మనకి అత్యవసర డబ్బు అవసరమయ్యే పరిస్థితులు వస్తే, ముందు గుర్తొచ్చేది లోన్ తీసుకోవడం. చాలామంది మొదట బంధువుల దగ్గర లేదా స్నేహితుల దగ్గర డబ్బు అడుగుతారు. కానీ అందరూ సహాయపడతారు అనే గ్యారంటీ ఉండదు. కొందరు చిట్టీలను ఎత్తుతారు. కానీ అది సమయానికి డబ్బు ఇవ్వకపోవచ్చు. అలాంటప్పుడు మన దగ్గర ఉన్న విలువైన సంపదను ఉపయోగించుకోవడం మంచిది. అంటే మన బంగారం.
బంగారాన్ని బ్యాంకుల్లో లేదా ఫైనాన్స్ కంపెనీల్లో తాకట్టు పెట్టి త్వరగా డబ్బు పొందవచ్చు. దీనిని గోల్డ్ లోన్ అంటారు. ఇది చాలా వేగంగా డబ్బు రాబట్టే మార్గం. అంతేకాదు, ఇది సెక్యూర్డ్ లోన్ కావడంతో ఇంట్రెస్ట్ రేట్లు కూడా తక్కువగా ఉంటాయి. అందుకే ఇప్పుడిప్పుడే చాలా మంది గోల్డ్ లోన్ వైపు మొగ్గుతున్నారు.
గోల్డ్ లోన్ అంటే మన బంగారాన్ని తాకట్టు పెట్టి బ్యాంకులు లేదా ఫైనాన్స్ కంపెనీలు మనకి రుణం ఇస్తాయి. అయితే ఎంత లోన్ వస్తుందో అనేది మన బంగారం స్వచ్ఛత (ప్యూరిటీ) మీద ఆధారపడి ఉంటుంది. 24 క్యారెట్ల బంగారానికి ఒక రేటు, 22 క్యారెట్లకు ఇంకొక రేటు, 20 క్యారెట్లకు ఇంకొక రేటు ఉంటుంది. అలాగే, బ్యాంకులు, ప్రైవేట్ ఫైనాన్స్ కంపెనీలు కాస్త భిన్నంగా నిర్ణయించవచ్చు.
Related News
సాధారణంగా బ్యాంకులు బంగారం మార్కెట్ విలువలో 75% వరకు మాత్రమే లోన్ ఇస్తాయి. ఉదాహరణకి మీరు కలిగి ఉన్న బంగారం విలువ లక్ష రూపాయలు అయితే, బ్యాంకు మీకు దాని మీద రూ.75,000 వరకు రుణం ఇస్తుంది. ఇది గోల్డ్ విలువ, క్యారెట్ శుద్ధతపై ఆధారపడి ఉంటుంది.
ప్రస్తుతం గోల్డ్ లోన్ ఇంట్రెస్ట్ రేట్లు సుమారు 8% నుండి ప్రారంభమై, కొన్ని సందర్భాల్లో 24% వరకు ఉండొచ్చు. అలాగే, గోల్డ్ లోన్ తీసుకునేటప్పుడు ప్రాసెసింగ్ ఫీజులు కూడా చెల్లించాల్సి ఉంటుంది. కొన్నిసార్లు ఇది ఫిక్స్‌డ్ ఫీజు, మరికొన్నిసార్లు లోన్ మొత్తానికి ప్రోపోషన్‌లో తీసుకుంటారు.
ఇప్పుడు కీలకమైన విషయం. మీ దగ్గర 10 గ్రాముల బంగారం ఉంటే, దాని మీద ఎంత వరకు లోన్ వస్తుందో తెలుసుకుందాం. మీరు 24 క్యారెట్ల బంగారం కలిగి ఉంటే, 10 గ్రాములపై సుమారు రూ.60,700 వరకు లోన్ పొందవచ్చు. ఇదే 22 క్యారెట్ల బంగారం అయితే, సుమారు రూ.55,640 వరకు లోన్ వస్తుంది.
ఇంకా మీ దగ్గర 20 క్యారెట్ల బంగారం ఉంటే, దాని మీద సుమారు రూ.45,120 వరకు రుణం పొందగలరు. ఇక 18 క్యారెట్ల బంగారం ఉన్నవారికి సుమారు రూ.25,290 వరకు మాత్రమే లోన్ వస్తుంది. అయితే ఇవి బ్యాంకులు మరియు ఫైనాన్స్ కంపెనీల పాలసీలపై ఆధారపడి కొన్ని మార్పులు ఉండొచ్చు.
