దేశవ్యాప్తంగా కోట్లాది మంది రైతులు ఎదురుచూస్తున్న ప్రధానమంత్రి కిసాన్ సమ్మాన్ నిధి యోజన (PM Kisan) 20వ విడత డబ్బు త్వరలో విడుదలయ్యే అవకాశముంది. ఇది రైతుల ఆర్థిక స్థిరత్వానికి ఎంతో ఉపశమనం కలిగించే పథకం. ఈ పథకం కింద ప్రభుత్వం ప్రతి సంవత్సరం రూ.6,000ను మూడు విడతలుగా రైతుల ఖాతాల్లో జమ చేస్తోంది. ఒక్కో విడతలో రూ.2,000 చొప్పున డబ్బు అందుతుంది.
ఇప్పటికే 19వ విడత ఫిబ్రవరి 24, 2025న విడుదలైన సంగతి తెలిసిందే. ఇప్పుడు అందరూ ఆసక్తిగా ఎదురుచూస్తున్న 20వ విడత జూలై రెండో వారం వరకు రావచ్చన్న ప్రచారం మీడియాలో జోరుగా సాగుతోంది. అయితే అధికారికంగా కేంద్ర ప్రభుత్వం ఇంకా తుది తేదీని ప్రకటించలేదు. కానీ విశ్వసనీయంగా అందిన సమాచారం ప్రకారం జూలై 14వ తేదీ లోపు డబ్బు రైతుల ఖాతాల్లో జమ కావచ్చు.
ఈ పథకానికి అర్హత పొందిన రైతులు తప్ప, ఇతరుల ఖాతాల్లో డబ్బు జమ కావడం జరగదు. e-KYC పూర్తయ్యి ఉండాలి. ఆధార్ కార్డు మరియు ఖాతా వివరాలు సరైనవిగా ఉండాలి. పేరు లబ్ధిదారుల జాబితాలో ఉండాలి. ఇవన్నీ సరిపోయిన రైతుల ఖాతాల్లోనే ఈ 20వ విడత రూ.2,000 వస్తుంది.
[news_related_post]రాష్ట్ర ప్రభుత్వాలు ఇప్పటికే e-KYC లేకుండా ఉండే రైతులను జాబితా నుంచి తొలగిస్తున్నాయి. అందుకే మీ e-KYC పూర్తయిందా లేదా అన్నదాన్ని వెంటనే వెబ్‌సైట్‌లో చూసుకోవాలి. లేదంటే డబ్బు రావడం ఆలస్యం కావొచ్చు, లేదా రావకపోవచ్చు కూడా.
మీకు రూ.2,000 డబ్బు జమ అయిందా లేదా అన్నదాన్ని వెబ్‌సైట్ ద్వారా చాలా సులభంగా తెలుసుకోవచ్చు. ముందుగా https://pmkisan.gov.in వెబ్‌సైట్‌కి వెళ్లాలి. తర్వాత “Know your status” అనే లింక్‌పై క్లిక్ చేయాలి. అక్కడ మీరు మీ ఆధార్ నెంబర్ లేదా రిజిస్ట్రేషన్ నెంబర్ ఎంటర్ చేయాలి. మీ పేరు లబ్ధిదారుల జాబితాలో ఉందా, e-KYC పూర్తయ్యిందా అనే విషయాలు అక్కడ కనిపిస్తాయి.
మీ మొబైల్ ద్వారా కూడా డబ్బు స్టేటస్ చెక్ చేయొచ్చు. మళ్లీ అదే వెబ్‌సైట్‌కి వెళ్లి “Update Mobile Number” అనే ఆప్షన్‌పై క్లిక్ చేయాలి. ఆధార్ లేదా రిజిస్ట్రేషన్ నెంబర్ ఎంటర్ చేయాలి. కొత్త మొబైల్ నెంబర్ ఎంటర్ చేసి OTP ద్వారా వెరిఫై చేయాలి. తద్వారా మీకి నోటిఫికేషన్‌లు రావడం సులభమవుతుంది.
ఈ పథకం ప్రారంభమైనప్పటి నుంచి రైతులకు ప్రతి సంవత్సరం రూ.6,000 చొప్పున ఇవ్వడం జరుగుతోంది. ఇప్పటివరకు 19 విడతలు పూర్తి కాగా, ఒక్కో విడతలో రూ.2,000 చొప్పున మొత్తం రూ.38,000 వరకు రైతుల ఖాతాల్లో జమ అయ్యింది. ఇప్పుడు 20వ విడతతో కలిపి ఇది రూ.40,000కి చేరనుంది. ఇది రైతుల చిన్న అవసరాలకు భారీ సాయంగా మారుతుంది.
ఈ పథకం రైతుల ఆర్థిక స్వావలంబనను పెంచేందుకు ప్రభుత్వం అందిస్తున్న శ్రేష్ఠమైన పథకాలలో ఒకటి. ఖరీదు పెరుగుతున్న యూరియా, విత్తనాలు, పంట ఉత్పత్తికి కావలసిన వస్తువుల ఖర్చులను తగ్గించడానికీ ఈ డబ్బు ఉపయుక్తంగా ఉంటుంది.
మీ పేరు లబ్ధిదారుల జాబితాలో ఉందా లేదా అన్న దాన్ని కూడా అదే వెబ్‌సైట్‌లో చూసుకోవచ్చు. “Beneficiary List” అనే ఆప్షన్‌పై క్లిక్ చేసి రాష్ట్రం, జిల్లా, మండల, గ్రామం వివరాలు ఎంటర్ చేస్తే మీ పేరు కనిపిస్తే డబ్బు రావడానికి మీరు అర్హులే అన్నమాట.
ఇప్పటి వరకు కేంద్ర వ్యవసాయ శాఖ నుంచి అధికారికంగా డేట్ ప్రకటించలేదు. కానీ జూలై 14వ తేదీ లోపు డబ్బు జమ కాబోతుందన్న వార్తలతో రైతుల్లో ఉత్సాహం నెలకొంది. ఎప్పుడెప్పుడా అని ఎదురు చూస్తున్నారు. మీరు కూడా మీ స్టేటస్ చెక్ చేసుకొని అన్ని వివరాలు క్లియర్ చేసుకోండి.
పేద రైతులకు ఇది వాస్తవంగా ఓ వరం. కేవలం ఆధార్, బ్యాంక్ ఖాతా కలిపి నమోదు చేసుకుంటే ప్రతి నాలుగు నెలలకోసారి రూ.2,000 జమ అవుతోంది. ఇప్పుడే వెబ్‌సైట్‌కి వెళ్లి మీ స్టేటస్‌ను చెక్ చేయండి. పేరు జాబితాలో లేకపోతే వెంటనే రైతు సేవా కేంద్రానికి వెళ్లి సరిచేసుకోండి. ఎందుకంటే ఇది తప్పిపోతే మరో నాలుగు నెలలు ఆగాల్సిందే…
