ఈ సిరీస్‌లో, వార్డ్‌విజార్డ్ ఇన్నోవేషన్స్ అండ్ మొబిలిటీ లిమిటెడ్ జాయ్ నెమో పేరుతో కొత్త ఎలక్ట్రిక్ స్కూటర్‌ను భారత మార్కెట్లో ప్రవేశపెట్టింది. ఈ స్కూటర్ ధర రూ. 99,999 (ఎక్స్-షోరూమ్). కేవలం రూ.999.కే బుక్ చేసుకోవచ్చు.

జాయ్ నెమో ఎలక్ట్రిక్ స్కూటర్ ఎకో, స్పోర్ట్, హైపర్ అనే మూడు రైడింగ్ మోడ్‌లతో వస్తుంది. ఈ స్కూటర్ ఒక్కసారి ఛార్జింగ్ చేస్తే 130 కిలోమీటర్ల వరకు ప్రయాణించవచ్చని కంపెనీ పేర్కొంది. దీని గరిష్ట వేగం గంటకు 65 కిమీ, ఇది పట్టణ రహదారులకు మంచి ఎంపికగా చెప్పవచ్చు.

Joy Nemo Advanced Features::

ఈ స్కూటర్‌లో 1500W కెపాసిటీ BLDC మోటార్ ఉంది. ఇది 3-స్పీడ్ మోటార్ కంట్రోలర్‌తో జత చేయబడింది. జాయ్ నెమో సిల్వర్ మరియు వైట్ కలర్ ఆప్షన్‌లలో అందుబాటులో ఉంది. ఈ స్కూటర్‌లో ముందువైపు టెలిస్కోపిక్ ఫోర్కులు మరియు వెనుకవైపు డ్యూయల్ షాక్ అబ్జార్బర్స్ ఉన్నాయి. ఇవి మంచి రైడింగ్ అనుభూతిని అందిస్తాయి. రెండు చక్రాలపై హైడ్రాలిక్ డిస్క్ బ్రేక్‌లు మరియు కాంబి-బ్రేకింగ్ సిస్టమ్ కూడా ఉన్నాయి.

రన్నింగ్ ఖర్చు కిలోమీటరుకు 17 పైసలు మాత్రమే!

జాయ్ నెమో రన్నింగ్ చాలా పొదుపుగా ఉంది. కిలోమీటరుకు డ్రైవింగ్ ధర కేవలం 17 పైసలు, ఇది బడ్జెట్ అనుకూలమైనది. జాయ్ నెమో ఎలక్ట్రిక్ స్కూటర్ ఫీచర్లు, రేంజ్ మరియు ధర పరంగా మంచి ఎంపిక. దీని ఆకర్షణీయమైన డిజైన్, అధునాతన సాంకేతికత, ప్రత్యేకించి స్మార్ట్ బ్యాటరీ సిస్టమ్, USB ఛార్జింగ్ పోర్ట్, పట్టణ వినియోగానికి ఇది సరైన ఇ-స్కూటర్‌గా మారింది.