చికెన్, మటన్ తింటేనే B12 వస్తుందా?

చాలామంది విటమిన్ B12 అంటే వెంటనే చికెన్, మటన్, ఎగ్స్ గుర్తుకు తెస్తారు. అవును, ఇవి B12ను బాగా అందించే వనరులే. కానీ శాకాహారులకు మాంసాహారం తినకపోతే B12 ఎలా అందించాలి? ఇదే సందేహంతో చాలామంది సప్లిమెంట్స్ వైపు చూస్తున్నారు. కానీ నిజం ఏంటంటే – కొన్ని శాకాహార పదార్థాల ద్వారానే మనం విటమిన్ B12ను సహజంగా పొందొచ్చు. ఇప్పుడు ఆ ఆహారాల గురించి పూర్తి వివరంగా తెలుసుకుందాం.

పుట్టగొడుగులు – చిన్నవి కానీ శక్తివంతమైనవి

షిటేక్ మష్రూమ్స్, బటన్ మష్రూమ్స్ వంటి కొన్ని రకాల పుట్టగొడుగుల్లో సహజంగా కొద్దిగా విటమిన్ B12 ఉంటుంది. వీటిని సూర్యకాంతిలో పెంచితే ఇంకా ఎక్కువగా B12 ఏర్పడుతుంది. ఒక్క పుట్టగొడుగుల్లోనే మనకు అవసరమైన మొత్తాన్ని అందుకోలేము కానీ, ఈ పదార్థాన్ని ప్రతిరోజూ ఆహారంలో చేర్చుకుంటే శక్తి, ఫైబర్, రోగనిరోధక శక్తిని పెంచుకోవచ్చు. ఇది శాకాహారులకి చాలా ఉపయోగపడే ఆహారం.

Related News

పాలు, పెరుగు, జున్ను – మన నిత్యజీవితంలోని అద్భుత ఆయుధాలు

పాలు, పెరుగు, జున్ను వంటి పాల ఉత్పత్తులు విటమిన్ B12కు అత్యంత ముఖ్యమైన సహజ వనరులు. ఉదయాన్నే ఓ గ్లాసు పాలు తాగితే లేదా భోజనంలో పెరుగు చేర్చుకుంటే మీ రోజువారీ అవసరాలు తీరిపోతాయి. ఇవి శరీరానికి ఎనర్జీ ఇస్తాయి, నరాలకు బలం కలిగిస్తాయి, అలసట తగ్గిస్తాయి. తరచూ బలహీనతగా అనిపించే వారికి ఇవి చాలా ఉపయోగపడతాయి.

ఫోర్టిఫైడ్ టోఫు, సోయా ఉత్పత్తులు – ప్లాంట్ బేస్డ్ ఎనర్జీ ప్యాకెట్

సాధారణంగా టోఫు, సోయా పాలలో B12 ఉండదు. కానీ ఇప్పుడు మార్కెట్‌లో చాలా కంపెనీలు వీటిని విటమిన్ B12తో ఫోర్టిఫై చేసి అందిస్తున్నాయి. అంటే అదనంగా B12 కలిపి తయారు చేస్తారు. ఇవి ఆరోగ్యానికి మంచివే కాదు, ప్రోటీన్, ఐరన్ వంటి పోషకాలు కూడా పుష్కలంగా అందిస్తాయి. శక్తిని పెంచడానికి, కండరాల బలాన్ని పెంచడానికి ఇవి బాగా సహాయపడతాయి. మాంసాహారం తినకుండానే శక్తివంతమైన శరీరం కావాలంటే వీటిని తప్పనిసరిగా తీసుకోవాలి.

టెంపే – అరుదైన కానీ బలమైన ఆహారం

పులియబెట్టిన సోయాబీన్స్‌తో తయారయ్యే టెంపే అనే ఫుడ్‌కి శాకాహార ప్రపంచంలో మంచి స్థానం ఉంది. ఫెర్మెంటేషన్ ప్రక్రియ వల్ల దీనిలో కొన్నిసార్లు సహజంగా విటమిన్ B12 ఏర్పడుతుంది. ఇది డైజెస్టివ్ సిస్టంను మెరుగుపరచడంలోనూ, ప్రొటీన్లు అందించడంలోనూ సహాయపడుతుంది. ఇది సాధారణంగా మరింత ఆరోగ్యాన్ని ఇచ్చే, ప్రొటీన్లను అందించే ఒక వెజ్ ఎంపిక.

