ఈ మధ్య కాలంలో 15వేల నుంచి 16వేల మధ్య ఫోన్ల పోటీ చాలా ఎక్కువైంది. ధర తక్కువైనా ఫీచర్లు మాత్రం ఫ్లాగ్‌షిప్ లెవల్లో ఉంటున్నాయి. అందులో భాగంగా మార్కెట్‌లోకి కొత్తగా వచ్చిన Vivo T4X మరియు Realme P3 మధ్య ఎంచుకోవడం కాస్త కష్టమవుతుంది. రెండూ బోలెడంత హార్డ్వేర్, మంచి డిస్‌ప్లే, పెద్ద బ్యాటరీతో వచ్చారు. అయితే అసలు వాటిలో నిజంగా బెస్ట్ డీల్ ఏది? దీటుగా రెండు ఫోన్లను పోల్చి మీకు క్లారిటీ ఇచ్చే ప్రయత్నం ఇక్కడ చేస్తున్నాం.
Vivo T4X లో 6.72 అంగుళాల LCD డిస్‌ప్లే ఉంది. ఇది Full HD+ రెసల్యూషన్ తో వస్తుంది. 120Hz రిఫ్రెష్ రేట్ తో స్క్రోల్ చాలా స్మూత్ గా ఉంటుంది. అయితే దీని మాక్స్ బ్రైట్‌నెస్ మాత్రం 1050 నిట్స్ మాత్రమే. దీనితో పోల్చితే Realme P3లో 6.67 అంగుళాల AMOLED డిస్‌ప్లే ఉంది. అదే Full HD+ రెసల్యూషన్, అదే 120Hz రిఫ్రెష్ రేట్. కానీ దీని బ్రైట్‌నెస్ 2000 నిట్స్ దాకా వెళ్తుంది. అంటే రెండు రెట్లు ఎక్కువ. AMOLED డిస్‌ప్లే వల్ల బ్లాక్స్ డీప్ గా కనిపిస్తాయి, కలర్స్ పంచ్ గా ఉంటాయి. అందుకే డిస్‌ప్లే విషయంలో Realme పక్కా విజేత.
Vivo T4X లో MediaTek Dimensity 7300 చిప్‌సెట్ ఉంది. ఇది 2.5GHz క్లాక్ స్పీడ్ తో పనిచేస్తుంది. Mali-G615 GPU తో గేమింగ్ కూడా బాగానే నడుస్తుంది. Realme P3 లో Snapdragon 6 Gen 4 ప్రాసెసర్ ఉంది. ఇది కొత్త టెక్నాలజీతో వస్తుంది. Adreno 810 GPU తో హై గ్రాఫిక్స్ గేమ్స్ సాఫ్ట్ గా రన్ అవుతాయి. Antutu స్కోర్ విషయంలో కూడా తేడా స్పష్టంగా ఉంది. Vivo T4X కు 6,85,052 స్కోర్ వస్తే, Realme P3 కు 7,64,410 వచ్చాయి. అంటే Realme మరింత పవర్‌ఫుల్.
[news_related_post]ఇద్దరూ Android 15 మీదనే పనిచేస్తున్నా, Vivo లో Funtouch OS, Realme లో Realme UI ఉంటుంది. రెండింటిలోనూ 2 సంవత్సరాల OS అప్‌డేట్స్, 3 సంవత్సరాల సెక్యూరిటీ అప్‌డేట్స్ ఉంటాయని కంపెనీలు హామీ ఇస్తున్నాయి.
ఇద్దరిలోనూ 50MP ప్రైమరీ సెన్సార్, 2MP డెప్త్ సెన్సార్ ఉన్న డ్యూయల్ కెమెరా సెటప్ ఉంది. కానీ Realme P3 లో Exmor-RS సెన్సార్ వాడారు. ఇది డిటైల్స్ బాగా పికప్ చేస్తుంది. వీడియో విషయానికి వస్తే, Realme 4K@30fps లో షూట్ చేస్తుంది. 1080p లో 120fps, 720p లో 240fps లో స్లో మోషన్ వీడియోలు తీసుకోవచ్చు. ఈ ఫీచర్లు Vivo లో లేవు.
