భూగర్భంలో పండించే బీట్‌రూట్‌లో అనేక పోషకాలు ఉంటాయి.. అందుకే మంచి ఆరోగ్యం కోసం బీట్రూట్ తినాలని వైద్య నిపుణులు సిఫార్సు చేస్తున్నారు. బీట్‌రూట్‌లో విటమిన్లు, ఖనిజాలు, యాంటీఆక్సిడెంట్లు పుష్కలంగా ఉంటాయి.. ఇవి మన ఆరోగ్యాన్ని మెరుగుపరచడంలో, వ్యాధులను నివారించడంలో సహాయపడతాయి. అయితే.. బీట్‌రూట్‌ను అనేక విధాలుగా తినవచ్చు. కూరగాయలుగా, చట్నీగా,సలాడ్ లేదా జ్యూస్‌గా, అనేక ప్రత్యేక వంటకాలను కూడా తయారు చేసుకోవచ్చు. అయితే, చాలా మందికి బీట్రూట్ రుచి నచ్చదు. కానీ, దాని పోషక విలువలు తెలిసిన వారు ఖచ్చితంగా తమ రోజువారీ ఆహారంలో దీనిని చేర్చుకుంటారు. బీట్రూట్ తీసుకోవడం వల్ల మలబద్ధకం, ఊబకాయం, అలసట వంటి సమస్యల నుండి ఉపశమనం లభిస్తుంది.. ఇది శరీరాన్ని బలంగా చేస్తుంది.
బీట్‌రూట్‌లో లభించే పోషకాలు
[news_related_post]బీట్‌రూట్‌లో కాల్షియం, ఇనుము, యాంటీఆక్సిడెంట్లు వంటి అనేక పోషకాలు ఉంటాయి. మీరు 10 గ్రాముల బీట్రూట్ తింటే, మీకు 43 మిల్లీగ్రాముల కేలరీలు, 2 గ్రాముల కొవ్వు మాత్రమే లభిస్తుంది. అంటే.. మీ శరీర బరువు పెరగదు. ఇది మన శరీర అభివృద్ధికి చాలా ముఖ్యమైన పోషకమైన ప్రోటీన్‌ను కూడా పుష్కలంగా అందిస్తుంది. బీట్‌రూట్‌లో బీటాలైన్‌లు, విటమిన్ సి, ఐరన్, పొటాషియం, ఫోలేట్, డైటరీ ఫైబర్ ఉంటాయి. ప్రతిరోజూ ఉదయం బీట్రూట్ రసం తాగడం వల్ల కలిగే ఆరోగ్య ప్రయోజనాలు ఏమిటి? నిపుణులు ఏమి చెబుతున్నారో ఇప్పుడు తెలుసుకుందాం..
బీట్రూట్ తినడం వల్ల కలిగే ప్రయోజనాలు..
1. బీట్రూట్ తినడం వల్ల చాలా ప్రయోజనాలు ఉన్నాయి. అందుకే వైద్య నిపుణులు దీనిని సూపర్‌ఫుడ్ అని పిలుస్తారు.
2. బీట్రూట్ తినడం వల్ల రోగనిరోధక శక్తి పెరుగుతుంది. ఇది అనేక రకాల వ్యాధులు, ఇన్ఫెక్షన్ల నుండి మనల్ని రక్షిస్తుంది. ముఖ్యంగా.. దాని రసం సలాడ్లేదా పచ్చిగా తింటే చాలా ప్రయోజనకరంగా పరిగణించబడుతుంది.
3. తరచుగా మలబద్ధకం, కడుపు సమస్యలతో బాధపడేవారు బీట్‌రూట్‌ను తప్పనిసరిగా తీసుకోవాలి. ఎందుకంటే?.. దీనిలోని ఫైబర్ మీ జీర్ణక్రియను మెరుగుపరుస్తుంది. ఇది బరువు తగ్గడానికి కూడా సహాయపడుతుంది.
4. బీట్రూట్ సహజ చక్కెరకు గొప్ప మూలం. ఇది మన శరీరానికి శక్తిని అందించడానికి పనిచేస్తుంది. ఇది అలసటను తొలగిస్తుంది.
5. మీరు అధిక రక్తపోటుతో బాధపడుతుంటే, బీట్రూట్ సలాడ్ లేదా జ్యూస్ తీసుకోవాలి. ఇలా చేయడం ద్వారా మీ బిపి కొన్ని రోజుల్లోనే నియంత్రణలో ఉంటుంది.
6. తరచుగా అలసట లేదా బలహీనత గురించి ఫిర్యాదు చేసే వారికి బీట్రూట్ ఒక దివ్యౌషధం.
7. బీట్రూట్ తినడం రక్తాన్ని శుద్ధి చేస్తుంది. రక్తహీనత సమస్య తొలగిపోతుంది. ఇది శరీరంలో ఆక్సిజన్ స్థాయిని పెంచుతుంది.
8. బీట్రూట్ మన అందానికి కూడా చాలా ముఖ్యమైనది. ఇది జుట్టు రాలడాన్ని తగ్గిస్తుంది. ఇది ముఖానికి అద్భుతమైన మెరుపును తెస్తుంది.
ఉదయం బీట్రూట్ రసం తాగడం ఉత్తమం. ఒకవేళ అలా కుదరకపోతే మీరు రోజులో ఎప్పుడైనా తాగవచ్చు.
