UPI IDకు శుభం కార్డు పడనుందా?
మీ బ్యాంక్ ఖాతాకు లింక్ అయిన మొబైల్ నంబర్ ఎక్కువ రోజులు యాక్టివ్ లేకపోతే, మీ UPI ID ఆటోమేటిక్‌గా డీ-ఆక్టివేట్ అవుతుంది. NPCI కొత్త నిబంధనల ప్రకారం, UPI సేవలను ఉపయోగించడానికి మీ రిజిస్టర్డ్ మొబైల్ నంబర్ యాక్టివ్‌గా ఉండాలి.
ATM నుంచి ఎక్కువ సార్లు డబ్బు తీసుకుంటే ఛార్జీలు పెరుగుతాయి
ఇప్పటి వరకూ ప్రతి బ్యాంకు ATM నుంచి నెలకు 5 సార్లు ఉచితంగా డబ్బు తీసుకునే అవకాశం ఉండేది. కానీ ఇప్పటి నుంచి ఉచిత లావాదేవీలను 3 సార్లకే పరిమితం చేశారు. ఆ తర్వాత ప్రతి లావాదేవీకి ₹20-₹25 వరకు అదనపు ఛార్జీలు చెల్లించాల్సి ఉంటుంది. కాబట్టి ATMకి వెళ్లేముందు ముందుగానే ప్లాన్ చేసుకోండి, లేదంటే అనవసరంగా మీ డబ్బు కోతకు గురవుతుంది.
బ్యాంకుల్లో మినిమం బ్యాలెన్స్ మారింది
SBI, PNB, Canara Bank వంటి ప్రముఖ బ్యాంకులు మినిమం బ్యాలెన్స్ నిబంధనలను అప్డేట్ చేశాయి. మీ ఖాతా నగర, పట్టణ, గ్రామీణ ప్రాంతాల్లో ఉండటాన్ని బట్టి మినిమం బ్యాలెన్స్ పరిమితులు మారతాయి. తగినంత బ్యాలెన్స్ ఉంచకపోతే, జరిమానాలు విధిస్తారు.
Related News
చెక్కుల కోసం కొత్త Positive Pay System (PPS)
₹5,000 కంటే ఎక్కువ మొత్తానికి చెక్కులు ఇస్తే, PPS ద్వారా అవును చెప్పాలి. చెక్కు నంబర్, తేదీ, లబ్ధిదారు పేరు, మొత్తం వంటి వివరాలను అమౌంట్ కట్ అవ్వడానికి ముందే వెరిఫై చేయాలి. ఇది మోసాలను తగ్గించడానికే తీసుకొచ్చిన కొత్త రూల్.
డిజిటల్ బ్యాంకింగ్ మరింత సురక్షితం
బ్యాంకులు తాజా టెక్నాలజీని ఉపయోగించి కొత్త మార్పులు తీసుకువస్తున్నాయి. AI ఆధారిత చాట్‌బాట్‌లు, బయోమెట్రిక్ వెరిఫికేషన్, రెండు స్థాయిల ధృవీకరణ (2FA) లాంటి సెక్యూరిటీ ఫీచర్లు మరింత బలంగా అమలు కానున్నాయి.
FD వడ్డీ రేట్లలో కొత్త విధానం
ఇప్పటి వరకూ FDపై వడ్డీ రేట్లు స్థిరంగా ఉండేవి, కానీ ఇకపై మీరు జమ చేసే మొత్తాన్ని బట్టి వడ్డీ రేట్లు మారిపోతాయి. అధిక మొత్తం డిపాజిట్ చేసేవారికి ఎక్కువ వడ్డీ లభించనుంది. కాబట్టి FD పెట్టేముందు బ్యాంక్ రూల్స్ గమనించి నిర్ణయం తీసుకోవాలి.
Vistara క్రెడిట్ కార్డు ప్రయోజనాలు తగ్గిపోయాయి
SBI & IDFC First బ్యాంక్‌ల ద్వారా ఇచ్చిన Vistara క్రెడిట్ కార్డులపై ఫ్రీ టికెట్ వోచర్లు, రిన్యువల్ బెనిఫిట్స్, మైలేజ్ రివార్డ్స్ రద్దయ్యాయి. ఏప్రిల్ 18 నుంచి యాక్సిస్ బ్యాంక్ కూడా ఇదే మార్పులను అమలు చేయనుంది.
ఇప్పుడు ఏం చేయాలి?
మీ బ్యాంక్ కొత్త రూల్స్‌పై అప్డేట్ అవ్వండి. ATM ఉపసంహరణలు కచ్చితంగా లెక్కించుకొని చేసుకోండి. మీ బ్యాంక్ ఖాతాలో మినిమం బ్యాలెన్స్ ఉంచండి. UPI ID యాక్టివ్‌గా ఉంచుకునేందుకు రిజిస్టర్డ్ మొబైల్ నంబర్ యూజ్ చేయండి. FD పెట్టేముందు వడ్డీ రేట్ల మార్పులను గమనించండి.
ఈ మార్పులు మీ ఆర్థిక జీవితాన్ని ప్రభావితం చేస్తాయి, కాబట్టి ఇప్పుడు నుంచే జాగ్రత్తలు తీసుకోండి.
