పెట్రోల్, డీజిల్ ధరలు భారీగా తగ్గనున్నాయి. అంతర్జాతీయ మార్కెట్లో ముడి చమురు ధరలు గణనీయంగా తగ్గాయి. బ్యారెల్ ధర $60 కంటే తక్కువగా పడిపోయింది. ఒకవేళ ఇదే పరిస్థితి కనుక కొనసాగితే, ఇండియాలో పెట్రోల్, డీజిల్ ధరలు తగ్గే అవకాశం ఉందని ఆర్థిక నిపుణులు అంచనా వేస్తున్నారు.
ముడి చమురు ధరలు స్థిరంగా ఉంటే ధర తగ్గింపు సాధ్యమని కేంద్ర పెట్రోలియం మంత్రి హర్దీప్ సింగ్ పూరి కూడా అన్నారు. అయితే, ఈ ధర తగ్గింపు ఎప్పుడు అమల్లోకి వస్తుంది? ప్రస్తుతం ఢిల్లీలో పెట్రోల్ ధరలు లీటరుకు రూ.94.77, డీజిల్ రూ.87.67 ఉండగా, హైదరాబాద్‌లో పెట్రోల్ ధరలు రూ.107, డీజిల్ రూ.95.65గా ఉన్నాయి.
