1. పబ్లిక్ ప్రావిడెంట్ ఫండ్ (PPF)
PPF అనేది దీర్ఘకాలిక పెట్టుబడిదారులకో బెస్ట్ ఆప్షన్. ఇందులో 7.1% వడ్డీ లభిస్తుంది, 15 ఏళ్ల తర్వాత మేచ్యూరిటీ అందుతుంది. కనీసం ₹500 నుంచి ₹1.5 లక్షల వరకు వార్షికంగా పెట్టుబడి పెట్టొచ్చు. EEE (Exempt-Exempt-Exempt) కేటగిరీ కింద టాక్స్ బెనిఫిట్స్ లభిస్తాయి. అంటే, పెట్టుబడి, వడ్డీ, మేచ్యూరిటీ మొత్తం – అన్నీ టాక్స్ ఫ్రీ. జీరో రిస్క్, హై సెక్యూరిటీ – భవిష్యత్తుకు బెస్ట్ ఇన్వెస్ట్‌మెంట్.
2. సుకన్య సమృద్ధి యోజన (SSY)
మీకు 10 ఏళ్ల లోపు కుమార్తె ఉన్నట్లయితే, ఈ స్కీమ్‌ను ఆమె పేరు మీద తీసుకుని మంచి భవిష్యత్తు ప్లాన్ చేయొచ్చు. ప్రస్తుతం వడ్డీ రేటు 8.2%, అంటే చాలా మంచి లాభాలు. ఒక ఏడాదికి కనీసం ₹250 నుంచి గరిష్టంగా ₹1.5 లక్షల వరకు పెట్టుబడి పెట్టొచ్చు. EEE కేటగిరీ కింద టాక్స్ మినహాయింపు ఉంటుంది. మీ అమ్మాయి 21 ఏళ్లు నిండిన తర్వాత పూర్తి మొత్తాన్ని వడ్డీతో కలిపి పొందొచ్చు.
3. పోస్టాఫీస్ టైమ్ డిపాజిట్ (TD) – 5 ఏళ్ల FD
పోస్టాఫీస్ FD అంటేనే నిర్ధిష్టమైన రాబడి, సురక్షితమైన పెట్టుబడి. కానీ 5 ఏళ్ల FD చేస్తేనే టాక్స్ మినహాయింపు లభిస్తుంది. ప్రస్తుతం వడ్డీ రేటు 7.5%. సెక్షన్ 80C కింద ₹1.5 లక్షల వరకు టాక్స్ మినహాయింపు పొందొచ్చు. బ్యాంక్ FD కంటే మెరుగైన ఎంపిక, ప్రభుత్వ భరోసాతో.
Related News
4. నేషనల్ సేవింగ్స్ సర్టిఫికెట్ (NSC)
ఈ స్కీమ్‌లో పెట్టుబడి పెడితే, లాభాలు మాత్రమే కాదు, టాక్స్ సేవింగ్ కూడా పొందొచ్చు. కనీస పెట్టుబడి ₹1,000, ఎలాంటి గరిష్ట పరిమితి లేదు. ప్రస్తుతం వడ్డీ రేటు 7.7%. 5 ఏళ్ల గడువుతో పాటు సెక్షన్ 80C కింద ₹1.5 లక్షల వరకు టాక్స్ మినహాయింపు.
5. సీనియర్ సిటిజన్ సేవింగ్స్ స్కీమ్ (SCSS)
60 ఏళ్లు పైబడిన వారికి హయ్యెస్ట్ రిటర్న్స్, బెటర్ టాక్స్ సేవింగ్స్. ప్రస్తుతం వడ్డీ రేటు 8.2%, బ్యాంక్ FD కంటే ఎక్కువ. కనీస పెట్టుబడి ₹1,000, గరిష్టంగా ₹30 లక్షల వరకు ఇన్వెస్ట్ చేయొచ్చు. 80C కింద ₹1.5 లక్షల వరకు టాక్స్ మినహాయింపు, కానీ వడ్డీపై టాక్స్ వర్తిస్తుంది.
మార్చి 31 తర్వాత ఈ అవకాశాలు మీ చేతుల్లో ఉండవు. అందుకే ఇప్పుడే మీ ఇన్వెస్ట్‌మెంట్ డెసిషన్ తీసుకోండి, మీ డబ్బును పెంచుకోండి, టాక్స్ సేవింగ్ కూడా పొందండి. మీ భవిష్యత్తును బలోపేతం చేసుకునే ఉత్తమ సమయం – ఇప్పుడు.
