Streptococcal toxic shock syndrome . ఇది కండరాలను కొరుకుట ద్వారా మనిషిని 48 గంటల్లో చంపేస్తుంది. కరోనా వైరస్‌ను మించిన బ్యాక్టీరియా జపాన్‌లో వేగంగా విస్తరిస్తోంది. వ్యాధి సోకితే, ఒక వ్యక్తి 48 గంటల్లో మరణిస్తాడు. ప్రస్తుతం ఈ బ్యాక్టీరియాను నిర్మూలించే మందులు లేవు. వైద్యం తాత్కాలిక అంశం మాత్రమే.

జపాన్‌లో ఇప్పటికే 977 పాజిటివ్ కేసులు నమోదయ్యాయి. జపాన్‌కు చెందిన నేషనల్ ఇన్‌స్టిట్యూట్ ఆఫ్ ఇన్ఫెక్షియస్ డిసీజెస్ ప్రకారం ఈ ఏడాది చివరి నాటికి ఈ సంఖ్య 2,500కు చేరుకుంటుందని అంచనా. మరణాల రేటు 30 శాతానికి పైగా ఉంది. గ్రూప్ A స్ట్రెప్టోకోకల్ బ్యాక్టీరియా, చిన్న పిల్లలను ఎక్కువగా ప్రభావితం చేస్తుంది. గొంతు వాపు శ్వాస తీసుకోవడంలో ఇబ్బందిని కలిగిస్తుంది.

ఇదే జాతికి చెందిన మరో రకం బ్యాక్టీరియా శరీర అవయవాల పనితీరును నాశనం చేస్తుంది. కండరాల వాపు, చర్మవ్యాధులు, లో- బీపీ, గుండె వేగం పెరగడం, శ్వాస ఆడకపోవడం, కాలేయ సమస్యలు తలెత్తుతాయని టోక్యో ఉమెన్స్ యూనివర్సిటీ ప్రొఫెసర్ కెన్ కుకుచి తెలిపారు. ఈ బాక్టీరియా సోకి 48 గంటల్లో మనిషి చనిపోయే ప్రమాదం ఉందన్నారు.

చిన్న పిల్లలు, 50 ఏళ్లు పైబడిన వారు దీని బారిన పడే అవకాశం ఉందని కుకుచి పేర్కొన్నారు. ఈ బ్యాక్టీరియా వ్యాప్తిపై ప్రపంచ ఆరోగ్య సంస్థ కూడా ఆందోళన వ్యక్తం చేసింది. దీనిని అరికట్టేందుకు అవసరమైన చర్యలు తీసుకోవాలని జపాన్‌ను కోరింది.