ఈ రోజుల్లో ఆర్థిక భద్రత ఒక వ్యక్తికి అత్యవసరం. కానీ చాలా మంది ఇన్సూరెన్స్ అవసరాన్ని తక్కువగా అంచనా వేస్తున్నారు. మన ఆరోగ్యానికి, కుటుంబ భవిష్యత్తుకు భరోసా ఇవ్వగలిగిన ముఖ్యమైన సాధనం ఇన్సూరెన్స్. మీకు ఇన్సూరెన్స్ లేదంటే, మీరు ఈ ముఖ్యమైన ప్రయోజనాలను కోల్పోతున్నారు
1. ఆర్థిక భద్రత లేకపోవడం
జీవితంలో ఎప్పుడు ఏమి జరుగుతుందో ఎవరికి ముందుగా తెలియదు. ఒక అకస్మాత్తు ప్రమాదం, అనారోగ్యం లేదా అకాల మరణం వల్ల కుటుంబం ఆర్థికంగా తీవ్రమైన కష్టాలను ఎదుర్కోవాల్సి వస్తుంది. ఇన్సూరెన్స్ ఉంటే మీ కుటుంబం ఆర్థికంగా సురక్షితంగా ఉంటుంది.
2. హాస్పిటల్ ఖర్చులు భారమవ్వడం
ఇప్పుడు చిన్న ఆరోగ్య సమస్యకే లక్షల్లో హాస్పిటల్ ఖర్చులు వస్తున్నాయి. ఆరోగ్య బీమా లేకపోతే, ఒకే ఒక్క వైద్య చికిత్స వల్ల మీ జీవిత పొదుపు మొత్తం ఖర్చైపోయే అవకాశం ఉంది. కాబట్టి తక్కువ ప్రీమియంతోనే హాస్పిటల్ ఖర్చుల భారం లేకుండా హెల్త్ ఇన్సూరెన్స్ తక్షణమే తీసుకోవాలి.
Related News
3. ఆదాయ నష్టం ఎదురవడం
మీరు కుటుంబం కోసం సంపాదిస్తున్న వ్యక్తి అయితే, మీ ఆదాయం లేకుంటే వారేమవుతారు? అనుకోండి. టర్మ్ ఇన్సూరెన్స్ ఉంటే, ఏదైనా ప్రమాదకర సంఘటన జరిగినా, మీ కుటుంబానికి మీ ఆదాయాన్ని స్థానంలోకి తెచ్చే భరోసా ఉంటుంది.
4. ఇన్వెస్ట్ మెంట్ మిస్ అవ్వడం
ఇన్సూరెన్స్ కేవలం భద్రతకే కాదు, సేఫ్ ఇన్వెస్ట్‌మెంట్ ఆప్షన్ కూడా. ULIP, Endowment Plans, Pension Plans వంటి ప్లాన్స్ ద్వారా భవిష్యత్తుకు మంచి పొదుపు అవుతుంది.
ఇప్పుడు ఏం చేయాలి?
- మీ కుటుంబాన్ని రక్షించుకోవడానికి టర్మ్ ఇన్సూరెన్స్ తీసుకోండి
- ఆరోగ్య భద్రత కోసం హెల్త్ ఇన్సూరెన్స్ పొందండి
- భవిష్యత్ కోసం చక్కటి పొదుపు ఇన్సూరెన్స్ ప్లాన్లు ఎంచుకోండి
ఇన్సూరెన్స్ అనేది ఖర్చు కాదు, భవిష్యత్ కోసం పెట్టుబడి. మీరు ఇంకా ఇన్సూరెన్స్ తీసుకోలేదా? ఇక ఆలస్యం చేయకండి.
