దేశవ్యాప్తంగా ఉన్న అన్ని రైల్వే ప్రాంతాలలో అసిస్టెంట్ లోకో పైలట్ (ALP) పోస్టుల భారీ నియామకానికి రైల్వే శాఖ గత నెలలో నోటిఫికేషన్ జారీ చేసిన విషయం తెలిసిందే. ఈ నోటిఫికేషన్ కింద మొత్తం 9,970 అసిస్టెంట్ లోకో పైలట్ (ALP) పోస్టులను భర్తీ చేయనున్నారు.
ఈ మేరకు, రైల్వే రిక్రూట్‌మెంట్ బోర్డు (RRB) అర్హులైన అభ్యర్థుల నుండి దరఖాస్తులను ఆహ్వానిస్తోంది. పదో తరగతి, ITI, డిప్లొమా, గ్రాడ్యుయేట్ డిగ్రీ ఉత్తీర్ణులైన అభ్యర్థులు ఈ పోస్టులకు దరఖాస్తు చేసుకునే అవకాశం ఉంటుంది. అయితే, గతంలో ప్రకటించిన ప్రకారం, మే 11, 2025 లోపు ఆన్‌లైన్ దరఖాస్తులను సమర్పించాల్సి ఉంది.
అయితే, దరఖాస్తు గడువును పొడిగిస్తున్నట్లు RRB ఇటీవల ప్రకటించింది. దీనితో, మే 19, 2025 వరకు ఆన్‌లైన్‌లో దరఖాస్తు చేసుకునే అవకాశం లభించింది. ఇంకా దరఖాస్తు చేసుకోని అభ్యర్థులు గడువుకు ముందే దరఖాస్తు చేసుకోవాలని సూచించారు.
Related News
ఈ నోటిఫికేషన్ ప్రకారం.. అహ్మదాబాద్, అజ్మీర్, బెంగళూరు, భోపాల్, భువనేశ్వర్, బిలాస్‌పూర్, చండీగఢ్, చెన్నై, గౌహతి, జమ్మూ మరియు శ్రీనగర్, కోల్‌కతా, మాల్డా, ముంబై, ముజఫర్‌పూర్, పాట్నా, ప్రయాగ్‌రాజ్, రాంచీ, సికింద్రాబాద్, సిలిగురి, తిరువనంతపురం, గోరఖ్‌పూర్ ప్రాంతాలలో నియామకాలు జరుగుతాయి. ఐటీఐతో పాటు 10వ తరగతి పూర్తి చేసిన ఎవరైనా దరఖాస్తు చేసుకోవచ్చు. లేదా సంబంధిత విభాగంలో మూడేళ్ల ఇంజనీరింగ్ డిప్లొమా లేదా ఇంజనీరింగ్ డిగ్రీ పూర్తి చేసిన వారు కూడా దరఖాస్తు చేసుకోవచ్చు.
అభ్యర్థుల వయోపరిమితి జూలై 01, 2025 నాటికి 18 నుంచి 30 సంవత్సరాల మధ్య ఉండాలి. ఎస్సీ, ఎస్టీలకు ఐదు సంవత్సరాలు, ఓబీసీలకు మూడు సంవత్సరాలు సడలింపు ఉంటుంది. దరఖాస్తు రుసుము..ఎస్సీ, ఎస్టీ, మాజీ సైనికులు, మహిళలు, ట్రాన్స్‌జెండర్, మైనారిటీ, ఈబీసీ అభ్యర్థులు రూ.250 చెల్లించాలి. జనరల్ అభ్యర్థులు రూ.500 చెల్లించాలి. రాత, వైద్య పరీక్షల ఆధారంగా ఉద్యోగ ఎంపిక జరుగుతుంది. ఎంపికైన వారికి నెలకు రూ.19,900 ప్రారంభ జీతం, ఇతర భత్యాలతో పాటు లభిస్తుంది.
RRB ప్రాంతం వారీగా ఖాళీల వివరాలు ఇలా ఉన్నాయి..
అహ్మదాబాద్ ప్రాంతంలో పోస్టుల సంఖ్య: 497
అజ్మీర్ ప్రాంతంలో పోస్టుల సంఖ్య: 820
ప్రయాగ్‌రాజ్ ప్రాంతంలో పోస్టుల సంఖ్య: 588
భోపాల్ ప్రాంతంలో పోస్టుల సంఖ్య: 664
భువనేశ్వర్ ప్రాంతంలో పోస్టుల సంఖ్య: 928
చండీగఢ్ ప్రాంతంలో పోస్టుల సంఖ్య: 568
చెన్నై ప్రాంతంలో పోస్టుల సంఖ్య: 433
చెన్నై ప్రాంతంలో పోస్టుల సంఖ్య: 362
గువహతి ప్రాంతంలో పోస్టుల సంఖ్య: 30
జమ్మూ మరియు శ్రీనగర్ ప్రాంతంలో పోస్టుల సంఖ్య: 08
కోల్‌కతా ప్రాంతంలో పోస్టుల సంఖ్య: 720
మాల్డా ప్రాంతంలో పోస్టుల సంఖ్య: 432
ముంబై ప్రాంతంలో పోస్టుల సంఖ్య: 740
ముజఫర్‌పూర్ ప్రాంతంలో పోస్టుల సంఖ్య: 89
పాట్నా ప్రాంతంలో పోస్టుల సంఖ్య: 33
ప్రయాగ్‌రాజ్ ప్రాంతంలో పోస్టుల సంఖ్య: 286
రాంచీ ప్రాంతంలో పోస్టుల సంఖ్య: 1213
సికింద్రాబాద్ ప్రాంతంలో పోస్టులు: 1500
సిలిగురి ప్రాంతంలో పోస్టుల సంఖ్య: 95
తిరువనంతపురం ప్రాంతంలో పోస్టుల సంఖ్య: 148
గోరఖ్‌పూర్ ప్రాంతంలో పోస్టుల సంఖ్య: 100
