కేంద్ర ప్రభుత్వం నిర్వహిస్తున్న ఇ-శ్రామ్ పోర్టల్‌లో ఇప్పటివరకు 30.58 కోట్ల మంది అసంఘటిత రంగ కార్మికులు నమోదయ్యారు. ఈ కార్మికులు అనేక ప్రభుత్వ సంక్షేమ పథకాల నుంచి నేరుగా లాభం పొందుతున్నారు. ఈ విషయాన్ని ఫిబ్రవరి 3న లోక్‌సభలో కార్మిక శాఖ సహాయ మంత్రి శోభా కరంద్లాజే వెల్లడించారు. 2024లో మాత్రమే 1.23 కోట్ల మంది కొత్తగా రిజిస్టర్ చేసుకున్నారు. ప్రస్తుతం రోజుకు సగటున 33,700 మంది రిజిస్ట్రేషన్ చేస్తున్నారు.
ఇ-శ్రామ్ పోర్టల్ అంటే ఏమిటి?
2021 ఆగస్టు 26న కార్మిక, ఉపాధి శాఖ ఈ పోర్టల్‌ను ప్రారంభించింది. ఇది 22 భారతీయ భాషలలో అందుబాటులో ఉంది. ప్రస్తుతం 12 కేంద్ర శాఖల పథకాలతో లింక్ అయింది. ఈ పోర్టల్ ద్వారా అసంఘటిత రంగ కార్మికుల డేటా సేకరించి, వారికి సోషల్ సెక్యూరిటీ పథకాలు కల్పించడం ముఖ్య ఉద్దేశ్యం.
ఎలా నమోదు చేసుకోవాలి?
ఇ-శ్రామ్ పోర్టల్‌లో నమోదు చాలా ఈజీగా ఉంటుంది. మీరు స్వయంగా ఆన్‌లైన్‌లో రిజిస్టర్ చేయవచ్చు లేదా మీకు దగ్గరలోని సీఎస్సీ (Common Service Centre)కి వెళ్లి సహాయం తీసుకోవచ్చు.
Related News
అవసరమైన డాక్యుమెంట్లు: ఆధార్ కార్డు,బ్యాంక్ ఖాతా వివరాలు,మొబైల్ నెంబర్.
ఇ-శ్రామ్ కార్డు ఉన్నవారికి లభించే పథకాలు
ఇప్పటివరకు 12 ప్రధాన పథకాలతో ఈ పోర్టల్ కనెక్ట్ అయింది. అందులోని ముఖ్యమైనవి: ప్రధాన్ మంత్రి సురక్ష బీమా యోజన (PMSBY),జీవిత బీమా యోజన (PMJJBY),ఆయుష్మాన్ భారత్,PM-SVANidhi,PM అవాస్ యోజన
ఎవరెవరు అర్హులు?
ఈ క్రింది అసంఘటిత రంగ కార్మికులు ఈ పథకానికి అర్హులు:
స్ట్రీట్ వెండర్లు ,చిన్న షాపులు ఉన్నవారు, కూరగాయలు, పాల అమ్మేవారు,నిర్మాణ కార్మికులు,రిక్షా, బండి నడిపేవారు, గబ్బిలాలవారు, ధోవీలు, కుట్టు కార్మికులు, మోచేలు వేసేవారు, మరికొందరు సాధారణ కార్మికులు.
ఇంకా ఆలస్యం ఎందుకు? ఇ-శ్రామ్ కార్డు ఇప్పుడే తీసుకోండి – ప్రభుత్వ పథకాలు మీ కడుపు నింపే మార్గం అవుతాయి.
