ఈ మధ్య బంగారం ధరలు గాల్లో దూసుకెళ్లిన సంగతి తెలిసిందే. ఒకప్పటి ధరలు కంటే ఇప్పుడు బంగారం కొనడం చాలా కష్టం అయింది. కానీ ఇప్పుడు ఒక్కసారి ధరలు భారీగా పడిపోయాయి. నిపుణుల ప్రకారం… ఇదే సరైన టైమ్ అని అంటున్నారు. ఎందుకంటే గత వారం రోజుల్లో బంగారం ధరలు క్రమంగా తగ్గుతూ వస్తున్నాయి.
అట్టడుగు స్థాయికి తగ్గకపోయినా, ఇదివరకటి ధరలతో పోలిస్తే ఈ తగ్గుదల పెద్ద విషయం. భవిష్యత్తులో మళ్లీ ఇలాంటి తగ్గుదల వస్తుందా అనేది అనిశ్చితం. అందుకే ఈ అవకాశాన్ని మిస్సవకుండా వినియోగించుకోవాలంటూ పలు మార్కెట్ నిపుణులు సూచిస్తున్నారు.
ఈ రోజు మే 3వ తేదీ. హైదరాబాద్ నగరంలో ఈ రోజు 24 క్యారెట్ల బంగారం 1 గ్రాముకు రూ.9,551గా ఉంది. అదే 22 క్యారెట్ల బంగారం ధర రూ.8,755గా ఉంది. ఇవి గత వారం తేడాతో చూస్తే.. గణనీయంగా తగ్గిన ధరలు. ఆదివారం నుంచే ధరలు క్రమంగా తగ్గుతూ వస్తున్నాయి.
Related News
అంటే 24 క్యారెట్ల బంగారం 1 గ్రాము ధర రూ.267 తగ్గింది. 10 గ్రాములకైతే ఇది రూ.2,670 తగ్గినట్లే. అదే 22 క్యారెట్ల బంగారం అయితే 1 గ్రాము రూ.245 తగ్గింది. 10 గ్రాములకు ఇది రూ.2,450 తగ్గిందన్నమాట.
ఈ తగ్గుదలే కాక, గత 10 రోజులు చూస్తే మరింత ఆశ్చర్యం కలుగుతుంది. ఏప్రిల్ 24న 24 క్యారెట్ల బంగారం 10 గ్రాములు ధర రూ.1,01,350 ఉండగా.. మే 3కి అది రూ.95,510కి వచ్చింది. అంటే రూ.5,840 తగ్గింది. అదే 22 క్యారెట్ల బంగారం ఏప్రిల్ 24న రూ.92,910 ఉండగా.. ఇప్పుడు రూ.87,550కి చేరింది. అంటే రూ.5,360 తగ్గినట్టే. ఇది చిన్న విషయం కాదని మార్కెట్ విశ్లేషకులు చెబుతున్నారు. ఈ స్థాయిలో తగ్గుదల చాలా అరుదుగా కనిపిస్తుంది.
ఇది అందరూ అక్షయ తృతీయ కోసం వేచిచూస్తున్న టైమ్. కానీ కొంతమంది ఈసారి ఆ రోజును మిస్సవుతున్నారు. మీరు కూడా అదే ఆలోచనలో ఉంటే, మంచి నిర్ణయం తీసుకున్నట్లే. ఎందుకంటే 1 గ్రాము బంగారుతో కూడా చక్కని నగలు కొనగలుగుతారు. పెద్దగా ఖర్చు చేయకుండానే అందంగా కనిపించే జువెలరీని ఎంచుకోవచ్చు.
ఒక గ్రాము బంగారుతో ఎలాంటి నగలు వస్తాయో తెలుసా?
ముక్కుపుడక, చెవిపోగులు (దుద్దులు), చిన్న ఉంగరాలు వంటివి తీసుకోవచ్చు. ఇవి సన్నగా ఉంటాయి. అయినా ఆకర్షణీయంగా కనిపిస్తాయి. దీనితో పాటు ఇవి చైన్ స్నాచింగ్‌కు గురికాకుండా ఉండే అవకాశం ఎక్కువగా ఉంటుంది. అలాగే ఇవి పోయినా మనకు పెద్ద నష్టం ఉండదు. ఎందుకంటే వెయ్యి పదివేల రేంజ్‌లో ఉండే వీటిని తిరిగి తిరిగించగలుగుతాం.
