టొయోటా పేరు వినగానే నమ్మకం, మన్నిక, మైలేజ్, శక్తి అన్నీ గుర్తుకస్తాయి. ఈ జపాన్ కార్ల తయారీ కంపెనీ చాలా ఏళ్లుగా భారత మార్కెట్లో తనదైన స్థానాన్ని సంపాదించుకుంది. ఇక టయోటా బ్రాండ్‌లో ‘ఫార్చ్యూనర్’ పేరు వింటే చాలామందికి డ్రీమ్ SUVలా ఉంటుంది. కానీ దీని ధర మాత్రం ఎంతో మందికి చేరుకోలేనిది. రూ.33 లక్షల నుంచి ప్రారంభమయ్యే ఈ SUV మధ్య తరగతి వ్యక్తి కలల్లోనే మిగిలిపోతుంది. కానీ ఇప్పుడు ఆ కలలు నిజమయ్యే అవకాశం కనిపిస్తోంది.
టయోటా కంపెనీ ఇప్పుడు ఒక బేబీ ఫార్చ్యూనర్‌ను తీసుకురావడానికి సన్నాహాలు చేస్తోంది. అంటే అసలు ఫార్చ్యూనర్‌లా స్టైల్‌, బలాన్ని అందించే మరో కొత్త మోడల్‌ను తక్కువ ధరలో అందించబోతోంది. ఈ SUV పేరు “ల్యాండ్ క్రూయిజర్ FJ”. కొంతమంది దీన్ని బేబీ ఫార్చ్యూనర్ అని కూడా పిలుస్తున్నారు. ఇది పూర్తిగా రఫ్ అండ్ టఫ్ లుక్‌లో ఉండబోతోంది. ముఖ్యంగా మధ్య తరగతికి చౌక ధరలో టయోటా SUV కావాలనుకునే వారికి ఇది గొప్ప అవకాశం.
ఇప్పటికే టయోటా మార్కెట్లో పలు మోడళ్లను సక్సెస్‌ఫుల్‌గా రిలీజ్ చేసింది. ఇప్పుడు ఈ కొత్త మోడల్ కూడా అదే స్థాయిలో హిట్ అవుతుందనే అంచనాలు ఉన్నాయి. ఈ SUV ధర ఫార్చ్యూనర్ కంటే చాలా తక్కువగా ఉండబోతోంది. అంచనా ప్రకారం, ఇది రూ.15 లక్షల నుంచి రూ.20 లక్షల మధ్య ఉండే అవకాశం ఉంది. ఈ ధరలో టయోటా లాంటి బ్రాండ్‌కి SUV దొరకడం అంటేనే పెద్ద విషయం.
Related News
ఈ కార్ డిజైన్ విషయంలో కూడా చాలా ప్రత్యేకంగా ఉండబోతోంది. బాక్సీ లుక్‌, చంకీ వీల్స్, పవర్‌ఫుల్ స్టాన్స్ అన్నీ కలిసి ఇది నిజమైన ఆఫ్ రోడ్ బీస్ట్‌లా కనిపించనుంది. యంగ్ జనరేషన్‌ని ఆకట్టుకునేలా దీని లుక్స్ ఉంటాయంటున్నారు. ఇది ఉన్నపళంగా చూస్తే పాత డిజైన్‌లా అనిపించొచ్చు కానీ దాని లోపల టెక్నాలజీ మోడర్న్‌గా ఉంటుందట. ఫార్చ్యూనర్‌ను చిన్నవిగా చేసి తీసుకొచ్చినట్టే ఈ కొత్త బేబీ ల్యాండ్ క్రూయిజర్ కనిపిస్తుంది.
ఇంకా ఈ SUVను టయోటా తన హిలక్స్ చాంప్ ఛాసిస్ మీద తయారు చేస్తోంది. ఇది చాలా స్ట్రాంగ్ ప్లాట్‌ఫామ్. ఆఫ్ రోడ్ లవర్స్‌కి ఇది మంచి న్యూస్. దుమ్ము, మట్టిలోనూ, లేత మలుపుల్లోనూ ఈ SUVకి దడ లేదని అంచనా. ఇది 4×4 వేరియంట్‌లో కూడా అందుబాటులోకి రావొచ్చని సమాచారం. అంటే రోడ్డుపై కాకుండా రోడ్ లేని చోట్లా క్యూట్‌గా పరుగెత్తే SUV కావొచ్చన్నమాట.
