డ్రైఫ్రూట్స్ అంటే ఆరోగ్యానికి మంచిదని అందరికీ తెలిసిందే. బాదం, జీడిపప్పు, మఖానా లాంటి పదార్థాలు శరీరానికి కావాల్సిన పోషకాలు అందిస్తాయి. ఇవి నేరుగా తినడం కొందరికి ఇష్టం ఉండదు. ముఖ్యంగా పిల్లలు కొంచెం తినడం ఇష్టపడకపోవచ్చు. అలాంటి సమయంలో ఈ డ్రైఫ్రూట్స్‌ను ఒక రుచికరమైన స్వీట్ రూపంలో తయారుచేసి ఇస్తే పిల్లలు తినడానికి ముందుకొస్తారు. పెద్దలకూ ఇది బాగా నచ్చుతుంది. ఈ స్వీట్ పేరు “డ్రైఫ్రూట్స్ బర్ఫీ”. ఇది ముద్దగా, కమ్మగా, నోట్లో వేసే సరికి వెన్నలా కరిగిపోతుంది. ఈ స్వీట్ ఒక్కసారి చేస్తే… ఇంట్లో ప్రతి ఒక్కరూ మళ్లీ మళ్లీ చేయమంటారు.
ఇది ఏంటి స్పెషల్ అంటే?
ఈ స్వీట్ స్పెషాలిటీ ఏంటంటే… ఇందులో ఉపయోగించే ప్రతి పదార్థం ఆరోగ్యానికి మంచిదే కాదు, రుచి పరంగా కూడా పర్‌ఫెక్ట్. బాదం, జీడిపప్పు, మఖానా వంటి డ్రైఫ్రూట్స్‌కి తోడుగా కొబ్బరి తురుము, యాలకుల పొడి, జాజికాయ, కుంకుమపువ్వు వంటి వాసనలతో కూడిన పదార్థాలు కలిస్తే అదొక అద్భుతమైన కలయిక అయిపోతుంది. పైగా ఈ స్వీట్‌కు తీపి కోసం మేము చక్కెర (sugar) కూడా వాడలేదు. బెల్లం వాడటం వల్ల ఆరోగ్యానికి కూడా మేలు జరుగుతుంది. బెల్లం పాకం మిశ్రమాన్ని ఒత్తుగా ఉండేలా చేస్తుంది, అలాగే రుచి బాగా పెరుగుతుంది. ఇలా మన ఆరోగ్యాన్ని దృష్టిలో పెట్టుకొని, రుచికి ఏమాత్రం తగ్గకుండా ఈ స్వీట్ తయారవుతుంది.
తయారీ చాలా ఈజీ
ఈ బర్ఫీ తయారీ ప్రక్రియ చాలా ఈజీ. మనకు అతి తక్కువ సమయం పట్టేలా ఉంటుంది. ముందుగా మఖానా తీసుకుని ఓ పాన్‌లో వేసి హల్కా గా వేయించాలి. ఇవి క్రిస్పీగా అయ్యేంతవరకు వేయించాలి. తర్వాత చల్లారిన తరువాత మిక్సీలో వేసి పుట్నాలపప్పుతో కలిపి మెత్తగా గ్రైండ్ చేయాలి. ఇది మనకు బేస్ మిశ్రమం అవుతుంది. తర్వాత అదే జార్‌లో బాదం, జీడిపప్పులను వేసి మృదువుగా పొడి చేయాలి. వీటిని కూడా మఖానా మిశ్రమంలో కలిపేయాలి.
[news_related_post]ఇప్పుడు ఈ పొడి మిశ్రమంలో కొబ్బరి తురుము, యాలకుల పొడి, జాజికాయ పొడి, కుంకుమపువ్వు వేసి బాగా కలిపి పక్కన పెట్టాలి. తర్వాత పాన్‌ తీసుకుని అందులో బెల్లం తురిమి, కొద్దిగా నెయ్యి, తక్కువ నీరు వేసి పాకం తయారుచేయాలి. ఇది చాలా కీలకమైన దశ. పాకం లేత తీగ దశకు వచ్చేంతవరకు వేయించాలి. పాకం చాలా గాఢంగా అయితే స్వీట్ హార్డ్ అయిపోతుంది. సరిగ్గా లేత తీగ పాకం వద్దనే స్టవ్ ఆఫ్ చేయాలి.
