మరోవైపు, దాడిలో పాల్గొన్న మరో ఉగ్రవాది చిత్రాన్ని ఇప్పటికే విడుదల చేసినట్లు తెలిసింది. లష్కరే తోయిబా కాల్పులకు బాధ్యత వహించింది. ఈ సంఘటనకు ఆ సంస్థ టాప్ కమాండర్ సైఫుల్లా కసౌరి అలియాస్ ఖలీద్ ప్రధాన సూత్రధారి అని నిఘా సంస్థలు స్పష్టం చేశాయి. రావల్ కోట్‌కు చెందిన ఇద్దరు వ్యక్తులు ఈ సంఘటనలో పాల్గొన్నారని కూడా వారు వెల్లడించారు. ఆ దిశగా నిఘా సంస్థలు దర్యాప్తును ముమ్మరం చేశాయి. మొదట్లో నిఘా సంస్థలు కల్పిత చిత్రాలను విడుదల చేశాయి. ఆ క్రమంలో ముగ్గురు ఉగ్రవాదుల కల్పిత చిత్రాలు విడుదలయ్యాయి. అయితే, తరువాత దాడి చేసిన నలుగురు ఉగ్రవాదుల చిత్రాలను విడుదల చేశారు.

మరోవైపు, ఈ సంఘటన గురించి సమాచారం అందిన వెంటనే, విదేశీ పర్యటనలో భాగంగా దుబాయ్‌లో ఉన్న ప్రధాని మోడీ కేంద్ర హోంమంత్రి అమిత్ షాను అప్రమత్తం చేశారు. దీంతో అమిత్ షా హడావుడిగా జమ్మూ కాశ్మీర్ కు బయలుదేరి వెళ్లారు. తరువాత, జమ్మూ కాశ్మీర్ లెఫ్టినెంట్ గవర్నర్ మనోజ్ సిన్హా, సీఎం ఒమర్ అబ్దుల్లాతో స్థానిక భద్రతను సమీక్షించారు. దాడి చేసిన ఉగ్రవాదులను ఎదుర్కోవడానికి యుద్ధప్రాతిపదికన చర్యలు తీసుకోవాలని ఉన్నతాధికారులను ఆదేశించారు. మరోవైపు, ప్రధానమంత్రి మోడీ తన విదేశీ పర్యటన ముగించుకుని స్వదేశానికి తిరిగి వచ్చారు. తరువాత, జమ్మూ కాశ్మీర్ భద్రతపై జాతీయ భద్రతా సలహాదారు అజిత్ దోవల్, విదేశాంగ మంత్రి జైశంకర్ లతో మోడీ అత్యవసరంగా సమావేశం నిర్వహించారు.