ఇంట్లో అతిథులు వచ్చినప్పుడు ఏదైనా తీపి వంటకం ఇవ్వాలనిపిస్తుంది కదా. కానీ ఎక్కువసార్లు ఇంట్లో నెయ్యి, మైదా లేవు అన్న కారణంతో మామూలు స్వీట్లు చేయడం కాస్త కష్టంగా అనిపిస్తుంది. అలాంటి టైంలో ఇది బాగుంటుందా? అనే సందేహం లేకుండా తక్కువ పదార్థాలతోనే అదిరిపోయే రుచి ఇచ్చే “కోవా కజ్జికాయలు” రెసిపీ మీకోసం!
ఈ కజ్జికాయలు ప్రత్యేకంగా నెయ్యి, మైదా లేకుండా చేస్తాం. బెల్లం, పచ్చికొబ్బరి, పాలు – ఇవే మెయిన్ ఇంగ్రీడియెంట్లు. మొదట, కొబ్బరిని చిన్న ముక్కలుగా చేసి మిక్సీలో మెత్తగా గ్రైండ్ చేయాలి. తరువాత స్టవ్‌పై పాన్ పెట్టి అందులో కొబ్బరి తురుము, బెల్లం తరుగు వేసి కలుపుతూ చిన్న మంట మీద మిశ్రమం ఉడికించాలి. ఇది కాస్త దగ్గరపడిన తర్వాత యాలకుల పొడి వేసి స్టవ్ ఆఫ్ చేయాలి. ఇది కొద్దిగా చల్లారిన తర్వాత చిన్న ఉండలుగా చేసుకుని పక్కన పెట్టుకోవాలి.
ఇంకా ఒక కడాయిలో చిక్కటి పాలు పోసి బాగా మరిగించాలి. సగం అయ్యాక పంచదార వేసి కలిపి, అది బాగా మరిగి దగ్గర పడేంత వరకు ఉడికించాలి. ఇప్పుడు ఈ పాల మిశ్రమం కోవా రూపంలోకి వస్తుంది. ఇది పూర్తిగా గట్టిగా కాకుండా లైట్‌గా ఉండే consistency వచ్చినప్పుడు స్టవ్ ఆఫ్ చేయాలి.
[news_related_post]కోవా గోరువెచ్చగా ఉన్నప్పుడు చేతితో బాగా ముద్దలా చేసుకోవాలి. ఇప్పుడు కోవా ముద్ద తీసుకుని చిన్న ఉండలా చేసి మధ్యలో కొబ్బరి స్టఫింగ్ వేసి కజ్జికాయలా క్లోజ్ చేయాలి. ఇలా అన్నింటినీ తయారు చేస్తే అదిరిపోయే టేస్టీ కోవా కజ్జికాయలు రెడీ అవుతాయి.
ఈ కజ్జికాయలు రుచిలో తీపి తీపిగా ఉండి బయట పెట్టినా మూడు రోజులు, ఫ్రిడ్జ్‌లో అయితే వారం రోజుల పాటు నిల్వ ఉంటాయి. ముఖ్యంగా కొబ్బరి కాస్త ముదురుగా ఉంటే ఈ కజ్జికాయల టేస్ట్ ఇంకొంచెం బాగా వస్తుంది. మిగిలిన కొబ్బరి మిశ్రమం అయితే తినడానికి కూడా చక్కగా ఉంటుంది.
ఇంత సింపుల్‌గా, హెల్తీగా, అదిరే టేస్ట్‌తో ఉండే ఈ స్వీట్‌ని మీరు ఒక్కసారి చేసిన తర్వాత మళ్లీ మరిచిపోలేరు. చిన్నపిల్లల నుంచి పెద్దవాళ్లవరకూ అందరూ ఇష్టపడతారు. కాబట్టి పండుగలు, స్పెషల్ ఒకేషన్లు కానప్పటికీ.. ఈ వారం ఎప్పుడైనా ట్రై చేయండి! చిటికెడు సమయం, కొద్దిగా ప్రేమ, కొద్దిగా కచ్చితత్వం చాలు – ఇంట్లోనే బేకరీ టేస్ట్.
