ఈ రోజుల్లో చాలా మంది భవిష్యత్తు కోసం కొంత డబ్బును పొదుపుగా ఉంచాలని చూస్తున్నారు. అయితే భద్రత ఉన్న స్కీమ్ ఎంచుకోవాలంటే పోస్ట్ ఆఫీస్ నడుపుతున్న పథకాలపై నమ్మకంగా వెళ్ళవచ్చు. ప్రభుత్వ హామీతో నడిచే ఈ స్కీములు డబ్బు భద్రంగా ఉండేలా చూస్తాయి. అంతేకాదు మంచి వడ్డీ కూడా లభిస్తుంది. అలాంటి పథకాలలో ఒకటి కిసాన్ వికాస్ పత్ర (KVP).
ఈ పథకం ప్రత్యేకత ఏమిటంటే, మీరు పెట్టిన డబ్బు కేవలం 115 నెలల్లో డబుల్ అవుతుంది. అంటే దాదాపు 9 సంవత్సరాలు 7 నెలల్లో మీ పెట్టుబడి రెట్టింపు అవుతుంది. దీనికి ఇప్పుడు ప్రజల నుంచి విపరీతమైన స్పందన వస్తోంది.
ఈ పథకంలో భాగస్వామ్యం కావాలంటే పెద్ద మొత్తాలు అవసరం లేదు. కేవలం ₹1,000 నుంచే ప్రారంభించవచ్చు. మీరు మీ భవిష్యత్తు అవసరాల కోసం నెలకు కొంత సొమ్ము పొదుపు చేస్తూ ఉంటే, ఈ స్కీమ్ మీకు బాగా సరిపోతుంది. ముఖ్యంగా సురక్షిత పెట్టుబడిని కోరుకునే వారికి ఇది అద్భుతమైన అవకాశంగా మారుతుంది. ఈ పథకం మీద ప్రభుత్వం నేరుగా హామీ ఇస్తుంది. మీరు పెట్టిన డబ్బు ఎలాంటి ప్రమాదాల్లో పడదని నమ్మకంగా చెప్పగలుగుతుంది. ఈ పథకంలో గరిష్ఠ పెట్టుబడికి ఎటువంటి పరిమితి లేదు. మీ దగ్గర ఎంత సొమ్ము ఉన్నా అంతా పెట్టవచ్చు.
[news_related_post]ప్రస్తుతం ఈ పథకంలో 7.5 శాతం వార్షిక వడ్డీ లభిస్తోంది. ఈ వడ్డీ ప్రతి సంవత్సరం లెక్కించి, మీ అసలు మొత్తం మీద జతచేయబడుతుంది. దీన్ని కంపౌండ్ ఇంటరెస్ట్ అంటారు. వడ్డీ మీద కూడా వడ్డీ లభించే విధంగా ఇది పనిచేస్తుంది. అందుకే ఇది పెట్టుబడి రెట్టింపు అయ్యేలా చేస్తుంది. పూర్తి వ్యవధి 115 నెలలు. అంటే దాదాపు 9 సంవత్సరాలు 7 నెలలు. ఈ సమయంలో, మీరు పెట్టిన మొత్తం అక్షరాలా రెట్టింపు అవుతుంది. మీరు ₹1 లక్ష పెట్టినట్లయితే, 115 నెలల తర్వాత ₹2 లక్షలుగా మారుతుంది. అదే ₹5 లక్షలు పెట్టినట్లయితే, దానివల్ల ₹10 లక్షలు వస్తాయి. ఈ స్కీమ్‌లో మీరు ఒకటి కాదు, రెండు కాదు…ఎన్ని ఖాతాలైనా ఓపెన్ చేయొచ్చు. ఒకే వ్యక్తి తన పేరుతో ఎక్కువ ఖాతాలు తెరవొచ్చు. మిత్రులు లేదా కుటుంబ సభ్యులతో కలిసి జాయింట్ అకౌంట్ కూడా ప్రారంభించవచ్చు. దీంట్లో 10 ఏళ్లు పైబడిన పిల్లల పేరుతో కూడా ఖాతా ఓపెన్ చేయడం సాధ్యమే.
ఒకవేళ మీరు ₹1,00,000 పెట్టుబడి చేసినట్లయితే, మొదటి సంవత్సరం తర్వాత మీకు ₹7,500 వడ్డీ వస్తుంది. ఇది మళ్లీ అసలు మొత్తం మీద జతవుతుంది. అప్పుడు మీ మొత్తం ₹1,07,500 అవుతుంది. రెండో సంవత్సరం మీరు ఈ మొత్తం మీద 7.5% వడ్డీ పొందుతారు, అంటే ₹8,062 వస్తుంది. మళ్లీ అది కూడా జత అయ్యే క్రమంలో, సంవత్సరం తర్వాత ₹1,15,562 అవుతుంది. ఈ విధంగా ప్రతి ఏడాది వడ్డీ మీద వడ్డీ లభిస్తూ, చివరికి ₹2 లక్షలుగా మారుతుంది. ఈ స్కీమ్‌లో భాగస్వామ్యం కావాలంటే మీకు దగ్గరలోని పోస్ట్ ఆఫీస్కు వెళ్లి దరఖాస్తు చేసుకోవాలి. ఆధార్, పాన్, ఫోటో వంటి ప్రాథమిక డాక్యుమెంట్లు అవసరం. ఒకసారి ఖాతా ఓపెన్ చేస్తే, ఇక మీ డబ్బు భద్రమే. ఈ స్కీమ్ చాలా మంది నమ్మే స్కీమ్. ఎందుకంటే ఇది సులభం, సురక్షితం మరియు స్ట్రాంగ్ రిటర్న్స్ ఇస్తుంది. మిగతా పెట్టుబడి మార్గాలతో పోలిస్తే ఇది ఎలాంటి మార్కెట్ రిస్క్‌కు గురికాకుండా, స్థిరమైన వడ్డీతో మీ డబ్బును పెంచుతుంది.
మీరు భద్రతతో పాటు మంచి లాభాన్ని కోరుకుంటున్నట్లయితే, కిసాన్ వికాస్ పత్ర పథకం ఉత్తమ ఎంపిక. ఇప్పుడు అలాంటి అవకాశాన్ని వదలకండి. ₹1 లక్ష పెట్టి ₹2 లక్షలు పొందే ఈ స్కీమ్‌ను వెంటనే దగ్గరలోని పోస్ట్ ఆఫీస్‌లో సంప్రదించి ప్రారంభించండి…