సెల్ఫీ కెమెరా విషయంలో కూడా తేడా ఉంది. Vivo T4X లో 8MP ఫ్రంట్ కెమెరా ఉంటుంది. కానీ Realme P3 లో 16MP కెమెరా ఉంది. ఇది పెద్ద పిక్సెల్ సైజ్, మంచి అపర్చర్ తో వస్తుంది. ఫోటోలు క్లీన్ గా, బ్రైట్ గా వస్తాయి. సెల్ఫీ ప్రియులకు ఇది చాలా ప్లస్ పాయింట్.
Vivo T4X లో 6500mAh భారీ బ్యాటరీ ఉంది. ఇది 44W ఫ్లాష్ చార్జింగ్ సపోర్ట్ చేస్తుంది. 0 నుంచి 50% వరకు చార్జ్ కావడానికి 40 నిమిషాలు పడుతుంది. Realme P3 లో 6000mAh బ్యాటరీ ఉంటుంది. దీని చార్జింగ్ స్పీడ్ మాత్రం ఎక్కువగా ఉంటుంది. 45W ఫాస్ట్ చార్జింగ్ తో 30 నిమిషాల్లోనే 50% చార్జ్ అవుతుంది. అంటే బ్యాటరీ సైజులో Vivo పెద్దదైనా, చార్జింగ్ విషయంలో Realme ముందుంది.
Realme P3 కాస్త చిన్నది, తక్కువ బరువు కలిగి ఉంటుంది. దీని బరువు 194 గ్రాములు. Vivo T4X 204 గ్రాముల బరువు ఉంటుంది. అందులోనూ Realme కు IP69 వాటర్ ప్రూఫ్ మరియు IP6X డస్ట్ ప్రూఫ్ సర్టిఫికేషన్ ఉంది. అంటే ఇది నీటికి, ధూళికి ఎక్కువ రెసిస్టెంట్. Vivo T4X కు IP64 రేటింగ్ మాత్రమే ఉంది. మిగతా వాటిలోనూ ఫైబర్ బ్యాక్ ఫినిష్, స్లిమ్ బిల్డ్ వంటి అప్‌టూ డేట్ డిజైన్ ఉంది. రెండు ఫోన్లు చూస్తుంటే Realme మరింత ప్రీమియం ఫీల్ ఇస్తుంది.
ధర విషయానికి వస్తే Vivo T4X ₹14,870 లో లభిస్తుంది. Realme P3 ధర ₹15,994. అంటే 1100 రూపాయల తేడా ఉంది. కానీ Realme P3 లో AMOLED డిస్‌ప్లే, పవర్‌ఫుల్ ప్రాసెసర్, మంచి కెమెరా, ఫాస్ట్ చార్జింగ్, బెటర్ డిజైన్ లాంటి అద్భుతమైన ఫీచర్లు ఉన్నాయి. మీరు కొత్త టెక్నాలజీ, బ్రైట్ డిస్‌ప్లే, మంచి సెల్ఫీలు కోరుకుంటే Realme P3 కే వెళ్లాలి.
అయితే మీరు ఎక్కువ బ్యాటరీ బ్యాకప్ కోసం చూస్తుంటే, కొంచెం తక్కువ ధరలో పెద్ద బ్యాటరీతో ఫోన్ కావాలంటే Vivo T4X కూడా ఓ మంచి ఎంపిక అవుతుంది. కానీ ఫ్యూచర్ ప్రూఫ్ గా చూస్తే Realme పక్కా గెలిచినట్టే.
ఇంకెందుకు ఆలస్యం? June సేల్స్ ప్రారంభం కాకముందే మీ బెస్ట్ బడ్జెట్ ఫోన్ ఎంచేసుకోండి.
