ఐస్‌లాండ్ – పేరు వింటేనే చలి కొట్టినట్లు అనిపించకపోతే ఆశ్చర్యమే. అక్కడ ఒకేఒక్క దోమ కూడా ఉండదు. ప్రపంచంలో దోమలు లేని దేశంగా ఐస్‌లాండ్ పేరు పొందింది. విశేషం ఏంటంటే, అక్కడ 1,300 కి.మీ వరకు నదులు, చెరువులు, సరస్సులు ఉన్నా ఒక్క దోమ కనపడదు. ఎందుకంటే అక్కడ వాతావరణ పరిస్థితులు, భూభాగ స్వభావం, నీటి నిర్మాణం దోమల మనుగడ సాగించడానికి అనుకూలంగా ఉండవు.

ఐస్‌లాండ్‌లో చలిలో నీరు పూర్తిగా గడ్డకట్టిపోతుంది. దోమలు జీవించాలంటే ఆవశ్యకమైన ఫ్లాట్ వాటర్ లేదు. వాతావరణం ఎప్పుడూ మారిపోతూ ఉండటంతో వాటికి బతకడం కష్టమవుతుంది. దీంతో అవి ఇక్కడ జీవించలేవు. అంతేకాదు, మనం చూసే మురుగు ప్రాంతాలూ, నిలువ నీటులూ అక్కడ లేవు. ఆ వాతావరణంలో దోమల గుడ్లు పెట్టే అవకాశం కూడా ఉండదు.

ఐస్‌లాండ్‌ మాదిరిగానే ఆంటార్కటికా, గ్రీన్‌లాండ్‌, సియోట్‌లాండ్‌లో కూడా దోమలు ఉండవని శాస్త్రవేత్తలు చెబుతున్నారు. కానీ వాటిల్లో మనుషులు జీవించేవారు తక్కువ. ఐస్‌లాండ్‌లో మాత్రం 3,90,000 మందికిపైగా ప్రజలు నివసిస్తున్నారు. ఇది ఒక అభివృద్ధి చెందిన దేశం కూడా. అటువంటి దేశంలో దోమలు లేకపోవడం అనేది నిజంగా ఆశ్చర్యం కలిగించే విషయం.

ఒకసారి ఊహించండి… ఓ అద్భుతమైన దేశం. చుట్టూ మంచు కొండలు. నీలి నదులు, నిశ్శబ్దం… కానీ ఒక్క దోమ కూడా ఉండదు. ఇలా ఒక ఆహ్లాదంగా, ఆరోగ్యంగా, ప్రశాంతంగా హాలిడే ఎంజాయ్ చేయాలంటే ఐస్‌లాండ్‌కు ట్రిప్ ప్లాన్ చేయాలి. ఇది మనం ఎప్పుడూ కలలు కనే వాతావరణం. పిల్లలతో వెళ్తే వాళ్లకి కూడా గొప్ప అనుభవం అవుతుంది.

శాస్త్రజ్ఞులు చెబుతున్న విషయం ఏంటంటే… ఐస్‌లాండ్‌లో వేసవి తక్కువ ఉంటుంది. చలికాలం ఎక్కువగా ఉంటుంది. పగటిపూట చల్లగా ఉంటుంది కానీ రాత్రిళ్లు తీవ్రమైన చలి ఉంటుంది. అందుకే దోమలు గుడ్లు పెట్టడానికి అవసరమైన ఉష్ణోగ్రతలు, తేమ, నీటి పరిస్థితులు అక్కడ దొరకవు. పైగా ఆ నీరు తరచూ చలితో గడ్డకట్టిపోతుంటుంది.

ఇంకొక విషయం – అక్కడ గడ్డకట్టిన మంచు మీద దోమలు బతకలేవు. అవి పెరిగే వాతావరణం ఉండాల్సిందే. ఐస్‌లాండ్‌లో మాత్రం అటువంటి అవకాశం లేదు.

ఒక్కసారి అయినా మస్కిటోల్లేని దేశం చూడాలంటే ఐస్‌లాండ్ వెళ్ళాల్సిందే! అక్కడి ప్రకృతి, ప్రశాంతత, ఆరోగ్యకర వాతావరణం, దోమ లేని జీవితం – ఇవన్నీ కలిపితే ఇది నిజంగా ఒక మ్యాజికల్ ట్రిప్ అవుతుంది. దోమలతో బాధపడకుండా హాయిగా సెలవులు గడపాలంటే ఇది బెస్ట్ ఆప్షన్. మీరు ట్రిప్ ప్లాన్ చేస్తున్నారా? అయితే ఈసారి తప్పకుండా ఐస్‌లాండ్ ను జాబితాలో వేసేయండి!