ఇవి బియ్యప్పిండి చెక్కల కంటే మరింత కరకరలాడుతూ, క్రిస్పీగా, టేస్టీగా ఉంటాయి. మరీ ముఖ్యంగా ఈ చెక్కలు నూనె ఎక్కువగా పీల్చవు. అందుకే హెల్త్‌పై శ్రద్ధ పెట్టే వాళ్లకు ఈ స్నాక్‌ బాగా సూట్ అవుతుంది. వీటిని రాగి వడలు, రాగి అప్పాలు, చెక్కగారెలు అనే పేర్లతో కూడా పిలుస్తారు.

తయారీ ప్రక్రియ చాలా సింపుల్‌. ముందుగా రాగిపిండి, కొద్దిగా బియ్యప్పిండి తీసుకోవాలి. చిటికెడు వంటసోడా, కారం, పసుపు, జీలకర్ర వంటి మసాలాలు కూడా కలపాలి. ఈ మిశ్రమంలో తక్కువగా వేడి చేసిన నీళ్లు వేసి పిండిగా కలపాలి. పిండిలో ఉల్లిపాయ తరుగు, పచ్చిమిర్చి తరుగు, కరివేపాకు తరుగు, బద్దలుగా చేసిన పల్లీలు కూడా కలిపితే టేస్ట్ డబుల్ అవుతుంది. చేతితో గుండ్రంగా వత్తి, మధ్యలో చిన్న హోల్‌ చేసి కవర్ మీద పెట్టాలి. తర్వాత వేడి నూనెలో మీడియం ఫ్లేమ్‌లో చక్కగా వేయించాలి. రెండు వైపులా బంగారంగా వేగాక తీసేసి ప్లేట్‌లో పెట్టాలి. అంతే.. కమ్మగా, క్రిస్పీగా, నోరూరే రాగి చెక్కలు రెడీ!

ఇవి చిన్న స్నాక్‌ టైంలో టిఫిన్‌కి, ఈవెనింగ్‌ టీకి పర్ఫెక్ట్‌. పిల్లలు కూడా చాలా ఇష్టంగా తింటారు. ముఖ్యంగా పల్లీలు తినేటప్పుడు పంటికి తగులుతూ వచ్చే టేస్ట్‌ అంటే మాటల్లో చెప్పలేరు. ఉల్లిపాయలు వేయకుండా చేస్తే వీటిని ఎక్కువ రోజులు నిల్వ ఉంచుకోవచ్చు. ఇలా చేయడం వల్ల మీ ఇంట్లో అన్ని వయసులవారికి నచ్చే ఒక సూపర్ హెల్తీ, ఈజీ స్నాక్ రెడీ అవుతుంది.

ఇలాంటి సింపుల్‌ అయినా టేస్టీ రెసిపీ మిస్ చేయొద్దు. ఒకసారి ట్రై చేస్తే మీ ఇంట్లో రాగిపిండి అంటే ఈ చెక్కలే గుర్తొస్తాయి!