Vivo తన కొత్త T4 ఫోన్‌తో యూత్‌ను టార్గెట్ చేస్తోంది. దీని డిజైన్, బ్యాటరీ లైఫ్‌తో పాటు, కొన్ని అప్‌గ్రేడెడ్ ఫీచర్లు కూడా ఆకట్టుకుంటున్నాయి. iQOO Z10తో పోలిస్తే ఇది చాలా వరకు దగ్గరగా ఉంటుంది, కానీ కొన్ని ప్రత్యేకతలతో ప్రత్యేకంగా నిలుస్తోంది.
డిజైన్ & డిస్‌ప్లే
Vivo X200 సిరీస్ నుంచి ఇన్‌స్పిరేషన్ తీసుకున్న ఈ ఫోన్ డిజైన్ సాటిలేని అందాన్ని కలిగి ఉంది. మేము రివ్యూకు ఉపయోగించిన Phantom Grey వేరియంట్ సాటిన్‌ ఫినిష్‌తో ప్రీమియంగా అనిపించింది. ఇప్పుడు ఇది IP65 రేటింగ్‌తో డస్ట్, వాటర్ రెసిస్టెంట్‌గా ఉంది – ఇది గత T3 లో ఉన్న IP54 కన్నా మెరుగైంది.
6.7-అంగుళాల 120Hz AMOLED ప్యానెల్‌కి నాలుగు వైపులా కర్వ్‌ ఉన్న గ్లాస్ డిజైన్ అదనపు ఆకర్షణగా నిలుస్తోంది. ఫోన్ స్లిమ్‌గా కనిపించేలా చేస్తుంది. కేవలం 7.89mm మందంతోనే 7,300mAh భారీ బ్యాటరీ ఫిట్ చేయగలగడం Vivo స్టైలింగ్‌కు మరో బెస్ట్ ప్లస్ పాయింట్.
[news_related_post]కెమెరా
50MP సోనీ IMX882 ప్రైమరీ కెమెరా (OIS సపోర్ట్‌తో) తో పాటు 2MP డెప్త్ కెమెరా మాత్రమే ఉంది – అంటే రియల్‌గా ఒకే కెమెరా యూజర్‌కు యాక్సెస్. సెల్ఫీ కెమెరా మాత్రం 32MPకి అప్‌గ్రేడ్ అయింది – గత T3లో ఇది 16MP మాత్రమే.
ప్రొసెసర్ & పెర్ఫార్మెన్స్
Snapdragon 7s Gen3 ప్రాసెసర్‌తో వస్తున్న Vivo T4, మెరుగైన పనితీరు అందించేలా ఉంది. 12GB LPDDR4X RAM + 512GB UFS 2.2 స్టోరేజ్ వరకు అందుబాటులో ఉంది. మైక్రో SD కార్డ్ కోసం స్పేస్ లేదు, కానీ డ్యూయల్ నానో సిమ్ సపోర్ట్ ఉంది.
స్పీకర్, సాఫ్ట్‌వేర్, బ్యాటరీ
ప్లస్ పాయింట్: 7,300mAh సిలికాన్ కార్బన్ బ్యాటరీ 90W ఫాస్ట్ ఛార్జింగ్‌తో వస్తోంది – ఇది గత మోడల్ కన్నా భారీ అప్‌గ్రేడ్.
మైనస్ పాయింట్: Vivo T3లో ఉన్న స్టీరియో స్పీకర్లు తొలగించి, Vivo T4లో సింగిల్ స్పీకర్ మాత్రమే ఇవ్వడం కొంత నిరాశ కలిగిస్తోంది.
సాఫ్ట్‌వేర్
Android 15పై ఆధారపడి Vivo Funtouch OS 15తో వస్తోంది. ఇందులో పలు AI ఆధారిత ఫీచర్లు కూడా ఉన్నాయి.
మొత్తంగా చెప్పాలంటే
Vivo T4 డిజైన్, బ్యాటరీ, కెమెరా ఫ్రంట్‌లో బాగానే ఆకట్టుకుంటోంది. కానీ స్పీకర్ లాగి కొన్ని చోట్ల డౌన్‌గ్రేడ్ ఉంది. మీరు ఈ ఫోన్ కొనాలని చూస్తుంటే, ఫుల్ రివ్యూకు వెయిట్ చేయడం మంచిది – అది మార్కెట్లోని ఇతర ఫోన్లతో పోల్చి క్లియర్ పిక్చర్ ఇస్తుంది.
ఫోన్ లుక్ & ఫీచర్లు మీకు నచ్చాయా? లేక Nothing Phone 3a కే మీ ఓటు? కామెంట్లో చెప్పండి