ఒక గ్రాము ఉంగరం కొనాలంటే 22 క్యారెట్ల ధర ప్రకారం రూ.8,755 బంగారం ఖర్చవుతుంది. దీని మీద మేకింగ్ ఛార్జీలు ఉంటాయి. షాపు బట్టీ ఇది రూ.500 నుంచి రూ.1000 మధ్య ఉండొచ్చు. అలాగే 3 శాతం GST చెల్లించాలి. మొత్తంగా చూస్తే మీకు కనీసం రూ.10,000 అవసరం అవుతుంది.
అదే విధంగా చెవిపోగులు కొనాలంటే కూడా వాటికి రెండు భాగాల మేకింగ్ ఛార్జీలు ఉంటాయి. ఇవి కూడా రూ.10వేల లోపలే వస్తాయి. మరీ ఆకర్షణీయమైన డిజైన్‌ అయితే మేకింగ్ ఛార్జీలు ఎక్కువగా ఉండొచ్చు.
ముక్కుపుడకలు అయితే అర గ్రాములో కూడా లభిస్తాయి. అప్పుడు బంగారం ధర సుమారు రూ.4,378 ఉంటుంది. అటు మేకింగ్ ఛార్జీలు కూడా తక్కువగా ఉంటాయి. ఇది సింపుల్ గా తయారవుతుంది కాబట్టి ₹300 నుంచి ₹700 లోపల మేకింగ్ ఛార్జీలు ఉండొచ్చు.
ఆపై 3 శాతం జీఎస్టీ కూడా కలిపితే మొత్తం ఖర్చు రూ.5,000 దాకా అవొచ్చు. అలాగే ఒక గ్రాము ముక్కుపుడక అయితే దాని ధర కూడా రూ.10వేల లోపలే వస్తుంది.
ఇక్కడ ఒక్క విషయం తప్పకుండా గుర్తుంచుకోవాలి. బంగారం ధర దేశవ్యాప్తంగా సేమ్‌గానే ఉంటుంది. కానీ ప్రతి షాపులో మేకింగ్ ఛార్జీలు మాత్రం భిన్నంగా ఉంటాయి. కొన్ని షాపులు అధికంగా వసూలు చేస్తారు. అందుకే తొందరపడకండి.
ముందుగా మీరు నాలుగు షాపుల్లోకి వెళ్లి, ఒక్కొక్కదాని దగ్గర 1 గ్రాము ఉంగరానికి లేదా చెవిపోగులకు ఎస్టిమేషన్ స్లిప్ తీసుకోండి. వాటిని ఒకసారి పోల్చి చూసి, ఎక్కడ తక్కువ ధర వస్తుందో తెలుసుకుని, అక్కడ బేరమాడి కొనండి. ఇలా ముందుగానే ప్లాన్ చేస్తే, మీరు ఎక్కువ ధనాన్ని ఆదా చేసుకోవచ్చు.
ఇలా చూస్తే.. బంగారం ధరలు తగ్గిన ఈ టైమ్‌లో, చిన్ననాటి డ్రీమ్ అయిన బంగారు నగలను కొందరు సాకారం చేసుకోవచ్చు. 1 గ్రాముతో కూడా ఒక మంచి జ్యూవెలరీ తీసుకుని, మన డైలీ లుక్‌ను మరింత అందంగా మార్చుకోవచ్చు. పైగా భవిష్యత్తులో బంగారం ధరలు మళ్లీ పెరిగే అవకాశం ఉన్నందున, ఇప్పుడు తీసుకున్న బంగారం విలువ పెరుగుతుంది. అంటే ఇది షాపింగ్ కాదు, ఒక రకమైన పెట్టుబడి కూడా.
కాబట్టి మీరు బంగారం కొనాలనుకుంటే, ఈ తగ్గిన టైమ్‌ను వదిలిపెట్టకండి. ఈ ధరలు మళ్లీ రావొచ్చు, రాకపోవొచ్చు. అయితే ఇప్పుడు దక్కిన అవకాశం గోల్డ్ లవర్స్‌కు గొప్ప గిఫ్ట్ అని చెప్పాలి. ఇక ఆలస్యం చేయకండీ… 1 గ్రాముతో మొదలు పెట్టండి!