న్యూట్రిషనల్ ఈస్ట్ – వెజిటేరియన్‌ల కోసం స్పెషల్ బ్లెస్సింగ్

వేగన్లు అంటే జంతు పదార్థాలేవీ తినని వాళ్లకు ఇది ఒక గొప్ప పరిష్కారం. న్యూట్రిషనల్ ఈస్ట్ అనే పదార్థం చాలా కంపెనీలు B12తో ఫోర్టిఫై చేస్తుంటారు. ఇది తినడానికి చీజ్‌లా ఉంటుంది. సలాడ్‌ల మీద చల్లుకోవచ్చు, టోస్ట్ మీద వేసుకోవచ్చు, లేదా పాస్తాలో కలపొచ్చు. ఇది శక్తిని ఇస్తుంది, మూడ్‌ను మెరుగుపరుస్తుంది. ముఖ్యంగా B12 లోపం వల్ల వచ్చే నీరసం, అలసట, మానసిక సమస్యలు నివారించడంలో ఇది దోహదపడుతుంది.

ఫోర్టిఫైడ్ ప్లాంట్ మిల్క్ – బాదం, ఓట్స్, కొబ్బరి పాలను ఇక మిస్ కావొద్దు

పాలను తాగలేనివారు లేదా వేగన్స్ అయితే మీకు కూడా మంచి మార్గం ఉంది. బాదం పాలు, ఓట్ పాలు, కొబ్బరి పాలను ఇప్పుడు చాలా కంపెనీలు B12తో ఫోర్టిఫై చేసి తయారు చేస్తున్నారు. ఈ మిల్క్ రుచికరంగా ఉండటమే కాదు, తృణధాన్యాలతో కలిపి తీసుకుంటే బ్రేక్‌ఫాస్ట్‌గా బెస్ట్‌. రోజూ ఓ గ్లాసు తాగితే శక్తి స్థాయిలు పెరుగుతాయి, శరీరంలో B12 లోపాన్ని తగ్గించడంలో సహాయపడతాయి.

విటమిన్ B12 లోపం అంటే చిన్న విషయం కాదు

ఈ విటమిన్ మన శరీరంలో ఎర్ర రక్తకణాల తయారీకి అవసరం. ఇది లేకపోతే రక్తహీనత (అనీమియా), మతిమరుపు, నరాల బలహీనత, అలసట, మానసిక అలజడి వంటి సమస్యలు వస్తాయి. బీ12 లోపాన్ని తొందరగా గుర్తించడం చాలా ముఖ్యం. దీని లక్షణాలు చాలాసార్లు గమనించకుండా పోతాం. కానీ రోజురోజుకీ అది తీవ్రమవుతుంది. కాబట్టి ముందుగానే ఈ శాకాహార పదార్థాలను తీసుకుంటే ఆరోగ్యం బాగుంటుంది.

చివరగా ఒక ముఖ్యమైన విషయం

మీరు చికెన్, మటన్ తినడం ఇష్టపడకపోయినా లేదా వెజిటేరియన్ అయినా, విటమిన్ B12 లభించే మార్గాలు చాలానే ఉన్నాయి. ఎప్పటికీ అలసటగా, నీరసంగా ఉండకండి. ఆరోగ్యాన్ని చిన్న విషయంగా తీసుకోకండి. ఈ రోజే మీ డైట్‌ను బదలాయించండి. ఈ ఆరోగ్యకరమైన ఆరు శాకాహార ఆహారాలను మీ రోజువారీ జీవనశైలిలో చేర్చుకోండి. ఆలస్యం చేస్తే అది మీ శరీరాన్ని తలకిందులా మార్చేస్తుంది. ఆరోగ్యంగా ఉండాలంటే, ఈ మార్పులు ఇప్పుడే మొదలు పెట్టండి!