ఇంజిన్ పరంగా చూస్తే, ఈ SUVలో రెండు వేరియంట్లు ఉండొచ్చు. ఒకటి పెట్రోల్ ఇంకొకటి డీజిల్. పెట్రోల్ వేరియంట్‌లో 2.7 లీటర్ 2TR-FE ఇంజిన్ ఉండొచ్చు. ఇది ఇన్నోవాలో కూడా ఉపయోగించిన ఇంజిన్. అలాగే డీజిల్ వేరియంట్‌లో 2.8 లీటర్ డీజిల్ ఇంజిన్ ఉండొచ్చని టాక్‌. ఇంకా హైబ్రిడ్ వేరియంట్‌ ఉంటుందా లేదా అన్నదే ప్రస్తుతం క్లారిటీ లేదు. కానీ టయోటా ట్రాక్ రికార్డ్‌ను చూస్తే, పైన చెప్పిన ఇంజిన్‌లు ఖచ్చితంగా రెడీగా ఉన్నాయన్నమాట.
కారులో ఉండే సౌకర్యాలు కూడా మధ్య తరగతిని దృష్టిలో పెట్టుకుని ఉండొచ్చు. టచ్ స్క్రీన్, బ్యాకింగ్ కెమెరా, పుష్ స్టార్ట్, ఆటోమేటిక్ ఏసీ వంటి ఫీచర్లు ఉండే అవకాశం ఉంది. అలాగే టయోటా ఎప్పుడూ తన కార్లలో భద్రతపై స్పెషల్ ఫోకస్ పెడుతుంది. కాబట్టి డ్యూయల్ ఎయిర్‌బ్యాగ్స్, ABS, EBD వంటి సేఫ్టీ ఫీచర్లు కూడా ఉంటాయని అంచనా.
కొలతల పరంగా చూస్తే, ఈ SUV సుమారు 4,500 మిల్లీమీటర్ల పొడవు, 1,830 మిల్లీమీటర్ల వెడల్పు, 1,850 మిల్లీమీటర్ల ఎత్తుతో ఉండబోతోంది. అంటే ఫార్చ్యూనర్ కంటే కొంచెం చిన్నదే కానీ ఫీల్ మాత్రం పెద్ద SUVలానే ఉంటుంది. ఇది భారత రోడ్లకు అనువైనంత కాంపాక్ట్‌గా, స్టైల్‌గా ఉంటుంది.
ప్రస్తుతం ఈ SUV మార్కెట్లోకి ఎప్పుడు వస్తుందన్నది అధికారికంగా టయోటా ప్రకటించలేదు. కానీ ఇన్‌సైడ్ సమాచారం ప్రకారం, ఈ బేబీ ఫార్చ్యూనర్ 2026 నాటికి మార్కెట్లోకి వచ్చే అవకాశముందని చెబుతున్నారు. మొదటగా ఇది థాయిలాండ్, ఇండోనేసియా లాంటి మార్కెట్లలో విడుదలై, తర్వాత ఇండియాకు వచ్చే అవకాశం ఉంది.
ఈ SUV రాకతో మిడ్ బడ్జెట్‌ SUV సెగ్మెంట్‌లో పోటీ మరింత పెరగనుంది. ఇప్పటికే టాటా, మహీంద్రా, హ్యూండాయ్ వంటి కంపెనీలు మధ్య ధరలో బలమైన SUVలు విడుదల చేస్తున్న నేపథ్యంలో టయోటా ఈ కొత్త బేబీ ల్యాండ్ క్రూయిజర్‌తో గేమ్‌నే మార్చే ఛాన్స్ ఉంది. ఇక దాని ధర అందుబాటులో ఉంటే, మధ్య తరగతికి ఫార్చ్యూనర్‌ని కొనాలన్న కలను నిజం చేసే SUV ఇదే అవుతుంది.
ఈ SUV రాకతో చిన్న SUV నుంచి లగ్జరీ SUV మధ్యలో ఉన్న ఖాళీని పూడ్చే అవకాశం ఉంది. ఒకవేళ ఇది భారత మార్కెట్లో లాంచ్ అయితే, టయోటా పునర్విభజనలో కీలక పాత్ర పోషించనుంది. ప్రస్తుతం కార్ ప్రియులు టయోటా నుండి అధికారిక అప్‌డేట్ కోసం ఎదురు చూస్తున్నారు.
మొత్తానికి చెప్పాలంటే, టయోటా తీసుకురానున్న ఈ బేబీ ల్యాండ్ క్రూయిజర్ ఒక కొత్త సంచలనం కావొచ్చు. ఫార్చ్యూనర్ స్టైల్‌, శక్తిని అందిస్తూ మధ్య తరగతికి అందుబాటులోకి వచ్చే SUVగా ఇది మారే అవకాశముంది. SUV లవర్స్‌కి ఇది మిస్సవకుండా పట్టుకోవాల్సిన అవకాశమే!
