తెలంగాణ ప్రభుత్వం కొత్త రేషన్ కార్డులు మంజూరు ప్రక్రియను ప్రారంభించిన విషయం తెలిసిందే. గత నెల 26న సీఎం రేవంత్ రెడ్డి రేషన్ కార్డులు మంజూరు ప్రక్రియను లాంఛనంగా ప్రారంభించారు. మొదటి దశలో ప్రతి మండలంలో గ్రామం పేరు పెట్టి లబ్ధిదారులను ఎంపిక చేశారు. ఆ తర్వాత ప్రజాపాలన, గ్రామసభలు, మీ సేవా కేంద్రాల ద్వారా దరఖాస్తులు తీసుకొని వారికి కొత్త రేషన్ కార్డులు జారీ చేస్తున్నారు. అయితే, ఇప్పటివరకు ఎవరికీ కార్డులు జారీ కాలేదు. కార్డులు జారీ చేస్తున్న సమయంలోనే రాష్ట్రంలో ఎమ్మెల్సీ ఎన్నికలు జరిగాయి. మెదక్, నిజామాబాద్, కరీంనగర్, ఆదిలాబాద్ టీచర్, పట్టుభద్రు ఎమ్మెల్సీలతో పాటు నల్గొండ, ఖమ్మం, వరంగల్ టీచర్ ఎమ్మెల్యేలకు నోటిఫికేషన్లు, ఎన్నికల కోడ్‌లు విడుదలయ్యాయి. దీనివల్ల కార్డుల జారీపై అనిశ్చితి ఏర్పడింది.
ఈ నేపథ్యంలో ప్రజల ఆందోళనలను దృష్టిలో ఉంచుకుని ఎన్నికల కోడ్ అమలులో ఉన్న జిల్లాలను మినహాయించి మిగిలిన జిల్లాల్లో కార్డులు జారీ చేయాలని సీఎం రేవంత్ రెడ్డి అధికారులను ఆదేశించారు. ఈ మేరకు అధికారులు చర్యలు తీసుకున్నారు. ఇటీవల రాష్ట్ర ప్రధాన కార్యదర్శి శాంతి కుమారి రేషన్ కార్డుల జారీపై కలెక్టర్లకు కీలక ఆదేశాలు జారీ చేశారు. సీఎం ఆదేశాల మేరకు ఎన్నికల కోడ్ అమలులో లేని జిల్లాల్లో కొత్త రేషన్ కార్డుల జారీని త్వరలో ప్రారంభించాలని ఆమె అన్నారు. దీనికి అవసరమైన ఏర్పాట్లు చేయాలని ఆమె అధికారులకు స్పష్టమైన ఆదేశాలు ఇచ్చారు. రంగారెడ్డి, హైదరాబాద్, మహబూబ్ నగర్ జిల్లాల్లో కోడ్ అమలులో లేనందున, ఆ జిల్లాల్లో కార్డులు జారీ చేసే ప్రక్రియను ప్రారంభించాలి.
QR కోడ్‌తో పోస్ట్‌కార్డ్ సైజులో కొత్త కార్డులు
కొత్త రేషన్ కార్డులు బార్ కోడ్ లేదా QR కోడ్‌తో పోస్ట్‌కార్డ్ సైజులో ఉంటాయని తెలుస్తోంది. రాష్ట్రంలో కోటి రేషన్ కార్డులు కొత్తవి, పాతవి కలిపి జారీ చేయనున్నట్లు సమాచారం. అన్ని కార్డులను కొత్తగా జారీ చేయడానికి సన్నాహాలు చేస్తున్నట్లు సమాచారం. కొత్త రేషన్ కార్డులపై ఒక వైపు ముఖ్యమంత్రి, మరోవైపు పౌర సరఫరాల శాఖ మంత్రి ఫోటోలు ఉండటంతో పాటు ప్రభుత్వ లోగో ఉంటుందని సమాచారం.
Related News
