ఏప్రిల్ 22న జమ్మూ కశ్మీర్‌లోని పహల్గాం ప్రాంతంలో జరిగిన ఉగ్రదాడి దేశాన్ని షాక్‌కు గురిచేసింది. ఈ దాడిలో 28 మంది అమాయకులు ప్రాణాలు కోల్పోయారు. అయితే, ఈ హింసాత్మక ఘటనకు కొద్ది గంటల ముందు కేరళ హైకోర్టు న్యాయమూర్తులు తాము పహల్గాం నుంచి బయలుదేరినట్లు వెల్లడికావడంతో, వారి కుటుంబ సభ్యులు, న్యాయవర్గాలు ఊపిరి పీల్చుకున్నాయి.
ఎవరు ఈ న్యాయమూర్తులు..?
ఈ సంఘటనలో తృటిలో బయటపడ్డ న్యాయమూర్తులు జస్టిస్ అనిల్ కె నరేంద్రన్, జస్టిస్ జి గిరిష్, జస్టిస్ పి.జి అజిత్‌కుమార్. వారు ఏప్రిల్ 17 నుంచి కుటుంబాలతో కలిసి జమ్మూ కశ్మీర్ లో పర్యటిస్తున్నారు. ఏప్రిల్ 21న పహల్గాంలో కొన్ని టూరిస్ట్ స్పాట్స్ సందర్శించిన తర్వాత, రోజు ఉదయం 9:30కి శ్రీనగర్ వైపు బయలుదేరారు. మధ్యాహ్నానికి అక్కడికి చేరుకున్నారు.
దాడి జరిగిన ప్రాంతం
ఈ దాడి బైసరన్ ప్రాంతంలో చోటుచేసుకుంది. ఇది “మినీ స్విట్జర్లాండ్” అనే పేరుతో పర్యాటకుల్లో ప్రాచుర్యం పొందిన ప్రదేశం. అక్కడ ఉన్న పర్యాటకులు, పిల్లలతో పిక్నిక్ చేసేవారు, ఫుడ్ స్టాల్స్ వద్ద విశ్రాంతి తీసుకుంటున్నవారు – ఎవ్వరూ ఈ దాడిని ఊహించలేకపోయారు.
[news_related_post]ప్రత్యక్షదృశ్యాలు హృదయ విదారకంగా..
ప్రత్యక్షసాక్షుల ప్రకారం ఉగ్రవాదులు గుప్పుమంటూ కాల్పులు జరిపారు. కొన్ని బాధితులను గుండెల్లో, తలల్లో కాల్చినట్లు సమాచారం. ఒక మహిళ PTIకు ఇచ్చిన హృదయవిదారక వాక్యంలో ఆమె భర్తను ఆమె కళ్లముందే తలలో కాల్చినట్లు తెలిపింది.
దాడి సమయంలో అక్కడే ఉన్న న్యాయమూర్తులు తప్పించుకున్న సంగతి ఆలస్యంగా వెలుగులోకి రావడంతో న్యాయవర్గాల్లో తీవ్రమైన ఆందోళన నెలకొన్నది.