ప్రత్యేకంగా ప్రైవేట్ ఫైనాన్స్ కంపెనీలు కొంత ఎక్కువ మొత్తంలో లోన్ ఇచ్చే అవకాశం ఉంటుంది. కానీ అక్కడ ఇంట్రెస్ట్ రేట్లు కాస్త ఎక్కువ ఉండొచ్చు. అలాగే పలు చార్జీలు కూడా తీసుకుంటారు. అందుకే గోల్డ్ లోన్ తీసుకునే ముందు అన్ని షరతులు బాగా చదవాలి.
మరొక ముఖ్యమైన విషయం ఏమిటంటే, గోల్డ్ లోన్ తీసుకున్న తరువాత, సమయానికి ఫుల్ పేమెంట్ చేయకపోతే, బ్యాంకులు మీ బంగారాన్ని వేలం వేసే అవకాశం ఉంటుంది. అందుకే గోల్డ్ లోన్ తీసుకున్న తర్వాత రిపేమెంట్ షెడ్యూల్‌ని పాటించడం చాలా అవసరం. ఆలస్యం అయితే ఫైన్ కూడా వసూలు చేయొచ్చు.
ఇంకా గమనించాల్సింది ఏమంటే, చాలా బ్యాంకులు ఫ్లెక్సిబుల్ రీపేమెంట్ ఆప్షన్లు అందిస్తున్నాయి. అంటే, మీరు కావాలంటే మొత్తం టెర్మ్‌లో చివర్లో పూర్తి మొత్తం చెల్లించొచ్చు. లేకుండా నెలనెలా ఇంట్రెస్ట్ మాత్రమే చెల్లిస్తూ, చివరికి మొత్తం రుణం క్లియర్ చేయొచ్చు.
ఇప్పుడు మార్కెట్లో బంగారం ధర పెరిగిన కారణంగా గోల్డ్ లోన్ పై వచ్చే మొత్తాలు కూడా కాస్త పెరిగాయి. కానీ ఇది స్థిరంగా ఉండదని గుర్తుపెట్టుకోవాలి. బంగారం ధరలు పడిపోయినప్పుడు, బ్యాంకులు కూడా తక్కువ మొత్తాన్ని మాత్రమే ఆఫర్ చేస్తాయి. అందుకే మంచి టైమ్‌లో గోల్డ్ లోన్ తీసుకోవడం మేలైనదిగా చెప్పొచ్చు.
ఇంకొక విషయాన్ని తెలుసుకోవాలి. గోల్డ్ లోన్ తీసుకున్నప్పుడు డాక్యుమెంటేషన్ చాలా సింపుల్ ఉంటుంది. సాధారణంగా ఐడీ ప్రూఫ్, అడ్రస్ ప్రూఫ్ చూపిస్తే సరిపోతుంది. కొన్నిసార్లు గోల్డ్ అసెస్‌మెంట్ కూడా జరుగుతుంది. కానీ ఇది త్వరగా పూర్తవుతుంది.
ఈ నేపథ్యంలో చూస్తే, మీ వద్ద ఉన్న బంగారం ద్వారా అత్యవసర అవసరాల్ని సులభంగా తీర్చుకోవచ్చు. బ్యాంకులు, ఫైనాన్స్ కంపెనీలు గోల్డ్ లోన్ ప్రక్రియను చాలా ఈజీగా మార్చినాయి. కనుక డబ్బు తక్షణమే అవసరమైతే బంగారం ఉపయోగించుకోవడం ఉత్తమమైన మార్గం.
మొత్తానికి, తులం బంగారం మీద ఏ బ్యాంకు ఎంత వరకు లోన్ ఇస్తుందో ముందుగా తెలుసుకుని, అన్ని షరతులు చదివి, ఇంట్రెస్ట్ రేట్లు, ప్రాసెసింగ్ ఫీజులు పోల్చుకుని, మీకు అనువైన ప్లాన్ ఎంచుకోవాలి. అప్పుడే ఆపద సమయాల్లో బంగారం నిజమైన బంగారంగా మారుతుంది.
