అక్కినేని యువ హీరో నాగ చైతన్య తాజా చిత్రం ‘తందేల్’. ఫిబ్రవరి 7న ప్రపంచవ్యాప్తంగా గ్రాండ్ రిలీజ్ కు సిద్ధమవుతోంది. చందు మొండేటి దర్శకత్వం వహించిన ఈ వింటేజ్ రొమాంటిక్ యాక్షన్ ఎంటర్‌టైనర్ చిత్రం ప్రేక్షకుల్లో భారీ అంచనాలను సృష్టించింది. ఇప్పటివరకు విడుదలైన ఈ సినిమా కంటెంట్ ఈ అంచనాలను పెంచింది.
ఈ సినిమా ట్రైలర్ జనవరి 28న సాయంత్రం 6.03 గంటలకు విడుదల అవుతుందని మేకర్స్ వెల్లడించారు. అయితే, ఈ ట్రైలర్ ప్రీల్యూడ్‌ను మేకర్స్ ఇటీవల విడుదల చేశారు. ‘ఈ పండుగ నుండి, మన రాజు తందేల్.. తందేల్ అంటే ఏమిటి..?’ అనే డైలాగ్‌తో, ఈ ప్రీల్యూడ్ వీడియో ఈ ట్రైలర్‌పై అంచనాలను అమాంతం పెంచింది.
‘తందేల్’ అంటే ఏమిటో తెలుసుకోవాలంటే, మీరు ఈ ట్రైలర్ చూసే వరకు వేచి చూడాల్సిందే అని చిత్ర యూనిట్ చెబుతోంది. అందమైన నటి సాయి పల్లవి ఈ సినిమాలో హీరోయిన్‌గా నటిస్తోంది. కాగా, దేవి శ్రీ ప్రసాద్ సంగీతం అందిస్తున్నారు.
[news_related_post]
