏ ఆప్షన్ మంచి అనేది ఒకే ఒక్క సమాధానం కాదు. మీ పెట్టుబడి లక్ష్యాలు, మీరు తీసుకోగలిగే రిస్క్ లెవెల్, సౌకర్యం అన్నిటినీ బట్టి నిర్ణయం తీసుకోండి.

ఈ 2025లో, స్మార్ట్ గా బంగారంలో డిజిటల్‌గా పెట్టుబడి చేసి, భద్రతతో పాటు లాభాలు కూడా పొందండి. Gold ETF కానీ, Gold Fund కానీ – మీకు కావలసినది ఎంచుకొని ఫ్యూచర్ కు పక్కా ప్లాన్ వేసుకోండి. ఇప్పుడు పెట్టుబడి చేయకపోతే…రేపు రేట్లు పెరిగినప్పుడు ఫీలవకండి.