ఎలోన్ మస్క్, నేటి ప్రపంచంలో ఒక విప్లవాత్మక వ్యక్తి. ఆయన జీవితం, ఆలోచనలు, విజయాలు ఎంతోమందికి స్ఫూర్తినిస్తున్నాయి. ఆయన జీవిత విశేషాలను తెలుగులో తెలుసుకుందాం.
Elon Musk జూన్ 28, 1971న దక్షిణాఫ్రికాలోని ప్రిటోరియాలో జన్మించారు. ఆయన చిన్నతనంలోనే కంప్యూటర్లు, సైన్స్ ఫిక్షన్ పట్ల ఆసక్తి పెంచుకున్నారు. 12 ఏళ్ల వయసులోనే ‘బ్లాస్టార్’ అనే వీడియో గేమ్‌ను రూపొందించి విక్రయించారు. ఈ చిన్న వయసులోనే ఆయనలోని వ్యాపార దృక్పథం, సాంకేతిక పరిజ్ఞానం స్పష్టంగా కనిపించాయి.
17 ఏళ్ల వయసులో కెనడాకు వలస వెళ్లిన మస్క్, అక్కడ క్వీన్స్ యూనివర్సిటీలో చదువుకున్నారు. తర్వాత అమెరికాలోని పెన్సిల్వేనియా విశ్వవిద్యాలయంలో భౌతిక శాస్త్రం, ఆర్థిక శాస్త్రంలో డిగ్రీలు పొందారు. స్టాన్‌ఫోర్డ్ విశ్వవిద్యాలయంలో ఫిజిక్స్‌లో పీహెచ్‌డీ చేయడానికి చేరినప్పటికీ, ఇంటర్నెట్ రంగంలో అవకాశాలను గుర్తించి రెండు రోజుల్లోనే ఆ కోర్సును వదిలేశారు.
Related News
1995లో ‘జిప్2’ అనే కంపెనీని స్థాపించారు. ఇది ఆన్లైన్ సిటీ గైడ్ సాఫ్ట్‌వేర్‌ను అందించేది. 1999లో కాంపాక్ కంపెనీ జిప్2ని 307 మిలియన్ డాలర్లకు కొనుగోలు చేసింది. ఈ లాభంతో మస్క్ ‘X.COM’ అనే ఆన్లైన్ బ్యాంకింగ్ కంపెనీని స్థాపించారు. ఇది తర్వాత ‘PAYPAL’గా మారింది. 2002లో ఈబే పేపాల్‌ను 1.5 బిలియన్ డాలర్లకు కొనుగోలు చేసింది.
మస్క్ జీవితంలో అతి ముఖ్యమైన మలుపులు 2002లో ‘SpaceX’ మరియు 2003లో ‘TESLA’ స్థాపన. స్పేస్ఎక్స్ అంతరిక్ష పరిశోధన మరియు రాకెట్ తయారీ రంగంలో విప్లవాత్మక మార్పులు తీసుకొచ్చింది. పునర్వినియోగ రాకెట్లను రూపొందించి, అంతరిక్ష ప్రయాణ ఖర్చులను తగ్గించింది. టెస్లా ఎలక్ట్రిక్ కార్ల తయారీలో ప్రపంచవ్యాప్తంగా గుర్తింపు పొందింది. పర్యావరణ పరిరక్షణకు, సాంప్రదాయ ఇంధన వనరులపై ఆధారపడటాన్ని తగ్గించడానికి టెస్లా ఎలక్ట్రిక్ కార్లు ఎంతో దోహదపడ్డాయి.
మస్క్ ‘SOLAR CITY’ అనే సోలార్ ప్యానెల్ కంపెనీని కూడా స్థాపించారు. ఇది గృహాలు, వ్యాపార సంస్థలకు సౌర విద్యుత్ పరిష్కారాలను అందిస్తుంది. ఆయన ‘బోరింగ్ కంపెనీ’ అనే మరో సంస్థను కూడా నెలకొల్పారు. ఇది భూగర్భ సొరంగాలను తవ్వి, ట్రాఫిక్ సమస్యను పరిష్కరించడానికి ప్రయత్నిస్తుంది. ‘NURALINKS’ అనే కంపెనీని స్థాపించి మానవ మెదడుకు కంప్యూటర్‌కు మధ్య అనుసంధానంపై పరిశోధనలు చేస్తున్నారు.
ఎలోన్ మస్క్ దృష్టి ఎప్పుడూ భవిష్యత్తుపైనే ఉంటుంది. మానవజాతిని అంతరిక్షంలోకి విస్తరించడం, పర్యావరణ అనుకూల సాంకేతికతలను అభివృద్ధి చేయడం, మానవ జీవితాన్ని మెరుగుపరచడం ఆయన లక్ష్యాలు. ఆయన ఆలోచనలు, పనులు తరచుగా వివాదాస్పదంగా ఉన్నప్పటికీ, ఆయన సాధించిన విజయాలు మాత్రం అద్భుతం.
ఆయన జీవితం ఎన్నో ఒడిదుడుకులతో కూడుకున్నది. ఎన్నోసార్లు ఆర్థికంగా నష్టపోయారు, విమర్శలు ఎదుర్కొన్నారు. కానీ ఎప్పుడూ తన లక్ష్యాలను వదులుకోలేదు. పట్టుదల, కృషి, అంకితభావంతో ముందుకు సాగారు. ఆయన జీవితం యువతకు స్ఫూర్తిదాయకం. కలలను సాకారం చేసుకోవడానికి నిరంతరం ప్రయత్నించాలని, వినూత్న ఆలోచనలతో ముందుకు సాగాలని ఆయన జీవితం మనకు నేర్పుతుంది.
