ఈరోజు అంటే గురువారం తెలంగాణలోని పలు జిల్లాల్లో భారీ వర్షాలు కురిసే అవకాశం ఉందని Hyderabad వాతావరణ శాఖ అధికారులు అంచనా వేస్తున్నారు. నైరుతి రుతుపవనాలతో పాటు ద్రోణి ప్రభావంతో తెలంగాణలోని కొన్ని జిల్లాల్లో ఈరోజు భారీ వర్షాలు కురుస్తాయని వాతావరణ శాఖ తెలిపింది. ఈ క్రమంలో ఇవాళ తెలంగాణలోని పలు జిల్లాలకు అధికారులు ఎల్లో అలర్ట్ ప్రకటించారు. జయశంకర్ భూపాలపల్లి, ములుగు, కుమురంభీం ఆసిఫాబాద్, మంచిర్యాల, భద్రాద్రి కొత్తగూడెం, హనుమకొండ, జనగామ, సిద్దిపేట, ఖమ్మం, వరంగల్, మేడ్చల్ మల్కాజిగిరి, మెదక్, కామారెడ్డి జిల్లాల్లో భారీ వర్షాలు కురిసే అవకాశం ఉందని వాతావరణ శాఖ అధికారులు హెచ్చరిస్తూ, ఎల్లో అలర్ట్ ప్రకటించారు. ఆ జిల్లాలు.

ఇక ఈరోజు అంటే గురువారం ఉదయం నుంచి హైదరాబాద్‌లో వాతావరణం మేఘావృతమై ఉంది. కొన్ని చోట్ల సన్నగా చినుకులు కురుస్తున్నాయి. ఈ క్రమంలో మధ్యాహ్నం, సాయంత్రం నగరంలో భారీ వర్షం కురిసే అవకాశం ఉంది. ఈ క్రమంలో నగరవాసులు జాగ్రత్తగా ఉండాలని, వర్షాల సమయంలో అవసరమైతే మాత్రమే బయటకు రావాలని హెచ్చరిస్తున్నారు.

అలాగే, Andhra Pradesh లో కూడా రానున్న రెండు రోజులు భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఉపరితల ఆవర్తనం, నైరుతి రుతుపవనాల ప్రభావంతో ఏపీలోని పలు ప్రాంతాల్లో నేడు అంటే గురు, శుక్రవారాల్లో భారీ వర్షాలు కురిసే అవకాశం ఉంది. కోస్తాలో భారీ వర్షాలు, మిగిలిన జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని ఏపీ వాతావరణ శాఖ అధికారులు తెలిపారు.

అక్కడక్కడ ఉరుములు, గంటకు 50 కిలోమీటర్ల వేగంతో ఈదురు గాలులు వీచే అవకాశం ఉందని వాతావరణ శాఖ అధికారులు అంచనా వేస్తున్నారు. కాబట్టి ప్రజలు అప్రమత్తంగా ఉండాలి. వర్షాకాలంలో అవసరమైతే మాత్రమే బయటకు రావాలి. శ్రీకాకుళం, పార్వతీపురం మన్యం, విజయనగరం, అల్లూరి సీతారామరాజు, విశాఖపట్నం, అనకాపల్లి, ఏలూరు, ఎన్టీఆర్ జిల్లాల్లో ఈరోజు అధికారులు ఎల్లో అలర్ట్ ప్రకటించారు.