ఇప్పుడు మరో పాన్‌లో నెయ్యి వేసి, తయారుచేసిన డ్రైఫ్రూట్స్ మిశ్రమాన్ని ఆ మోతాదులో వేసి నెమ్మదిగా వేయించాలి. ఇది చాలా ముఖ్యమైన దశ. డ్రైఫ్రూట్స్ పౌడర్‌ను లో ఫ్లేమ్‌లోనే దోరగా వేయించాలి. వీటికి మంచి వాసన వస్తే చాలు. అప్పుడు పాకం వేసి బాగా కలిపాలి. మిశ్రమం బాగా కలిసిపోయి, ఒకటిగా అయిపోయే వరకు కలుపుతుండాలి.
చివరి టచ్ ఇంకా స్పెషల్
ఈ మిశ్రమం బాగా దగ్గరగా అయిపోయిన తర్వాత స్టవ్ ఆఫ్ చేసి, ఒక ప్లేట్‌ను తీసుకుని దానికి నెయ్యి రాసి ఈ మిశ్రమాన్ని అందులో వేసి సరిగా సమంగా ఒత్తాలి. పైకి డ్రైఫ్రూట్స్ పలుకులు అద్దాలి. కొంచెం చల్లారిన తరువాత నచ్చిన ఆకృతిలో ముక్కలు కోయాలి. ఆ ముక్కలు పూర్తిగా చల్లారిన తర్వాత బాక్స్‌లో వేసి స్టోర్ చేసుకోవచ్చు. ఫ్రిడ్జ్ అవసరం లేదు. రూమ్ టెంపరేచర్‌‍లోనే నిల్వచేసుకోవచ్చు. వీటిని రోజూ ఒక్కటి లేదా రెండు ముక్కలు తింటే శరీరానికి మంచి ఎనర్జీ లభిస్తుంది. ముఖ్యంగా పిల్లలకు ఇది ఒక హెల్దీ అల్టర్నేటివ్.
పిల్లలకోసమే కాదు – పెద్దల కీ బెస్ట్!
ఇది పిల్లల కోసమే కాదు. వర్కింగ్ పర్సన్స్, టీనేజర్లు, పెద్దలు కూడా ఈ స్వీట్ తింటే ఎన్నో పోషకాలు పొందవచ్చు. ఇందులో బాదం, జీడిపప్పు ప్రోటీన్స్ మరియు హెల్తీ ఫ్యాట్స్ ఇస్తాయి. మఖానా డైజెషన్‌కు మంచిది. బెల్లం ఐరన్ కలిగి ఉంటుంది. కొబ్బరి శక్తిని ఇస్తుంది. ఇలా చూస్తే రోజూ ఒక ముక్క తింటే ఒక డ్రైఫ్రూట్స్ హెల్త్ టాబ్లెట్ తిన్నట్టే. పైగా ఇది బయట దొరికే స్వీట్స్ కంటే ఆరోగ్యకరమైనది, హోమ్ మేడ్ అయినందున కెమికల్స్ లేకుండా ఉంటుంది.
ఇంత బాగా ఉండే, ఇంత ఈజీగా చేసే స్వీట్‌ని మీరూ ఒక్కసారి ట్రై చేయకపోతే మీరు నిజంగా ఒక టేస్టీ ట్రీట్‌ని మిస్ అవుతున్నట్టే. ఇంట్లో చిన్నా – పెద్దా అందరూ ఫిదా అయ్యేలా ఉండే ఈ బర్ఫీని తప్పక ప్రయత్నించండి. ఒక్కసారి చెయ్యండి… తర్వాత వారానికి ఒకసారి చేయమంటారు. జస్ట్ 15-20 నిమిషాల్లో తయారయ్యే ఈ డ్రైఫ్రూట్స్ స్వీట్ మీ ఇంట్లో ఎప్పుడూ ఉండే బెస్ట్ హెల్తీ స్నాక్ అవుతుంది.
అందుకే మరింత ఆలస్యం చేయకుండా… ఈ రోజు రాత్రి డిన్నర్‌ తర్వాత చిన్నగా రెండు ముక్కలు ట్రై చేయండి… నోట్లో వేసుకున్నపుడు దాని మృదుత్వం, తీపి, వాసనతో మీరు మిగతా స్వీట్స్‌కి గుడ్‌బై చెబుతారు.
