భవిష్యత్తు కోసం సేఫ్‌గా, ట్యాక్స్ ప్రయోజనాలతో కూడిన మంచి పొదుపు ప్లాన్ వెతుకుతున్నారా? అయితే State Bank of India (SBI) ద్వారా Public Provident Fund (PPF) ఖాతా ప్రారంభించడం మీకు చాలా మంచి అవకాశం. ఇది భారతదేశంలో చాలా మంది వినియోగదారులు నమ్మిన పథకం. దీని వలన మీరు డబ్బును సురక్షితంగా పెట్టుబడి చేయవచ్చు, మంచి వడ్డీ పొందవచ్చు, ట్యాక్స్ లాభాలు కూడా పొందవచ్చు.
పీపీఎఫ్ వడ్డీ రేటు మరియు పెట్టుబడి వివరాలు
ప్రస్తుతం పీపీఎఫ్‌పై సంవత్సరానికి 7.1 శాతం వడ్డీ లభిస్తుంది. మీరు కనీసం రూ.500తో ఖాతా ప్రారంభించవచ్చు. మీరు సంవత్సరానికి గరిష్ఠంగా రూ.1.5 లక్షలు వరకు వేసే అవకాశం ఉంది. ఈ ఖాతా కాలవ్యవధి 15 సంవత్సరాలు. అయితే మీరు దీన్ని 5 సంవత్సరాల పాటు పొడిగించవచ్చు. ఇది మళ్ళీ మళ్ళీ 5 ఏళ్ల చొప్పున రెన్యూలు అవుతుంది.
ఈ పెట్టుబడి మీరు నెలకోసారి, లేదా సంవత్సరంలో ఒకసారి, మీ సౌకర్యం ప్రకారం డిపాజిట్ చేసుకోవచ్చు. ఇది చాలా సులభమైన మరియు డిసిప్లిన్‌డ్ పొదుపు మార్గం.
Related News
పీపీఎఫ్‌లో పెట్టుబడి మీద ట్యాక్స్ ప్రయోజనాలు
పీపీఎఫ్‌లో డిపాజిట్ చేసిన మొత్తం మీద మీకు సెక్షన్ 80C ప్రకారం ట్యాక్స్ డిడక్షన్ లభిస్తుంది. అంటే మీరు రూ.1.5 లక్షల వరకు పెట్టుబడి చేస్తే, అదే మొత్తాన్ని ట్యాక్స్ నుండి మినహాయించుకోవచ్చు. ఇది ఉద్యోగులు మరియు సెల్ఫ్ ఎంఫ్లాయిడ్ వ్యక్తులకి బాగా సరిపోతుంది.
మీరు డబ్బు పెడుతూ ఉండగా, మీరు వడ్డీ మీద కూడా ట్యాక్స్ చెల్లించాల్సిన అవసరం ఉండదు. అదే విధంగా మేచ్యూరిటీ మొత్తమూ ట్యాక్స్ ఫ్రీగా లభిస్తుంది.
పీపీఎఫ్‌లో డబ్బు పెడితే ఎంత లాభమొస్తుంది?
ఉదాహరణకు మీరు సంవత్సరానికి రూ.25,000 వేసినట్లయితే 15 ఏళ్లలో మీరు మొత్తం రూ.3,75,000 డిపాజిట్ చేస్తారు. దీని పై మీరు రూ.3,03,035 వడ్డీగా పొందుతారు. చివరికి మీకు రూ.6,78,035 లభిస్తుంది.
ఇంకొంచెం పెడితే, అంటే రూ.50,000 ఏడాదికి వెడితే మీరు 15 ఏళ్లలో రూ.10,06,070 పొందుతారు. దీంట్లో వడ్డీ రూ.3,03,035 ఉంటుంది. సంవత్సరానికి రూ.1 లక్ష పెట్టుబడి చేస్తే, 15 ఏళ్ల తర్వాత మీకు రూ.27,12,139 వస్తుంది. వడ్డీగా రూ.12,12,139 లభిస్తుంది. గరిష్ఠంగా ఏడాదికి రూ.1.5 లక్షలు వేస్తే, 15 ఏళ్ల తర్వాత మీ ఖాతాలో మొత్తం రూ.40,68,209 ఉంటుంది. దీంట్లో వడ్డీ మొత్తం రూ.18,18,209.
