వేసవి సెలవుల్లో పిల్లలు ఇంట్లో ఉంటారు. స్కూల్స్ లేక, రోజంతా ఇంట్లో ఉంటూ తినడానికి ఏదైనా స్నాక్స్ కావాలంటూ అడుగుతుంటారు. ఈ సమయంలో చాలా మంది తల్లిదండ్రులు పిల్లల కోసమే బయట నుంచి చిప్స్, బిస్కెట్లు, పఫ్‌లు లాంటి ప్యాకెట్ ఫుడ్స్ తెచ్చిపెడతారు. కానీ ఇవన్నీ ఆరోగ్యానికి మంచివి కావు. రోజూ తింటే పిల్లల ఆరోగ్యాన్ని బాగా ప్రభావితం చేస్తాయి. అలాంటి టైంలో మీరు ఇంట్లోనే క్రిస్పీగా, కమ్మగా, పిల్లలు చాలా ఇష్టపడే చేగోడీలు తయారు చేస్తే ఎంత బాగుంటుందో కదా?
ఇంట్లో తయారుచేసే చెగోడీలు టేస్ట్‌లో కూడా ఔట్‌డోర్ షాప్స్‌కి ఏమాత్రం తీసిపోవు. ఇంకా ఆరోగ్యపరంగా ఇంట్లో తయారు చేయడం వల్ల హానికరమైన రంగులు, కృత్రిమ రుచి పదార్థాలు ఉండవు. ముఖ్యంగా నూనె కూడా తక్కువగా పీల్చుకుంటాయి. సరిగ్గా సరైన మిక్స్‌తో చెయ్యగలిగితే అవి కరకరలాడుతూ, బైట పప్పులా గుల్లగా వస్తాయి. పిల్లలతో పాటు పెద్దలకి కూడా ఇవి బాగా నచ్చుతాయి. ఈ చిట్టి చెగోడీలను ఒక్కసారి చేసి చూడండి… మళ్లీ బజార్ లో కొనాలన్న మనసే రాదు.
ఇప్పుడు ఈ సూపర్ క్రిస్పీ చెగోడీల తయారీకి కావాల్సిన పదార్థాల గురించి తెలుసుకుందాం. ఇది చాలా ఈజీ ప్రాసెస్. మామూలుగానే మన ఇంట్లో ఉండే పదార్థాలతో తయారు చేయవచ్చు. మైదా పిండి, వాము, పచ్చిమిర్చి పేస్ట్, తగినంత నూనె, ఉప్పు మాత్రమే ఉంటే చాలూ! ఇది చిన్న పిల్లలకే కాదు, టీ టైం స్నాక్‌గా కూడా బావుంటుంది.
తయారీ మొదట స్టవ్ మీద చిన్న కడాయి పెట్టాలి. అందులో ఒక కప్పు నీళ్లు పోసి, ఉప్పు, బాగా మెత్తగా నలిగిన పచ్చిమిర్చి పేస్ట్, వాము మరియు ఒక టీస్పూన్ నూనె కలిపి బాగా మరిగించాలి. నీళ్లు బాగా మరిగిన తర్వాత, మైదా పిండిని కొద్దికొద్దిగా వేసుకుంటూ కలుపుకుంటూ పోవాలి. ఇదంతా స్టవ్ మీదే ఉండేలా చూసుకోవాలి. మైదా వేసిన తర్వాత పిండి కలిపేటప్పుడు ఇది బాగా ఒక్కటి అయేలా కలిపాలి. ఒకే ముద్దలా కలిపిన తర్వాత స్టవ్ ఆఫ్ చేసి మూతపెట్టి పక్కన పెట్టాలి.
