ఇవి అన్నీ ప్రభుత్వ పథకాలు కావడం వల్ల పూర్తిగా భద్రతతో కూడినవి. ఇప్పుడు మనం అలాంటి 5 శక్తివంతమైన పథకాల గురించి తెలుసుకుందాం.

ఉజ్జ్వల పథకం – ఉచిత గ్యాస్ సిలిండర్ మీ ఇంటికి

ప్రధానమంత్రి నరేంద్ర మోదీ చేపట్టిన ఉజ్జ్వల పథకం, దేశంలోని కోటీకోట్లు మహిళలకు వరంగా మారింది. ఈ పథకం ద్వారా లబ్దిదారైన మహిళలకు ఉచితంగా ఎల్పీజీ కనెక్షన్ ఇస్తారు. గ్యాస్ స్టవ్, మొదటి సిలిండర్ కూడా పూర్తిగా ఉచితమే. ఈ పథకం మొదటి దశ 2016 మే 1న ఉత్తరప్రదేశ్‌లోని బల్లియాలో ప్రారంభమైంది.

Related News

పొయ్యి పొగ వల్ల మహిళల ఆరోగ్యం దెబ్బతినకూడదనే లక్ష్యంతో ఈ పథకం మొదలుపెట్టారు. దీనివల్ల గృహాల కాలుష్యం తగ్గుతుంది. ఇప్పుడు ఈ పథకం మూడో దశలో కొనసాగుతోంది. అర్హత కలిగిన మహిళలు ఈ పథకాన్ని వెంటనే వినియోగించుకోవాలి.

బేటీ బచావో బేటీ పడావో – అమ్మాయిలకు సమాన అవకాశాలు

2015 జనవరి 22న హర్యానాలోని పానిపట్‌లో ప్రారంభించిన ఈ పథకం లక్ష్యం, అమ్మాయిల జనన నిష్పత్తిని పెంచడం. ఈ పథకం ద్వారా మహిళల విద్య, భద్రతపై దృష్టిపెట్టారు. గృహ హింస, లైంగిక వేధింపుల సమస్యల కోసం ఈ పథకం ఉపయోగపడుతుంది.

బాధిత మహిళలు 181 టోల్ ఫ్రీ నంబర్‌కు కాల్ చేసి పోలీసు, లీగల్, మెడికల్ సహాయం పొందవచ్చు. మహిళలకు భద్రత కల్పిస్తూ వారికి ధైర్యాన్ని అందించే గొప్ప పథకం ఇది. ఇది మహిళల హక్కులకు నిజమైన గౌరవం.

ఉచిత కుట్టుమిషన్ పథకం – ఇంటి నుంచే ఆదాయం

ప్రధానమంత్రి విశ్వకర్మ యోజనలో భాగంగా ఈ పథకం అమలవుతోంది. కుట్టు వృత్తిలో ఉన్న మహిళలకు కేంద్ర ప్రభుత్వం రూ.15000 సహాయం అందిస్తుంది. అర్హత ఉన్న మహిళలు ఈ డబ్బుతో కొత్త కుట్టుమిషన్ కొనగలుగుతారు. దీని వల్ల వారు స్వయం ఉపాధి అవకాశాన్ని పొందగలుగుతారు.

ఇంట్లో నుంచే ఆదాయం పొందే సువర్ణావకాశం ఇది. కుటుంబానికి ఆర్థికంగా సహాయం కావాలనుకునే ప్రతి మహిళా ఈ పథకాన్ని వినియోగించుకోవాలి.

సుమన్ పథకం – గర్భిణీ సురక్షితంగా ఉండాలంటే ఇది తప్పదు

గర్భిణీ స్త్రీల ఆరోగ్యంపై దృష్టి పెట్టి 2019 అక్టోబర్ 10న ఈ సుమన్ పథకాన్ని ప్రారంభించారు. ఇది ముఖ్యంగా బడుగు, బలహీన వర్గాలకు చెందిన మహిళలకు వరంగా మారింది. సకాలంలో వైద్య సేవలు అందక మాతృమృతులు జరగడం నివారించడమే ఈ పథకం ఉద్దేశ్యం. ఆసుపత్రులలో ఉచిత డెలివరీ, వైద్య సేవలు అందుతాయి.

దీని వల్ల తల్లి, బిడ్డ ఇద్దరూ ఆరోగ్యంగా ఉండే అవకాశాలు పెరుగుతాయి. పేద మహిళలు తప్పకగా ఈ పథకానికి దరఖాస్తు చేయాలి.

మహిళా శక్తి కేంద్రం – గ్రామాల నుంచే మహిళల శక్తిని పెంచే పథకం

2017లో ప్రారంభమైన ఈ పథకం ద్వారా గ్రామాల స్థాయిలో మహిళల సమస్యలు పరిష్కరించడానికి మహిళా శక్తి కేంద్రాలు ఏర్పాటు చేశారు. వీటి ద్వారా మహిళలకు ట్రైనింగ్, సహాయం, అధికారిక సేవలు అందిస్తారు. మహిళలు తమ సమస్యలకు పరిష్కారాలు పొందడమే కాదు, స్వయం నిబద్ధతతో జీవించడానికీ సహాయపడుతుంది. మహిళలకు సాధికారత కల్పించే విధంగా ఈ కేంద్రాలు పని చేస్తున్నాయి.

ఇప్పుడు మీ వంతు – ఈ పథకాలను వదులుకోకండి

ఈ ప్రభుత్వ పథకాలు అన్నీ మహిళల కోసం ప్రత్యేకంగా రూపొందించబడ్డాయి. ఆరోగ్యం, విద్య, ఉపాధి, భద్రత – ఏ విభాగాన్ని తీసుకున్నా ప్రభుత్వం సహాయంగా నిలుస్తోంది. మీరు లేదా మీ పరిచయంలోని మహిళలెవరైనా ఈ పథకాల కోసం అర్హత కలిగి ఉంటే వెంటనే దరఖాస్తు చేయండి.

అవకాశాన్ని వదులుకుంటే మళ్ళీ రావడం కష్టం. లక్షల రూపాయల లాభాన్ని మీరు ఇంటి నుంచే పొందవచ్చు. ఇప్పుడే మీ భవిష్యత్తును ప్లాన్ చేయండి – ఇవాళే ప్రారంభించండి…

ఈ పథకాల గురించి మరిన్ని వివరాలు కావాలంటే మీ సమీప ప్రభుత్వ కార్యాలయాన్ని లేదా అధికారిక వెబ్‌సైట్లను సంప్రదించండి. మీ హక్కులను వినియోగించుకోండి – బలమైన మహిళల భవిష్యత్తు ఇవాళే మొదలవుతుంది