TS Inter Supply 2025 Results: ఇంటర్ సప్లిమెంటరీ ఫలితాలు విడుదల

ఇంటర్ బోర్డు ఈ మేరకు సోమవారం ఫలితాలను విడుదల చేస్తుందని ఇప్పటికే ఒక ప్రకటన విడుదల చేసింది. ఫలితాలను అధికారిక వెబ్‌సైట్‌లైన tgbie.cgg.gov.in మరియు results.cgg.gov.in లలో సోమవారం మధ్యాహ్నం 12 గంటలకు నేరుగా విడుదల చేయనున్నారు. విద్యార్థుల మార్కుల వివరాలు అందుబాటులో ఉంటాయని ఇంటర్మీడియట్ బోర్డు అధికారులు ఒక ప్రకటనలో తెలిపారు. పరీక్షలు రాసిన విద్యార్థులు తమ హాల్ టికెట్ నంబర్‌ను నమోదు చేయడం ద్వారా వారి మార్కుల మెమోలను డౌన్‌లోడ్ చేసుకోవచ్చు.

ఇదిలా ఉండగా, ఈ సంవత్సరం రాష్ట్రవ్యాప్తంగా మొత్తం 4,12,724 మంది విద్యార్థులు దరఖాస్తు చేసుకున్నారు. ఇందులో మొదటి సంవత్సరం జనరల్ విభాగానికి 2,49,204 మంది విద్యార్థులు, ఒకేషనల్ విభాగానికి 17,003 మంది విద్యార్థులు, రెండవ సంవత్సరం జనరల్ విభాగానికి 1,34,988 మంది విద్యార్థులు, పరీక్షలకు 12,402 మంది విద్యార్థులు దరఖాస్తు చేసుకున్నారు. ఈ పరీక్షలు మే 22 నుండి మే 29 వరకు రోజుకు రెండు దశల్లో జరిగాయి. ఏప్రిల్ 22న రెగ్యులర్ ఫలితాలు విడుదలైన విషయం తెలిసిందే.

[news_related_post]

మరోవైపు, రాష్ట్రంలో EAPSET, JEE, NEET పరీక్షల ఫలితాలు ఇప్పటికే విడుదలయ్యాయి. ఆయా కోర్సుల్లో ప్రవేశాలకు ఇంటర్ మార్కులు కీలకం కావడంతో, విద్యార్థులు ఫలితాల కోసం ఆసక్తిగా ఎదురుచూస్తున్నారు. ముఖ్యంగా ఇంజనీరింగ్ కౌన్సెలింగ్ ప్రక్రియకు సంబంధించి, ఇప్పటికే ప్రకటన వెలువడింది. జూలై మొదటి వారంలో ఇంజనీరింగ్ కౌన్సెలింగ్ షెడ్యూల్ విడుదల కానుంది. ఈసారి ఆగస్టు 14 నాటికి సీట్ల భర్తీ ప్రక్రియ పూర్తయ్యే అవకాశం ఉందని సమాచారం.