గత కొన్ని రోజులుగా మంచు కుటుంబంలో విభేదాలు జరుగుతున్న సంగతి తెలిసిందే. ఆస్తుల పంపకాల విషయంలో మొదలైన విభేదాలు రోజురోజుకూ పెరుగుతున్నాయి. ఒక కొలిక్కి రావడం లేదు. అయితే, సినీ నటుడు మంచు మోహన్ కుటుంబంలో విభేదాలు రోజురోజుకూ మలుపు తిరుగుతున్నాయి. సోమవారం చిత్తూరు జిల్లా చంద్రగిరి నియోజకవర్గంలో జరిగిన జల్లికట్టు కార్యక్రమంలో మంచు మోహన్ బాబు కుమారుడు మంచు మనోజ్ పాల్గొన్న విషయం తెలిసిందే. ఈ క్రమంలో సోమవారం ఆయనకు టీడీపీ, జనసేన, ఎన్టీఆర్ అభిమానులు ఘనంగా స్వాగతం పలికారు. మంచు మనోజ్ అభిమానులు పెద్ద ఎత్తున పటాకులు పేల్చి, బాణసంచా కాల్చి స్వాగతం పలికారు.
అయితే.. ఇటీవల మంచు మనోజ్‌ను పోలీసులు అదుపులోకి తీసుకున్నట్లు వార్తలు వస్తున్నాయి. ఈ క్రమంలో తిరుపతి పోలీసులు సోమవారం అర్ధరాత్రి సినీ నటుడు మంచు మనోజ్‌ను అదుపులోకి తీసుకున్నారు. ఆయనను బకరాపేట పోలీస్ స్టేషన్‌కు తరలించినట్లు సమాచారం. ఈ సమయంలో హీరో మనోజ్ అర్ధరాత్రి పీఎస్ వద్ద గొడవ చేశాడు. పోలీసులు పెట్రోలింగ్ లో భాగంగా అక్కడికి వెళ్లినప్పుడు అతను స్థానిక రిసార్ట్ లో బస చేశాడు. ఇక్కడ ఎందుకు ఉన్నారని వారు అడిగినప్పుడు మనోజ్ కు కోపం వచ్చింది. “నన్ను అరెస్టు చేయడానికి వచ్చావా?” అంటూ వారు వాగ్వాదం ప్రారంభించారు. ఆ తర్వాత అతను పోలీస్ స్టేషన్ కు వెళ్లి నిరసన తెలిపాడు. త్వరలోనే మనోజ్ అరెస్టుకు సంబంధించిన పూర్తి వివరాలను బకరావుపేట పోలీసులు విడుదల చేసే అవకాశం ఉందని సమాచారం.
