అధికారులు తెలిపిన వివరాల ప్రకారం, SPDCL కింద 85 శాతానికి పైగా విద్యుత్ బిల్లు చెల్లింపులు థర్డ్ పార్టీ అప్లికేషన్ ప్రొవైడర్స్ (TPAP) ద్వారా జరుగుతున్నాయి. ఈ ప్రయోజనం కోసం కొన్ని UPI ఆధారిత యాప్‌లు మాత్రమే విస్తృతంగా ఉపయోగించబడుతున్నాయి.

రిజర్వ్ బ్యాంక్ ఆఫ్ ఇండియా ఆదేశాల ప్రకారం, బ్యాంక్ యాప్‌లు నేషనల్ పేమెంట్స్ కార్పొరేషన్ ఆఫ్ ఇండియా (NPCI) కింద భారత్ బిల్ పేమెంట్ సిస్టమ్ (BBPS)లో నమోదు చేసుకోవాలి. కానీ అనేక థర్డ్ పార్టీ యాప్ సేవలందిస్తున్న బ్యాంకులు ఇంకా ఈ సిస్టమ్‌ని యాక్టివేట్ చేయలేదు. చెల్లింపులను నిలిపివేస్తున్నట్లు తెలిపారు.

జూలై 1 నుంచి RBI  కొత్త నిబంధన తీసుకొచ్చింది.

ఈ నిబంధనల ప్రకారం, నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఆధ్వర్యంలోని భారత్ బిల్ పేమెంట్ సిస్టమ్ (BBPS) ద్వారా చెల్లింపులు చేయాలి. ఇందులో భాగంగా, UPI సేవలందిస్తున్న బ్యాంకులు BBPSని ప్రారంభించాలి. ఇప్పటివరకు హెచ్‌డిఎఫ్‌సి, ఐసిఐసిఐ, యాక్సిస్ బ్యాంక్ వంటి ప్రధాన బ్యాంకులు ఈ వ్యవస్థను ప్రారంభించలేదు.

దీని వల్ల PhonePay, Google Pay, Amazon Pay వంటి థర్డ్ పార్టీ యాప్‌లలో బిల్లులు చెల్లించలేము.. ఆ యాప్‌ల ద్వారా క్రెడిట్ కార్డ్‌ల నుండి బిల్లు చెల్లింపులు చేయలేము.

అయితే SBI, బ్యాంక్ ఆఫ్ బరోడా, కోటక్ మహీంద్రా బ్యాంక్, ఇండస్ఇండ్ బ్యాంక్, ఫెడరల్ బ్యాంక్, కెనరా బ్యాంక్, RBL బ్యాంక్, AU స్మాల్ ఫైనాన్స్ బ్యాంక్ కస్టమర్లు ఆందోళన చెందాల్సిన అవసరం లేదు. ఈ బ్యాంకులు BBPS ప్లాట్‌ఫారమ్‌లో నమోదు చేయబడ్డాయి. కాబట్టి పైన పేర్కొన్న బ్యాంక్ కస్టమర్‌లు థర్డ్ పార్టీ యాప్‌ల ద్వారా చెల్లింపులను కొనసాగించవచ్చు.