ఉప్మా అంటేనే చాలా మంది మొహం కాస్త మారుస్తారు. ఎందుకంటే అది తొందరగా ముద్దగా మారిపోతుంది. కానీ అదే సేమియాతో చేస్తే కమ్మగా, పొడిపొడిగా, చూసినవాళ్లే మళ్లీ వేయమంటారు. ఇక ఈ టిప్ ఫాలో అయితే చల్లారిన తరువాత కూడా అదే టేస్ట్, అదే టెక్స్చర్. ప్రతి రోజూ తినాలనిపించేలా ఉండే సింపుల్ రెసిపీ ఇది. మరి ఇప్పుడు ఈ సూపర్ టేస్టీ సేమియా ఉప్మా ఎలా తయారుచేయాలో తెలుసుకుందాం.
ముందుగా సేమియాను మరిగించకుండా వేయించాలి. అంటే అది గోధుమ రంగు వచ్చే వరకు, ముద్ద కాకుండా, మిశ్రమం ఒక్కో భాగం గా వాసన వచ్చేలా వేయించాలి. తర్వాత ప్లేట్‌లోకి తీసేసి పక్కన పెట్టాలి. అదే పాన్‌లో నెయ్యి లేదా నూనె వేసి ఆవాలు, జీలకర్ర, శనగపప్పు, పల్లీలు వేసి వేయించాలి. వాటి తర్వాత జీడిపప్పు కూడా వేసి, బంగారు రంగు వచ్చేంత వరకు తిప్పాలి.
ఇప్పుడు బాగా తరుచుకున్న ఉల్లిపాయ, క్యారెట్ ముక్కలు, పచ్చిమిర్చి వేసి బాగా కలిపి వేయించాలి. కరివేపాకు కూడా అప్పుడే వేసుకుంటే మంచి వాసన వస్తుంది. చివరగా పసుపు, ఉప్పు వేసి బాగా కలిపిన తర్వాత కప్పన్నర నీళ్లు జత చేయాలి. నీళ్ళు బాగా వేడి అయ్యాక ముందుగా వేయించిన సేమియాను జోడించాలి. ఈ దశలో మంటను తగ్గించి, మూత పెట్టి మధ్య మధ్యలో తిప్పుతూ మెల్లగా ఉడికించాలి.
[news_related_post]నీరు పూర్తిగా ఆవిరైపోయిన తరువాత కాస్త మంట మీద ఉంచితే, ఉప్మా చాలా రుచిగా, పొడిపొడిగా తయారవుతుంది. చివరగా కొద్దిగా కొత్తిమీర వేసుకుంటే సువాసన ఇంకా పెరుగుతుంది. ఈ విధంగా చేసిన సేమియా ఉప్మా వేడి వేడి తిన్నా బాగుంటుంది, చల్లారిన తరువాత కూడా ముద్ద కాకుండా ఉంటుంది.
ఈ టిప్ పాటిస్తే, మీ ఇంట్లో అందరూ పొద్దున లేవగానే “ఈ రోజు సేమియా ఉప్మా చేయాలేదా?” అని అడుగుతారు. ప్రత్యేకంగా చెప్పాల్సిన విషయం ఏంటంటే… ఇది పిల్లల నుంచి పెద్దల వరకు అందరికీ నచ్చే బ్రేక్‌ఫాస్ట్. రోజూ ఏదైనా కొత్తగా ట్రై చేయాలనుకునేవారికి ఇది బెస్ట్. ఇప్పుడు ఈ టిప్‌ను మీ వంటలో ఉపయోగించి చూడండి.
