తెలంగాణ ప్రభుత్వం అర్హులైన ప్రతి కుటుంబానికి రేషన్ కార్డులు జారీ చేయడానికి చర్యలు తీసుకుంటుంది. ఈ మేరకు అధికారులు ఇప్పటికే ప్రజల నుండి దరఖాస్తులను స్వీకరించారు.
అర్హులైన వారికి కొత్త రేషన్ కార్డులు జారీ చేయడానికి సన్నాహాలు చేస్తున్నారు. ఎమ్మెల్సీ ఎన్నికల కోడ్ తొలగించిన వెంటనే కొత్త రేషన్ కార్డులు పంపిణీ చేస్తారు. అయితే, గ్రేటర్ హైదరాబాద్ ప్రాంతంలో కొత్త రేషన్ కార్డుల మంజూరు ప్రక్రియ ప్రశ్నార్థకంగా మారింది.
హైదరాబాద్ జిల్లా ఇన్‌చార్జ్ మంత్రి పొన్నం ప్రభాకర్ ఇటీవల మార్చి 1 నుండి కొత్త రేషన్ కార్డులు జారీ చేయనున్నట్లు చెప్పారు. అయితే, పౌర సరఫరాల శాఖ అధికారులకు ఈ విషయంపై ఎటువంటి ఆదేశాలు అందకపోవడం గమనార్హం. ఇక్కడ మరో విషయం ఏమిటంటే, మూడు నెలల క్రితం నిర్వహించిన కుటుంబ, సామాజిక, ఆర్థిక సర్వేలో గుర్తించిన అర్హత కలిగిన కుటుంబాల జాబితా GHMC నుండి పౌర సరఫరాల శాఖకు అందలేదు, మరోవైపు, ఆన్‌లైన్ దరఖాస్తులపై కనీస విచారణ కూడా ప్రారంభించకపోవడం అనేక అనుమానాలకు తావిస్తోంది. దీంతో మార్చి 1 నుంచి కొత్త రేషన్ కార్డుల పంపిణీపై అనిశ్చితి నెలకొంది.
[news_related_post]గురువారం నాటికి దాదాపు 1,31,484 కుటుంబాలు కొత్త రేషన్ కార్డుల కోసం ఆన్‌లైన్‌లో దరఖాస్తు చేసుకున్నాయి. అయితే, దరఖాస్తు ప్రక్రియ కొనసాగుతున్నందున, క్షేత్రస్థాయిలో దర్యాప్తు ప్రారంభించలేదు. ప్రభుత్వం కూడా తగిన ఉత్తర్వులు జారీ చేయలేదు. అయితే, మార్చి 1 నుంచి కొత్త కార్డులు జారీ చేస్తామని తాజాగా ప్రకటించడంతో పరిస్థితి గందరగోళంగా మారింది. అయితే, కొత్త రేషన్ కార్డుల అంశంపై పౌర సరఫరాల శాఖ అధికారులు అందించిన వివరాల ప్రకారం, ఆన్‌లైన్‌లో వచ్చిన దరఖాస్తులపై క్షేత్రస్థాయిలో విచారణ తర్వాత కార్డులు మంజూరు చేయనున్నట్లు చెబుతున్నారు. దీంతో, మార్చి 1న కొత్త రేషన్ కార్డుల పంపిణీ ఉండదని పలువురు చెబుతున్నారు.