ఒక్క కోటి రూపాయలు సంపాదించాలంటే ఎంత వేయాలి?
మీ లక్ష్యం ఒక కోటి రూపాయలు అయితే, మీరు సంవత్సరానికి రూ.1.5 లక్షలు వేసేలా 25 ఏళ్ల పాటు కొనసాగిస్తే సరి. అంటే 15 సంవత్సరాల మెయిన్ పీరియడ్ తర్వాత 5 + 5 సంవత్సరాల పొడిగింపు ఉపయోగించాలి. ఈ 25 సంవత్సరాల్లో మీరు మొత్తం రూ.37,50,000 వేస్తారు. దీని మీద మీరు రూ.1,03,08,015 పొందుతారు. అంటే రూ.65,58,015 వడ్డీ లభిస్తుంది. ఇది పూర్తిగా ట్యాక్స్ ఫ్రీ.
ఎస్బీఐలో పీపీఎఫ్ ఖాతా ఎలా ప్రారంభించాలి?
మీరు ఎస్బీఐ కస్టమర్ అయితే ఇంటర్నెట్ బ్యాంకింగ్ ద్వారా పీపీఎఫ్ ఖాతా సులభంగా ప్రారంభించవచ్చు. ఎస్బీఐ నెట్ బ్యాంకింగ్‌లో లాగిన్ అయ్యాక ‘Requests & Enquiries’ సెక్షన్‌లోకి వెళ్లి ‘New PPF Account’ సెలెక్ట్ చేయండి. వివరాలు భర్తీ చేసి నెట్ బ్యాంకింగ్ ద్వారా డిపాజిట్ చేయండి. అంతే ఖాతా ఓపెన్ అయిపోతుంది.
మీకు ఎస్బీఐ ఖాతా లేకపోతే, మీ దగ్గరనున్న ఎస్బీఐ బ్రాంచ్‌కి వెళ్లండి. పీపీఎఫ్ ఖాతా ఫారమ్ తీసుకుని పూర్తి చేసి, గుర్తింపు కార్డు, అడ్రస్ ప్రూఫ్, ఫోటో ఇవ్వాలి. కనీసం రూ.500 డిపాజిట్ చేసి మీ పాస్‌బుక్ లేదా డిజిటల్ స్టేట్‌మెంట్ పొందొచ్చు.
ఇది ఎందుకు వదలకూడదు?
ఎప్పుడూ సేఫ్ పెట్టుబడులకే ప్రాధాన్యం ఇస్తే, పీపీఎఫ్ ఖాతా మీకు పర్ఫెక్ట్. చిన్నగా మొదలు పెట్టినా, దీర్ఘకాలానికి ఇది పెద్ద మొత్తాన్ని తేవచ్చు. ముఖ్యంగా ట్యాక్స్ ప్రయోజనాలు, ప్రభుత్వ భరోసా, వడ్డీ రేటు అన్నింటినీ పరిగణనలోకి తీసుకుంటే ఇది మిస్ అవ్వకూడదు.
ఇప్పుడు ప్రారంభిస్తేనే భవిష్యత్తులో కోటితో మీ కలలు నెరవేరుతాయి. ఆలస్యం చేస్తే అవకాశం చేజారిపోతుంది. కనీసం రూ.500తో స్టార్ట్ చేయండి, ఒక పెద్ద లక్ష్యానికి దారి తీసే మొదటి అడుగు వేసినవారవుతారు.
గమనిక
ఈ సమాచారం ప్రస్తుత వడ్డీ రేట్ల ఆధారంగా ఇచ్చబడింది. భవిష్యత్తులో మార్పులు రావచ్చు. పెట్టుబడి నిర్ణయం తీసుకునే ముందు ఫైనాన్షియల్ అడ్వైజర్‌ను సంప్రదించడం మంచిది.
మీకు ఈ సమాచారం ఉపయోగపడిందా?