పిండి తగినంత చల్లారిన తర్వాత, చేతితో తాకగలిగినంత వేడిగా ఉన్నప్పుడు మళ్లీ ఒకసారి బాగా ముద్దలా కలపాలి. ఇప్పుడు ఈ పిండిని జంతికల బిళ్లలో వేసుకోకుండా చేతితో పొడవుగా నూరి, చిన్న చిన్న రింగులా వంపు చేసి చేగోడీల ఆకారంలో తయ్యారు చేయాలి. ఈ స్టేజ్లో మీరు షేప్ ఇస్తున్నప్పుడు చివరలు కట్టేలా బాగా ఒత్తాలి. లేదంటే నూనెలో వేసినప్పుడు అవి విడిపోయే అవకాశం ఉంటుంది.
ఇలా తయారు చేసిన చెగోడీలను ఒక ప్లేట్‌లో వేసి కాసేపు ఆరనివ్వాలి. ఇప్పుడు ఫ్రై చేసేందుకు స్టవ్ మీద డీప్ ఫ్రైకి సరిపడా నూనె వేసి బాగా వేడెక్కనివ్వాలి. నూనె వేడి అయ్యాక, చెగోడీలను జాలి గరిటె ద్వారా నెమ్మదిగా నూనెలో వదిలేయాలి. ఇలా జాలి గరిటె వాడడం వల్ల అవి డైరెక్ట్‌గా పాన్ అడుగున పడకుండా ఉంటాయి. ఇది చాలా ముఖ్యం. ఇలా చేయడం వల్ల అవి ఒక్కటిగా అతికినట్టు ఉండకుండా నీలా తేలికగా వుంటాయి.
ప్రతి బ్యాచ్‌కి రెండు నిమిషాలు అలాగే ఉంచాలి. ఆ తర్వాత మెల్లగా కలుపుతూ రెండువైపులా వేయించాలి. గోల్డెన్ కలర్ వచ్చేవరకు వేయించాలి. మీరు గమనించవచ్చు, చెగోడీలు సరిగ్గా వేగుతున్నప్పుడు నూనెలో నురగలు తగ్గిపోతాయి. అదే సిగ్నల్ అవి క్రిస్పీగా అయ్యాయన్నది.
వాటిని జాగ్రత్తగా తీసి టిష్యూ పేపర్ పై పెట్టాలి. అదనపు నూనె పోతుంది. చల్లారిన తర్వాత వీటిని ఎయిర్‌టైట్ డబ్బాలో వేసుకుంటే 7 నుంచి 10 రోజుల వరకు తాజాగానే ఉంటాయి.
ఈ రెసిపీలో ఒక ముఖ్యమైన టిప్ కూడా ఉంది. నీటిలో నూనె వేసి మరిగించడం వల్ల, చెగోడీలు నూనె పీల్చకుండా గుల్లగా ఉంటాయి. అలాగే పచ్చిమిర్చి పేస్ట్ వల్ల ఇవి సహజంగా కారంగా ఉంటాయి. మీకు పచ్చిమిర్చి బదులుగా ఎండుకారం వాడాలనిపిస్తే కూడా ఉపయోగించొచ్చు. ఇంకొంతమంది పసుపు కలిపి మృదువైన పసుపు రంగులో చెగోడీలను తయారు చేస్తారు. అది కూడా బాగుంటుంది.
ఇలా ఇంట్లో తయారుచేసే చెగోడీలు నూనె తక్కువగా పీల్చుతాయి, ఎక్కువ రోజులు నిల్వ ఉంటాయి. బస్సులో ప్రయాణాలకు, పిక్‌నిక్‌లకు కూడా ప్యాక్ చేసుకోవచ్చు. పిల్లల స్కూల్ టిఫిన్ బాక్సులో వేసినా సరిగ్గా క్రిస్పీగానే ఉంటాయి. మరి ఇంకేం ఆలస్యం? ఈ వేసవిలో ఇంటి పిల్లల్ని, పెద్దల్ని ఆనందపరిచేలా ఈ టేస్టీ చెగోడీలను తయారుచేసి తినిపించండి. ఒక్కసారి చేసిన తర్వాత మీరు మళ్లీ మిగతా స్నాక్స్‌న్నీ మర్చిపోతారు!
