ఆంధ్రప్రదేశ్‌లో వాయువ్య దిశ నుండి గాలులు వీస్తున్నాయని పేర్కొన్నారు. ఫలితంగా, రాబోయే మూడు రోజులు రాష్ట్రంలో అధిక ఉష్ణోగ్రతలు నమోదవుతాయి. గురువారం మరియు శుక్రవారం ఆంధ్రప్రదేశ్‌లో పొడి వాతావరణం ఉండే అవకాశం ఉంది. గరిష్ట ఉష్ణోగ్రతలు సాధారణం కంటే 2 నుండి 4 డిగ్రీల సెల్సియస్ ఎక్కువగా నమోదయ్యే అవకాశం ఉంది. శనివారం పొడి వాతావరణం ఉండే అవకాశం ఉంది. గరిష్ట ఉష్ణోగ్రతలు సాధారణం కంటే 2 నుండి 3 డిగ్రీల సెల్సియస్ ఎక్కువగా నమోదయ్యే అవకాశం ఉంది. ఇదిలా ఉండగా, తెలంగాణలో సాధారణం కంటే ఉష్ణోగ్రతలు ఎక్కువగా నమోదవుతున్నాయి. ముఖ్యంగా ఖమ్మం మరియు హనుమకొండలో ఎండలు మండిపోతున్నాయి. ఖమ్మంలో ఉష్ణోగ్రతలు 40 డిగ్రీలకు దగ్గరగా చేరే అవకాశం ఉంది. హైదరాబాద్‌లో కూడా ఎండలు 37 డిగ్రీలను దాటుతున్నాయి. మార్చిలోనే తెలుగు రాష్ట్రాలు 125 సంవత్సరాల తర్వాత రికార్డు ఉష్ణోగ్రతలు నమోదు చేయడం ఆందోళన కలిగిస్తోంది. ఉదయం 11 గంటల నుండి మధ్యాహ్నం 3 గంటల మధ్య తీవ్రత ఎక్కువగా ఉంటుందని, ప్రజలు జాగ్రత్తలు తీసుకోవాలని అధికారులు చెబుతున్నారు.